إعـــــــلان

**hossamalsadik** · 05-09-2014, 06:24 PM

أهلا بيك
عشان تغير اللمبه الاماميه هتفك الكفر الى ممسوك بعدد 2 أفيز هتظهر اللمبه الى ممسوكه بأفيز هتفكه وبس كده
الاكصدام بيتفك فقط فى حالة انك هتغير الفانوس كله لانه بيكون ممسوك من الاسفل بمسمار نجمه والاكصدام مغطى عليه
اللمبه عندك لو الفانوس الى ليه قمره واحده هتشترى اللمبه بيكون نوعها h4
أما لو الفانوس له قمرتين يعنى العالى له لمبه لوحده والواطى له لمبه لوحده نوع اللمض h7 و h1

**hossamalsadik** · 06-09-2014, 02:02 AM

العفو الشكر لله
بالظبط كده عشان تغير الفانوس لازم تفك الاكصدام لان كما ذكرت ممسوك بمسمار نجمه من الاسفل والاكصدام مغطى عليه
هشرحلك برضوا أزاى تفك الاكصدام
- أولا بتفك الجريده او الصداده السوداء الى على الاكصدام بتبدأ من الطرف وتشدها لانها كلبسات متخفش وشدها
- هتحضر مفاتيح نجمه معاك وتبدأ تفك الاكصدام من عند الرفرف وهتلاقيه ممسوك بعدد 3 مسامير نجمه ( المسمار النجمه ده بتاع الفبريكه ممكن يكون عندك اتفكوا من قبل ومربطين بأى مسامير تانيه )
-بعد كده تروح مكان الجريده الى فكيناها هتلاقى مسمارين واحد فى الجنب الايمن والاخر فى الجنب اليسار موسطنين الاكصدام هتبدأ تفكهم
- بعد ماحلينا جميع المسامير كما سبق هتبدأ فى شد الاكصدام عليك هيبدأ يخرج بسهوله من مكان تثبيته لانه متثبت ايضاً بالرفارف بفبره طويله عاشق ومعشوق
- بعد كده هتبدأ تفك الفانوس مسمار نجمه بالاسفل وعدد 2 بالاعلى
- بعد كده مرحلة التقفيل عكس مابدأنا تبدأ بادخال الاكصدام فى الفبره المثبته على الرفارف ثم ربط مسمارين المنتصف ثم وضع الجريده بالضغط عليها لانها كلبسات زى ماقلت ثم تثبيت مسامير الاكصدام بالرفرف والى عددهم 3 زى ماقلت وخلصت الحكايه
ممكن يكون الشرح طويل بس الموضوع سهل للغايه لو عملته مره هتتعود عليه
بالمناسبه الفانوس كله ب 200ج إستيراد و 375ج جديد ديبو صينى
أتمنى أكون افدتك
واى استفسار اسأل

Comment

Comment

إعـــــــلان

.

استفسار هاااااااام .. رجاء الرد

استفسار هاااااااام .. رجاء الرد

Comment

Comment