تقرير تسقيط موتور لابيزا 98

[mido_more]

السلام عليكم ورحمه الله وبركاته...حبيت انقلكو تجربتى عن تسقيط موتور (كلاكيت تانى مره)لعربيتى ابيزا 98 ..الموتور القديم كان alm 1600 وطبعا شار ف المنتدى هنا عن اللى حصل ليه .ونصحنى الاخ كريم بالمواتير اللى هتركب عندى بدون مشاكل على نفس الضفيره والكونترول..والحمد لله نصيحتو جت بفايده.لانى ملفتش نفس موتورى بس لقيت ال aee وهوا نسخه منه بس الموديل بتاعو من 96-99 ..توكلت على الله واختارت الموتور بعد لفه فى بنك الاسكان ولقيت السعر بيتراوح من 2500 ل 2200 حسب الحاجات اللى فى الموتور .يعنى مثلا دينامو او مارش او كومبيروسور كده يعنى ..علشان ما اطولش عليكو الموتور اللى جبتو كان من غير فتيس وكومبيروسور تكيف ..هوا بصراحه الراجل خيرنى اشيل يا الدينمو يا اما الكومبيروسور واختار انى سيب الدينمو.ركبت الموتور والحمد لله دار على طول ..غيرت زيت وفلتر .وبعد 3 ايام غيرت زيت تانى وفلتر والمره دى غيرت موبيل xhp لانى بصراحه اتقدت من الشل ..المشكله اللى قدامى دالوقتى ان الموتور بيجيب 130 بالعافيه بلرغم انى حاطط بنزين 92 ..الفكره اللى عاوز اقولها انك بلاش تجيب شورت بلوك ..وات قدامك تشترى مكنه من غير فتيس وتستفاد بحاجات كتير..مثلا انا عندى دالوقتى 2 دينمو و 2 مارش وديسك واسطوانه وبوابه ووش سليندر وسلوك بوجيهات ومسطره رشاشات ..اكيد كلها حاجا تمنها مش قليل واكيد هحتاجها فى يوم من الايام..اسف انى طولت عليكو ..ومنتظر اقتراحتكو فى موضوع ان المكنه اخرها 130

[Karim Ibiza]

1000 مبروك ياباشا وربنا يباركلك فيه
لما بتكون ماشى على 130 الـ rpm بيكون على كام؟

[mido_more]

شكرا ياباشا كويس ان ف حد رد على المشاركه...الاربى ام بيكون على حوالى 3000

[ehab_mansour]

شكلها كده موتورك مش راكب علي كنتروله او التسقيط فيه حاجه غلط ...
الواحد زهق من كثرة مشاكل التسقيط .... بقي يخاف ينصح حد بيه ... إلا طبعا شراء نص كامل بالطريقة دي بيكون اضمن و بتكون كل حاجه متركبه بتاعت بعضها فقط بتشيل من هنا تحط هنا

ربنا المستعان

[mido_more]

ازيك يابشمهندس ايهاب والله ليك وحشه..اعمل ايه بس طيب ..عالموم الحمد لله على كل شئ..مابقتش اتفاجئ من العربيه فى اى حاجه..بقيت اتوقع منها اى حاجه...كيمو فى المشاركه اللى قولت فيها انى هغير مكنه قالى ان المكنه aee كل حاجه تركب فيها عندى علشان اللى فاتت alm واكدت عليه فى موضوع الكنترول ده علشان انا كنت متعقد من مشاكل الكهربا..معلش يا كيمو لازم اجيبها فيك بقى استحملنى ههههه بس فى معلومه احب اضيفها ..ان المكنه القديمه كانت اخرها 140 واظن ان الكنترول مكانش بتاعها بردو..انا هحاول اجيب الكود اللى على الكونترول واشوفو بتاع اى مكنه..بس ياترى لو هغيرو تركيبه سهل ولا ظروفو ايه.....؟؟؟!!

[hossamalsadik]

عيب كنترول
موضوعك ده بيفكرنى بمشكله أحد الاخوه الاعضاء أحمد نسر وكان اتحل بتغير الكنترول

http://www.nilemotors.net/Nile/394910-a.html

http://www.nilemotors.net/Nile/393289-1600.html

هنا بعد تغير الكنترول الماتورظبط

http://www.nilemotors.net/Nile/396189-1600-aee.html

[mido_more]

يعنى هتضطر اديب كنترول جديد..وده تقريبا تمنو 300 جنيه طيب بالنسبه للتكويد هعرف الاقىحد فى بورسعيد يكودو..لانى لما سيبتلهم العربيه المره اللى فات داخو فى موضوع التكويد ده..ورسيت العمليه تقريبا انهم ركبو كنترول زى ما سمعت (مفتوح)يعنى مش محتاج تكويد ولاقيتهم شايلين الشريحه اللى فى المفتاح ولاغيين الايموبلايزر..حتى انى طلعت مفتاح تانى ودارت بيه العربيه عادى
!!!!

[ehab_mansour]

اشتري الكنترول و انزل يوم القاهرة كوده و ظبطه و انصحك ترجع الايموبلايزر تاني و شريحته عشان حوار السرقه
بالتوفيق

[Karim Ibiza]

هات بس الاول رقم الكونترول اللى عندك عشان نتأكد ان المشكلة منه