ناس شاركونا كتير وتعبوا معانا بنطمئن عليهم .. ممكن تكون واحد منهم

[mohammad isdf]

السلام عليكم ورحمة الله وبركاته

ازيكم يا سيتاوية يا محترمين

الحقيقة عندى فكرة ربما تكون عند كتير مننا

ألا وهى ازاى نبحث عن الناس اللى ادونا من وقتهم وخبرتهم وكانوا بيشاركوا باستمرار بالقسم خصوصا والمنتدى عموما

نطمئن عليهم ونسلم عليهم ولو فى امكانية ان الإدارة تراسلهم بالإيميلات او أى وسيلة اتصال، للإطمئنان عليهم.

كل واحد مننا فاكر حد مختفى ياريت يذكر اسمه هنا عشان نبعتله برقية محبة ونقوله ان احنا مفتقدينك وبنطمن عليك ..

[mohammad isdf]

مهندس .. محمد سيد بقى يزورنا كل سنة مرة

مهندس .. إيهاب بقى يزورنا كل سنتين مرة

Hazem_Ahmed .. بقالوا فترة عايزين نطمئن عليه

[Nfs Rivals]

والله انت انسان يا صاحب البوست
وانسان محترم كمان ,, مفيش حد كدة اليومين دوول

خالص الاحترام والتقدير لك

[ibizaman]

حاجه محترمه جدااااا

[أحمد جودة]

والله انتا راجل محترم بجد ........ وبتثبت ان رواد المنتدي ناس محترمين

فعلا اهم حاجة المعاملة

تقبلوا خاص محبتي وتقديري

[nesr6060]

استاذ ايهاب و الباشا الى غير عربيته لنوبيرا مش فكر اسمه تقريبا كان Ahmed_Glant

[hossamalsadik]

والله أنتا أنسان جميل ومحترم استاذ / محمد
وأنا من الناس الى بتهتم بالأخلاق والجدعنه والزوق فى الاعضاء حتى لو كان علامه
وطبعا فى الحياه بوجه عام

الغيبين كتير الصراحه شويه اليومين دول وايضا بعضهم اصبح قليل المشاركات ( والغائب حجته معاه ) واكيد كل واحد وله ظروفه ويمكن يجى علنا يوم ونقل احنا كمان كله حسب الظروف
وبما انى بعضهم يعنى بتشارك معاه من الفيس مثلا او فى مناسبات او هاتفيا
فهذكر أحد الغائبين منذ فتره طويله فى مشاركاته والى على بالى الان

الاستاذ صلاح sala7

بس احب اقول ان ناس بتروح وناس جديده بتيجى ويظل القسم هنا و منتدى نيل موتورز فى عمل دائم ان شاء الله قائم ومثمر بأعضائه

[ehab_mansour]

جزاكم الله خيرا جميعا علي ردودكم المميزة في الموضوع

انا موجود اهه يا استاذ محمد و بدخل كتير لكن بشارك وقت ما لاقي حاجه مفيدة اقدر اضيفها
مهندس محمد سيد مشغول شوية اليومين دول بسبب بعض التغييرات في شغله و هيكون موجود قريبا
استاذ صلاح متغيب بمزاجه ... هو عايز كده و ان شاء الله في اقرب فرصه اتواصل معاه هكلمه
الباقيين ده الرتم الطبيعي لمشاركاتهم
و ربنا يكرم استاذ حسام بيك الصادق و استاذ كريم قايمين بالواجب و زياده اليومين دول و معاهم ناس اخري كثيرة بيشاركونا بخبراتهم

وبالتوفيق للجميع

[Karim Ibiza]

بصراحة انا اللى واحشنى الناس اللى انا قابلتهم فى مقابلة قسم سيات
محمود غانم
احمد اباظة
حسين الصواف
احمد جالنت
ايهاب اسماعيل
مصطفى دودج
احمد مبارك
مصطفى
وطبعا محمد سيد وايهاب منصور
وربنا يجمعنا كلنا والاعضاء الجدد على خير ان شاء الله

[sala7]

شكرا جزيل الشكر للاستاذ محمد صاحب الموضوع للشعور الطيب
كمان عايز اشكر الاستاذ حسام و الحمد لله اني لسه بتيجي سرتي بالخير مع اني منقطع عن التفاعل العام في المنتدي
و زي قال المهندس ايهاب منصور انا فعلا منقطع عن المشاركات لكن مش على المشاركات العامه
انا بساعد ع الخاص اللي مشكلته متحلتش من الاعضاء ع العام و اللي بحس ان مشكلته صعبه و محتاجه المهاره المباشره في حل المشكله
و الموضوع ده انا بعمله في قسم سيات فقط ... لكن في الاقسام الالمانيه الاخر انا بشارك ع العام عادي .
و ده تفاديا ان حد من المشاركين يكتب كلام غير لائق او يشارك بمشاركه مليانه اهانه ليس لها داعي كما حدث سابقا من احد المشاركين .

