اسعار ابيزا

[khalil mohamed]

ياريت لو حد عنده فكرة عن اسعار ابيزا موديل 98 و 2000 02 يدينى فكرة ﻻنى بصراحة كنت بفكر فى موديل 2000 لكن ﻻقيت ان 40000 الف فى الغالب مش هيجيبوا حاجة كويسة وفكرت فى ال 98 ﻻقيتها فى اواخر الثﻻثينات ومش عارف هل ده طبيعى وﻻ اﻻسعار مرتفعة لسبب مع العلم ان كان فيه صديق باع ابيزا 2000 من حوالى سنتين ب 35 الف انا حاليا محتار جدا مش عارف انتظر لما الفلوس تزيد واجيب ال 2000 وﻻ اتوكل على الله واشوف 98 والفرق فى اﻻداء بين العربيتين كبير وﻻ ﻻ ؟

[hossamalsadik]

هوا الحالة النضيفه من 2000-02 من 40 الف ونتا طالع لحد 50 الف تقريبا
لاكن برضوا فيه حاله كويسه واقل من 40 ده راجع لظروف البيع
معلش دور تانى ده لو كنت عاوز 2000-02 يمكن تلقى حالة كويس او محتاجه شغل بسيط او كماليات تتعمل بعدين
أهم حاجه حالة الاساسيات
بس بوجه عام انتا لو لقيت عربيه محترمه فى الحالة العامة حتى لو بزياده 2 لى 3 الف مش خساره فيها لان كل قرش هتدفعه فيها هتاخد أداء بعمر افتراضى محترم وطويل جدا هى كده العربيات الالمانى
وكل السيات من 94 حتى 2000-02 زى بعض مع أختلاف الشكل ومع أختيار موديل أعلى وديه أزواق مش أكتر أهم حاجه مره تانيه الاساسيات

[khalil mohamed]

مشكور ﻻفادتك با باشا انا جديد فى مسألة العربيات
اللى عقلى مش قادر بستوعبه ازاى عربية مستعملة قيمتها تزيد من ناحية السعر بالرغم من ان الطبيعى انها تقل ﻻنها بتتهرض ﻻستهﻻك اكتر برجع واقول عموما هى ظروف سوقنا كده وربنا يسهل الحال
شكرا مرة تانية لحضرتك

[hossamalsadik]

العفو ، الشكر لله

هوضح حاجه لحضرتك فعلا الموديلات بتتعرض للاستهلاك ده طبيعى على مر عمرها بس فى ناس بتجدد عربيتها باستمرار ومواظب على صيانه دوريه مستمره وده لما بيحب يبيع بيبع غالى وعربيته تستاهل تمنها وطبعا بعد التاكد بالكشف عليها
طبعا علاوة ان فى فعلا حالات عربيات شاذه أقرب لفبريكة المصنع بس طبعا نادره وأصحبها بيطلوا مبالغ كبيره طبعا ديه للغاوى فقط

.

[hesham fawzy h]

ابيزا 2000 قطع غيارها غالية جدا

[hossamalsadik]

ابيزا 2000 قطع غيارها غالية جدا

غاليه !!! أزاى يعنى
ممكن حضرتك تدينا مثال كده على قطعة غيار ومقرنتها بنفس القطعه على نوع تانى من العربيات

[hesham fawzy h]

غاليه !!! أزاى يعنى
ممكن حضرتك تدينا مثال كده على قطعة غيار ومقرنتها بنفس القطعه على نوع تانى من العربيات

كانت مع واحد صاحبى .. و كان بيشتكى جدا من قطع الغيار


غيييير كدة العربية دة معروفة جدا بغلو قطع غيارها

[hossamalsadik]

