مشكلة بظبط الكهرباء للعربية 94

[mohammad isdf]

السلام عليكم ورحمة الله وبركاته

ازيكم يا ابيزاوية كل سنة وانتم بكل خير وسعادة

الحقيقة وانا بعمل السرفسة الدورية للعربية

غيرت سير كاتينة وللأسف مكنش فيه الفبرة اللى ورا السير اللى بيتم تظبيط التقسيمة على أساسها .. موجودة عندى لكن سايحة، فالأسطى عصام عمل التقسيمة بخبرته .. وقالى كانت متقسمة غلط قبل كده ..

وغيرت بوجيهات وفجأة لاقيت الأربى إم عالى فالأسطى ظبطلى الكاربيراتير مع الاسبراتير

وهنا ظهرت المشكلة

العربية تنتش ومخنوقة ..

رجعتلو تانى ظبطها ، لكن السحب كان ضعيف جدا فى المطالع والعربية انزل بالنقلات بشكل جامد عشان اوافق السرعة مع النقلة


ورجعتلوا تالت، ظبط العربية وطلع جرب معايا .. وكانت كويسه لكن فى الحقيقة مش نفس أداء العربية قبل ما اعمل السرفيس بردوا المطالع العربية سحبها مش تمام اوى بالإضافة إلى ان صوت الموتور مش مريحنى

ملاحظات :
الإسبراتير خلاه على النص بالظبط فكانت العربية كأنى بجر مأطورة ده فى اول مرة، بعد كده لما ظبطها خلى المسمار قبل الآخر بشوية بالسحب بقى افضل ..

أنا بقى زودت الاسبراتير قبل الآخر بشوية كمان فالسحب بقى افضل بس طبعا الموتور صوته علي شوية

فأنا نفسى أفهم الصح إيه يا جماعه عشان تعبت مع ان الحاجه بسيطة جدا جدا

هوريكم صورة الإسبراتير عندى وياريت تشرحولى الميكانيكه بتاعة عمله

ده الإسبراتير وكمان انا مزحزح المسمار عن كده كمان شوية ناحية الآخر


وده الآرب بى إم

[Karim Ibiza]

ازيك يا حج محمد

انا شايف الـ rpm مظبوط بس الاسبراتير أصول يكون المسمار فى النص ولو زاد شوية مفيش مشكلة عشان تعادل الكهرباء مع نوع البنزين اللى بتحطه
بس اعمل حسابك ان كل زيادة فى الاسبراتير هتزود استهلاك البنزين

روح لعصام تانى متتكسفش وخليه يراجع على التقسيمة تانى وبص على باقى الحاجات اللى ممكن تعمل نتشة زى الموبينة وكابلات البوجيهات وبيكات الكربراتير وفلتر البنزين ورداغ البنزين

وان شاء الله خير

[mohammad isdf]

ازيك يا حج محمد

انا شايف الـ rpm مظبوط بس الاسبراتير أصول يكون المسمار فى النص ولو زاد شوية مفيش مشكلة عشان تعادل الكهرباء مع نوع البنزين اللى بتحطه
بس اعمل حسابك ان كل زيادة فى الاسبراتير هتزود استهلاك البنزين

روح لعصام تانى متتكسفش وخليه يراجع على التقسيمة تانى وبص على باقى الحاجات اللى ممكن تعمل نتشة زى الموبينة وكابلات البوجيهات وبيكات الكربراتير وفلتر البنزين ورداغ البنزين

وان شاء الله خير

أنا متشكر جدا اهتمامك يا مهندس كريم وشكرا لذوقك

لما عمل المسمار بتاع الاسبراتير على النص كأنى كنت بجر مقطورة فهل نخليه على النص ونظبط من مسمار الكاربراتير الخاص بالبنزين والهواء ؟ وهل ده هيبقى موفر أكتر فى البنزين ( الموضوع ده مهم جدا بالنسبالى)

[hossamalsadik]

طبط الاسبراتير لحد ما rpm يكون على 8.5 & 9 بس كده
بص يامحمد هريحك
توافق ظبط الاسبراتير مع الكربراتير مع الحالة العامة للماتور عشان يدينى افضل أداء
ديه خبرة صنيعى أو يفضل يجرب ونتا معاه لحد ما تيجى كده لوحدها

[mohammad isdf]

طبط الاسبراتير لحد ما rpm يكون على 8.5 & 9 بس كده
بص يامحمد هريحك
توافق ظبط الاسبراتير مع الكربراتير مع الحالة العامة للماتور عشان يدينى افضل أداء
ديه خبرة صنيعى أو يفضل يجرب ونتا معاه لحد ما تيجى كده لوحدها