طبعا فيه ناس هتقول ياعم غور انت هتحسسنا باهميتك يعني ... هرد و اقوله استغفر الله وفوق كل ذي علم عليم و فيه ناس كتير هنا عندها الخبره و فاهمه جدا .. و انا كمان بشارك و لكن بشارك ع الخاص فقط علشان ما اسمعش حد يقول اني بفتي او بالف او اي هرطقه من اللي حصلت زمان

احب اشكر كمان كل اللي شاركوا في الموضوع سواء يعرفني او لا

[hossamalsadik]

السلام عليكم
استاذ صلاح ممكن تقلى أيه الى حصل او تبعتلى المشاركه ألى بسببها قررت الانقطاع عشان الواحد يتعلم ويحكم وده لى ولغيرى
لاكن بوجه عام مش ممكن أن واحد بيشارك بخبرته وعلمه راجياً الأجر والثواب من الله ومعرفة الناس الطيبه ثم يثنيه أى شخص عن ذلك لان المنتدى هنا بتعنا كلنا وليس حكرا لاحد ولك الحق ان تقول فيه ماتشاء مراعيا قواعده وقوانينه
وأن كان شخص وجه لك أهانهُ ما غير مباشره بالتأكيد لان القوانين تمنع ذلك فلك الحق أن ترد عليه بنفس أسلوبه
أخيرا لايجب عليك ان تحرم الأعضاء خاصة هنا فى القسم من خبرتك وما لديك من علم
وأرجو منك المشاركه

[Karim Ibiza]

انا متفق معاك فى كل اللى قولته
بس اسمحلى اختلف معاك على نقطتين فى مشاركتك

لاكن بوجه عام مش ممكن أن واحد بيشارك بخبرته وعلمه راجياً الأجر والثواب من الله ومعرفة الناس الطيبه ثم يثنيه أى شخص عن ذلك لان المنتدى هنا بتعنا كلنا وليس حكرا لاحد ولك الحق ان تقول فيه ماتشاء مراعيا قواعده وقوانينه
وأن كان شخص وجه لك أهانهُ ما غير مباشره بالتأكيد لان القوانين تمنع ذلك فلك الحق أن ترد عليه بنفس أسلوبه

-اى بنى أدم فينا بيحب التقدير والاحترام
يبقى لما حد بيعمل حاجة وبيحس انها حاجة كبيرة وكويسة وبتفيد الناس ويجى واحد يتتفه او يقلل او يختلف معاه بأسلوب فيه نوع من انواع التريقة او المعلمة فى اللى هو بيعمله,,, ساعتها الشخص ده بيجيلوا احباط و بتلاقى مشاركاته انعدمت وده بسبب عدم التقدير لأن الموضوع مش تحدى وإثبات مين الاحسن ومين الأعلم

- بالنسبة لنقطة انه يرد عليه بنفس اسلوبه انا مش مأيدك فيها لأنه فى الحالة دى هيكون نزل نفسه لمستوى الشخص ده وهيكون ضيع حقه (لو ليه حق) و كمان ده مش هيحل الموضوع ولكن هيخلى كل الاعضاء يتبعوا نفس الاسلوب وساعتها هنبقا كأننا زى اللى واقفين فى الشارع وبيتخانقوا وبيزعقوا لبعض بس من غير شتايم
واعتقد اننا هنا فى القسم مش متعودين على الاساليب دى من النقاش وعلاقتنا ببعض كلها احترام وتقدير حتى لو انا معلوماتى على قدى

اللى انا عايز اقوله اننا مش شايفين تعبيرات وشوش بعض واحنا بنقرا الكلام اللى غيرنا كاتبه
جايز انا أخد الكلام بطريقة وحشة وانت تاخد نفس الكلام بطريقة كويسة

اللى انا بتمناه وبطلبه مننا كلنا (بما فيهم أنا) اننا نحسن الظن فى بعض واننا نراجع اخطائنا قبل ما نراجع اخطاء الناس ونلتمس العذر لبعض لأن محدش عارف ظروف التانى ايه

[hossamalsadik]