كانت مع واحد صاحبى .. و كان بيشتكى جدا من قطع الغيار


غيييير كدة العربية دة معروفة جدا بغلو قطع غيارها

بصراحه انا معرفش وضع صحبك ايه عشان كده كان بيشتكى
ومعرفش جبت منين ديه معروفه جدا ، يافندم أشعاعات من سمعت اصلهم قلولى لازم الواحد يتأكد بنفسه عشان يقدر يحكم صح
العربيه ديه معيا شخصياً فسمع منى مباشرة قطع غيارها زى الفل ومعمره متوفره مش رخيصه يعنى مش 128 ومش غاليه فى المعقول جدا جدا يعنى تدوب 3 او 4 قطع من الكورى كمثال
على سبيل المثال
الدينمو 250 إستيراد زى الفل بوش المانى
الباب بدون فرش 150ج ياجدعان
الماتور كله كامل بالفتيس بالكنترول بالضفيره 1400 مثلا 4.5 -5 الاف
التابلوه كامل ب800ج
طقم الدبرياج ديسك واسطوانه وبليه يحيك ربنا لما تفكر تغيرهم بيقعدو اكتر من 150الف كم ب750ج انضف نوع واغلاهم
الفانوس 200ج استيراد احسن من الجيد والجديد ب 300ج
المرايات عندك كهرباء هتجيب المريات العاده وتغير القلوب ب 100-150ج الوحده يابلاش
الريداتير بالمراوح 300ج يانهار ابيض وفى ناس بتوصله ل 600ج ومش خساره فيه هوا انا غيره كام مره
بس لينا صديق لسى جيبه ب300ج للعلم

اقول تانى

المساعدين الجنب ب 125 الى 200ج وانتا وشطرتك فى جبوه ب 250 الأتنين بالكوتش ( الجلب ) وده سعر اخر مره مش من زمن يعنى

الكمبيوتر 450ج وحسب التاجر ممكن اقل وممكن يزيد بسيط

فلتر البنزين 25ج بتاع الدايو ولو عاوز تبران 45
الفلتر الهوا الى بتغيره كل 10-30 الف ب 90 عدد 2

الكصدام الامامى او الخلفى 500- 700ج ده اذا باظ أصلا لانه قوى جدا ولوباظ يبقى حدثه مش ورق زى الانواع الى بالى بالك

اقول تانى

الرفرف الواحد 150ج الشنطه كامله بالزجاج بمكينة المساحه بفوانيس الفوج ب400-500ج

مع كل ده لاتنسى انك راكب عربية أوروبى وكمان المانى بروح اسبانيه

أنتا معزور عشان الاشاعات الى خلت لعربيه ملهاش قيمه تعلى على عربيات اقوه وافخم وركبه عنها كتتير وده السوق المصرى للاسف
اقراء بلاش تسمع ده الحل الامثل
اتفضل لينك لبعض الغيار

http://www.nilemotors.net/Nile/365862-a.html

أنتا فكرتنى بالموضوع ده

http://www.nilemotors.net/Nile/224516-a.html

وأخيرا لو تعرف تقارن بين سعر قطعتين واحده فى اليات ابيزا 2000-02 واخرى فى مثيلتها فى النفس الفئة السعريه من مركات اخرى انا سمعك وبلاش كلمة قلولى انا سمعت عاوز تحديد
ولو مفيش يبقى اللنكات للتوضيخ وفرصه ان حضرتك عرفت معلومات جديده عليك ممكن تخليك تغير فكرتك عن بعض العربيات يمكن تقتنى واحده منها

واسف للاطاله
تحياتى

[hossamalsadik]

انا اسف حطيت اللنك غلط
لينك قطع الغيار الى بيشتريها ملاك السيات

http://www.nilemotors.net/Nile/341028-a.html

[khalil mohamed]

ولو عمانا مقارنة بين ابيزا 2002 و هيونداى اكسنت نفس السنة مين كفته ترجح انا الحقيقة مايل للابيزا ﻻسباب كتير وقرفان فعليا من اﻻكسنت بس النهاردة والكﻻم على لسان صديق يمتلك ابيزا 94 ان اﻻكسنت احسن فى الصيانة وحركة البيع والشراء انا الحقيقة مش عارف استقر على حاجة
وبعيدا عن كل ده هل فيه عيوب للابيزا تخلى صاحبها يكره العربيات من اساسه

[hossamalsadik]

ولو عمانا مقارنة بين ابيزا 2002 و هيونداى اكسنت نفس السنة مين كفته ترجح انا الحقيقة مايل للابيزا ﻻسباب كتير وقرفان فعليا من اﻻكسنت بس النهاردة والكﻻم على لسان صديق يمتلك ابيزا 94 ان اﻻكسنت احسن فى الصيانة وحركة البيع والشراء انا الحقيقة مش عارف استقر على حاجة
وبعيدا عن كل ده هل فيه عيوب للابيزا تخلى صاحبها يكره العربيات من اساسه

