افيدوني ي سعر كوردوبا 1996

[campos_bop]

السلام عليكم يا كرام
انا معروض عليا كوردوبا 1400 cc موديل 1996 فبريكا من جوة ورشة مرة واحدة برة صالونها زيرو وعدادها عامل 980000 كيلومتر عاوز اعرف الاول رأيكم في الموديل ده وهل ليه مشاكل وبالنسبة لقطع غيارها اسعارها معقولة ولا هتفلسني واخيرا هي سعرها كام لانها معروضة عليا ب 36000 مع العلم انها مانيوال وتكيف وسنتر وزجاج ومريات كهربا واسف للاطالة وجزاكم الله كل خير

[Karim Ibiza]

الكوردوبا الـ 96 نفس الابيزا الـ 94 فى كل حاجة وبتزيد عنها فى الشنطة والكماليات اللى بتنزل فيها والموتور الـ 1.4
حاجتها كلها موجودة لكن الفوانيس الخلفية قليلة شوية هى والشنطة

اهم حاجة الحالة بتاعتها والسعر معقول لو مفيهاش اى مصاريف وممكن تفاصل فى 2000 جنيه على حسب الشغل اللى هتحتاجه

[mohammad isdf]

اعتقد ان السعر كويس جدا

[hossamalsadik]

أكشف عليها كويس
السعر مش وحش وأستخير ربنا

[campos_bop]

انا روحت اتفرجت عليها والعربية
صالونها ماشاء الله نضيف جداااا خصوصا الكراسي وتنجيد الابواب
فبريكا من الحوض للشنطة
عدادها 99000
زجاج امامي فقط كهربا
مريات كهربا بس مش شغالة
محتاجة سمكرة علي خفيف من برة ووش نظافة ( لاكن ممكن امشي بيها شوية لانها مش مبهدلة قوي يعني )
التكييف شغال بس حاسس ان تبريده ضعيف
بيظهر صوت ونه لما بحرك الدريكسيون وهي العربية دايرة و واقفة فكدة في حاجة في الباور بس مش عارف ايه هي ( الدكسيون خفيف وكويس باستثناء الصوت )
رخصتها هتنتهي بعد شهرين
دي حالتها وصاحبها قافش في 35500 ايه رأيكو

[hossamalsadik]

صوت ونه لما بتحرك الدريكسيون ده بسبب طرمبة الباور
وسعرها إستيراد مش غالى 250 لى 300 ج بالكتير

[campos_bop]

صوت ونه لما بتحرك الدريكسيون ده بسبب طرمبة الباور
وسعرها إستيراد مش غالى 250 لى 300 ج بالكتير

طيب بالنسبة للسعر كدة معقول ولا غالي شوية

[hossamalsadik]

لو اساسياتها تمام وجميع الكماليات تعمل بكفاءة ولو مفيهاش مصروف تانى السعر معقول
العربيات ديه لما بتتظبط ميكانيكا وعفشه بتكون معمره ( لما بتكون قطع غيار أصلية جديد أو إستيراد ) وخدمه شاقه إلى حدّ ما بالنسبه لمثيلتها فى نفس السعر
والموديل الى بعده بيزيد فى حدود 10ألف عشان تاخد حاله كويسه اقصد 2000-02

بالتوفيق أن شاء الله

[alzelafy]

هى علربيه حلوة بس غاليه شويه تنزل 2000 ج

[ehab_mansour]

الغالي ثمنه فيه
لو فعلا صالونها نضيف و عربية استخدام راقي و عداد قليل و محرك حالته كويسه .... دوس علطول لأن العربيات دي الحالة النضيفه منها قليلة جدا و نادرة و هتعجبك جدا جدا
صوت الونة مش قصة ... هي مشكلة بالباور سواء طلمبة او نقص زيت او زيت مش اصلي
التكييف يتظبط و يتشحن و هيبقي زي الفل
انا كنت شاري عربيتي الكوردوبا 2002 غالية عن السوق 2000 جنيه لكن كانت بنفس كلامك بل افضل يعني عاملة 100 الف و فبريكة بره و جوه و صالونها ممتاز و محركها و كان تكييفها ضعيف فقط شحنته و بقالي 3 سنين و نصف و 90 الف كيلومتر زي الفل و تكييف ثلاجة و الحمد لله و محرك بفضل الله لسه بحطله زيت تخليقي

[A_7akam]

كلام المهندس إيهاب تمام جداً , وأنا كمان شاري عربيتي الكودوبا 2006 غالية شوية عن سعرها عشان الحمد لله حالتها فبريكا وكانت عاملة 50000 كيلو وطالما العربية حالتها نظيفة مترددتش العربيات دي محترمة جداً.

[the magice]

توكل علي الله يا باشا العربية ماشاء الله حالتها كويسة جدا انا شوفت صورها ع النت وانا علي فكرة معايا اختها ونفس اللون بس 94 عربية محترمه جدا وركوبه