النقطه الاولى أتفق معاك فى ان اى حد بيحب التقدير والاحترام من الغير طلما سعيه كان خيرا
النقطه التانيه أختلف معاك ولو حتى أختلاف جزئى وهقول ليه جزئى لاحقاً والخاصه بحق الرد بنفس الاسلوب طلما الواحد مش لاقى حد يجبله حقه فمن حقه الرد بالاسلوب الى يشوفه
ربما يرى أن يرد بنفس الأسلوب طلما هوا فى القواعد لايحتسب
أو يرد بأسلوب مباشر وصريح ويتحمل سوء الظن بغيره أن كان مخطئ
والسبب أننا فى منتدى كبير وله قواعد وقوانين وبالاخص مشرفين وإداره فالمفترض أنهم متابعين للمشاركات ومابها ومهتمين بتحليلها كلامى كده مظبوط ولا أنا عايش فى الوهم وده مثاليه إداريه
مكنتش اتمنى أنى اقول كده وخاصة أن مسألة حسن الظن ديه واجبه أنا ناديت بها من قبل
وأعتقد أن الكل داخل يفيد ويستفيد
يفيد بعلمه وخبرته وتجاربه لوجه لله
ويستفيد بالثواب وأيضاً بمعرفة ناس صالحين ومحترمين
وأتمنى معك أن كلنا نحترم بعض ونظن الخير ببعض
بس سؤال جانبى ليه موجهتش نداء لنفس العضو تحثه على المشاركه الفعاله فى القسم أو تشوف أيه الى مضيقه على اساس أنه تكلم وابدى جزء ما بداخله أعتقد كان أولى هوا بالاهتمام أو ذكره فى مشاركتك

خالص تحياتى

[sala7]

السلام عليكم
استاذ صلاح ممكن تقلى أيه الى حصل او تبعتلى المشاركه ألى بسببها قررت الانقطاع عشان الواحد يتعلم ويحكم وده لى ولغيرى
لاكن بوجه عام مش ممكن أن واحد بيشارك بخبرته وعلمه راجياً الأجر والثواب من الله ومعرفة الناس الطيبه ثم يثنيه أى شخص عن ذلك لان المنتدى هنا بتعنا كلنا وليس حكرا لاحد ولك الحق ان تقول فيه ماتشاء مراعيا قواعده وقوانينه
وأن كان شخص وجه لك أهانهُ ما غير مباشره بالتأكيد لان القوانين تمنع ذلك فلك الحق أن ترد عليه بنفس أسلوبه
أخيرا لايجب عليك ان تحرم الأعضاء خاصة هنا فى القسم من خبرتك وما لديك من علم
وأرجو منك المشاركه

اللي حصل يا حسام بيه ان كان فيه موضوع بيتكلم عن (الزيوت/ تقرير عن عدم تغيير زيت المحرك حتى بعد قطع المسافات المنوط بها/ .... يعني المهم هو موضوع خاص بالزيوت) و الموضوع ده اتعمل في القسم عن طريق عضو جديد او هو قديم بس دخل عمله قسم السيات
و على ما اعتقد انه عضو مش مصري .. انا بصراحه بقالي اكتر من ساعة بدور في المواضيع اللي شاركت فيها و لكن سبحان الله زي مايكون الموضوع اختفى ..

المهم ان احد المشاركين في الموضوع و هو سبب في عدم تواجدي في قسم سيات حاليا ، هو عضو جديد
انا بصراحة لما بكتب رد على مناقشة او مساركة و بشوف ردود الناس اللي احيانا تشل الواحد من و بتخلي صاحب المشكلة يصرف و يتكلف و يخرجوه عن سياق المشكلة و يخلوه يتجه اتجاه خاطىء - بيكون ردي هجومي او بمعنى ادق بيكون رد قاطع اللي تحس منه انه لازم وقفه علشان صاحب المشكلة ممكن يروح في داهية من ناس داخله تفتي

يا الناس فاهمه و تدخل تستفسر من صاحب المشكلة و تفكر و ترد .
او الناس مش فاهمه و توفر كلامها لنفسها تجنبا من ان صاحب المشكلة يخسر ماديا و معنويا .