أنا فكرت اروح مركز الصفا اللى جسر السويس وعندهم اجهزة لقياس العادم وتبقى وسيلة كويسه لتوفير البنزين وتحسين السحب

ايه رايكم ؟

[hossamalsadik]

طلما عصام فشل معاك فى الموضوع ده
جرب وروح الصفا

[Karim Ibiza]

أنا متشكر جدا اهتمامك يا مهندس كريم وشكرا لذوقك

لما عمل المسمار بتاع الاسبراتير على النص كأنى كنت بجر مقطورة فهل نخليه على النص ونظبط من مسمار الكاربراتير الخاص بالبنزين والهواء ؟ وهل ده هيبقى موفر أكتر فى البنزين ( الموضوع ده مهم جدا بالنسبالى)

فابريكة المفروض يكون فى النص وتظبط عليه الكربراتير لكن ممكن تزود حاجة بسيطة عشان تعوض الفقد فى اوكتين البنزين بتاعنا
كل ما هتزود الكهرباء كل ما هتسحب منك بنزين اكتر
الموضوع محتاج واحد يكون عنده خبرة فى ظبط الهواء مع البنزين

[mohammad isdf]

كلام جميل جدا وكويس انكم رسيتونى على الفابريكه بتبقى ازاى

انا كلمت مركز الصفا سألتهم غسيل الكاربراتير وظبط الكهرباء والبنزين والهوا قالى 135 جنيه ، بالإضافة ان لو فى اى صيانه هغيرها زى البيكات لو بايظه هغير على طول بسعر لوحدها !!

[hossamalsadik]

الموضوع ده هتظبطه مره واحده فقط وبعدها هتستريح وهتاخد الاداء المظبوط فمش مشكله يا محمود
أهم حاجه تستلم الماتور منهم مظبوط تمام
ووافينا بما تم للافاده

خالص تحياتى

[ehab_mansour]

معذرة لكل الكلام السابق و رأي الاخوة الاعزاء و لكن من الاخر عشان متوجعش ............
العربية دي تقسيمة الكاتينة ليها مش مضبوطة و بس

ولا كاربيراتير و لا هواء ولا اسبراتير
انا حصل معايا كل المواقف دي ..... من الاخر العربيات دي حساسه مينفعش اجيب صنايعي يفتي و يضبط الكاتينة ليها بالخبرة نهائيا لأن الخبره دي ممكن تجيب سنة قدام او ورا للكاتينة و ابقي قابلني لو لقيت تحت رجلك عربية من الاساسا

و بالتوفيق و قلي موتورك كام سيسي و نوعه ايه و احاول اساعدك في ضبطها كما ضبط كاتينة عربيتي مرة أخري بعد عصام ما عكهالي قبل كده

[mohammad isdf]

أنا متشكر لمروركم جدا يا عم حسام ويا مهندس ايهاب نورت الدنيا

العربية كاربيراتير 1300 سى سى الخاص بابيزا 94 الحقيقة انا مش عارف الكود بتاعه ايه بس هو الفابريكة بتاع العربية

[Karim Ibiza]

أنا متشكر لمروركم جدا يا عم حسام ويا مهندس ايهاب نورت الدنيا

العربية كاربيراتير 1300 سى سى الخاص بابيزا 94 الحقيقة انا مش عارف الكود بتاعه ايه بس هو الفابريكة بتاع العربية

موتورك الكود بتاعه aav

[ehab_mansour]

انا مش لاقي معلومات فنية عندي للموتور ده ... ياريت لو حد يقدر يفيدنا في القصة دي بصور بتوضح كيفية ضبط الكاتينة
او فيه حل تاني ... احد الاخوة اللي معاه نفس العربية بنفس المحرك يتبرع و يقف معاك بعربيته تشوف مضبوطه ازاي و تضبط عربيتك زيها او تشتري الغطاء المكسور و تعيد فك الكاتينة كلها و تظبطها من اول و جديد

[mohammad isdf]

ان شاء الله انا ناوى اشترى الفبرة دى لكن مستنى بس ظروف وقتى تتحسن دعواتكم بالتيسير

أهو انا مشكلتى دايما ان الصنايعيى اذا مظبطش الحاجة فى وقتها مرة واحد وخلصنا .. بخسر وقت كتير وجهد ودى اكتر حاجه بتضايقنى وتتعبنى

[Karim Ibiza]

انت تؤمر يا حج إيهاب