عضو جديد بيدخل عاوز يترسم و يبان .. و ده حق مشروع
لما اجي ارد على عضو قديم ( فعال/برونزي/فضى/ ذهبي ...... ) لازم احط في اعتباري ان المنتدى عمل المسميات و الاوسمة كدليل على ان اللي بيرد ده راجل عندة من الخبرة و التجارب اللي بتاهلة يتجاوب و يرد على اي واحد داخل يستفسر ......
انا كعضو جديد ممكن اكون فاهم و خبير كمان لكن لازم احترم الشخص اللي بقاله مشترك كتير
ما اديش لنفسي بقا الحق ان ارد على واحد بقاله كتير مشارك و واخد اوسمة و.. و... الخ و كمان اهزقه امرمط اللي خلفوه علشان رد عليا رد معجبش سعادتي .

اللي زود الطين بله معايا ان الموضوع كان مشارك فيه منسقين القسم و الاعضاء اللي بحبهم ولا اي حد خد اجراء تماما

الموضوع مرور الكرام .. و ده ماعجبنيش و قلت خلاص انا بدل ما ارد و اشتم و اطلع مش محترم ( اصل الشيمة سهلة جدا ) ف انا هخرج و مش هشارك على العام هخلي مشاركاتي كلها برسايل على الخاص علشان ما اتهزقش تاني ع العام - و بردوا اني اكون انسان محترم امام نفسي و امام الناس دي من الحجات العظيمة اوي و المشرفة كمان

و انا بحب يا اما اقول خير او اسكت خالص
الطبيعي اننا نخالق الناس بخلق حسن

عرفت بقا يا اخ حسام ؟؟؟
انا ارجو من حضرتك انك تلاقي الموضوع ده .. و على فكرة هو موضوع كبير اوي اتعمل في القسم
انا اديتك شويه تفاصيل عنه

ياريت لو لقيته تحط لنا اللينك بتاعه علشان الناس كلها تقرا المشاراكات و تشوف مدى تدني مستوى الردود
و تعرف ان ليا حق ما اشاركش اصلا

الحمد لله انا اتعلمت كتير اوي في فولكس و في سيات و في اودي و لسه لحد النهارده بتعلم

لو عاوزني افيد و ارجع تاني يبقا القسم لازم يشتغل بحسم شوية مع الناس اللي بتدخل لمجرد انها تشتم و ترغي و الاهانات اللي ملهاش اي داعي من ناس تافهة
المشرفين و المنسقين لازم يرجعوا يراقبوا .. لانها مش مجرد مسميات و خلاص

انا ماعنديش استعداد ولا عندي وقت غير للمشاراكات البنائة فقط و الناس تستفيد
غير كدا يا عم حسام انا لا هشارك ع العام و على الخاص

انا طلبت من مهندسنا الفاضل محمد سيد اني لو هرجع لازم يديني وسام تاني على كل موضوع عملته
لاني حاسيس اني تعبت فيه حتى لو موضوع من سطرين فقط

لكن هو كان رده عليا واضح و ان دي قواعد في القسم هو مالوش يد فيها

انا بصراحه لو هرجع لازم رجعتي تكون ليها قيمة و ده حقي لاني اتهنت و مشيت بدون حتى ما ارد على الاهانة

انا مش مكبر الموضوع و عامل من الحبه قبه و لا انا عامل فيها عالم او خبير
الحمد لله ربنا يجعلني ديما متواضع لافاده الناس بما اعرفه
انا بس شايف من وجهة نظري اني عملت مواضيع و تعبت فيها لازم اللي يدخل صفحتى و يشوف الاوسمة و يشوف المسمى يعرف انه لا الراجل ده ليه مكان هنا و لازم يحترم طلاما انه ما يعرفنيش شخصيا و لا عمره شافني


شكرا لسعة صدوركم جميعا و ارجوا ان وجهة نظري تكون اتفهمت صح

[hossamalsadik]

يا استاذ صلاح انا قلتلك من قبل أن ماينفعش حد يثنيك عن عمل الخير
أنتا ألى حزنك ان محدش رد فى الموضوع الى ربنا يسهل ودور عليه ووقف فى جانبك بالشكل الى قلته
بس ممكن يكون الموجود معاك فى المشاركه شاف أن ديه وجهات نظر لكل واحد مش عارف بصراحه ،
موضوع الأوسمه ده مش عارف قواعده الصراحه بس ده فى يد الاداره وبصراحه الواحد مش بالاوسمه والكلام ده وأنا داخل أفيد الناس بعلمى وتجاربى وخبرتى وأخد ثواب وأتعرف على ناس جميله ولا داخل اخد وسام وعمتا أنتا ثرى بمشاركاتك ومواضيعك المهمه والتى وبها الكثير من التدقيق وشوف كام واحد استفاد منها وبيدعيلك


أحنا اسفين يا صلاح

أنا عاوزك ماتزعلش وترجع تشارك من تانى