لماتكون عندك خبره طوويله فى القياده وركبت أنواع متعددة من السيارات ساعتها هتقدر تقيم العربيه الى انتا راكبها الهيونداى أكسنت صيانه سهلة قطع غيار متوفره سعر أعادة بيع كويس أما قياده وثبات وأمان لايوجد
الابيزا 2000-02 سبق ان أتكلمت عليها الصيانه بتعتها عند متخصصين الفولكس والالمانى وهيا ابسط مايكون بس المتخصص بيختصر عليك الوقت مع حرفيه فى الصنعه لانه حافظ العربيه سعر اعادة البيع للالمانى بوجه عام منخفض نسبياً والله أنتا هتشترى بيه وهتبيع بيه فخلاص مافيش مشكله وكل حاجه وليها ناسها أما عن القياده والامان والثبات فالعربيات الالمانى كلها مشهوره بده
كنت قابلت واحد من قريب شاب دكتور محترم وكان معاه ابيزا 2001 برغم انه مش خبير فيها لاكن بيحبها جدا وانها عمرها ما قصرت معاه منذ ثلاث سنوات والى بيصرفه بياخد أعتماديه قصاده يعنى بياخد بحق الى صرفه وبالرغم من كده لما شفت الماتور كان بيرشح زيت جامد تخيل وحجات تانيه ومع ذلك قالى ان العربيه تمام ورايح جى بيها
ده يديك أنطباع عن مدى قوة وأعتمادية هذه المواتير والعربيه بوجه عام
وأخيرا يوضع فى الاعتبار موضوع الشنطه الاوسع لصالح الاكسنت
أما الشكل والتصميم الخارجى فده أزواق

[khalil mohamed]

لماتكون عندك خبره طوويله فى القياده وركبت أنواع متعددة من السيارات ساعتها هتقدر تقيم العربيه الى انتا راكبها الهيونداى أكسنت صيانه سهلة قطع غيار متوفره سعر أعادة بيع كويس أما قياده وثبات وأمان لايوجد
الابيزا 2000-02 سبق ان أتكلمت عليها الصيانه بتعتها عند متخصصين الفولكس والالمانى وهيا ابسط مايكون بس المتخصص بيختصر عليك الوقت مع حرفيه فى الصنعه لانه حافظ العربيه سعر اعادة البيع للالمانى بوجه عام منخفض نسبياً والله أنتا هتشترى بيه وهتبيع بيه فخلاص مافيش مشكله وكل حاجه وليها ناسها أما عن القياده والامان والثبات فالعربيات الالمانى كلها مشهوره بده
كنت قابلت واحد من قريب شاب دكتور محترم وكان معاه ابيزا 2001 برغم انه مش خبير فيها لاكن بيحبها جدا وانها عمرها ما قصرت معاه منذ ثلاث سنوات والى بيصرفه بياخد أعتماديه قصاده يعنى بياخد بحق الى صرفه وبالرغم من كده لما شفت الماتور كان بيرشح زيت جامد تخيل وحجات تانيه ومع ذلك قالى ان العربيه تمام ورايح جى بيها
ده يديك أنطباع عن مدى قوة وأعتمادية هذه المواتير والعربيه بوجه عام
وأخيرا يوضع فى الاعتبار موضوع الشنطه الاوسع لصالح الاكسنت
أما الشكل والتصميم الخارجى فده أزواق

شكرا للرد
انا قررت انتظر لحين وجود ابيزا بحالة كويسة ﻻول السنة وربنا يسهل

[ensan_71]

انا اسف حطيت اللنك غلط
لينك قطع الغيار الى بيشتريها ملاك السيات

http://www.nilemotors.net/nile/341028-a.html

كلاااااااامك كله صح يا حسان باشا انا عن نفسى وتجربتى الشخصية
ما عرفتش ان قطع غيار العربية رخيصة فعلا الا لما جبت قطع الغيار الاستراد بدل الجديد
ولبست فى الجديد لبس السنين ده غير طبعا بالمقارنة بين الجديد والاستراد الاستراد اصلى اصلى اصلى
اما الجديد مضروووووووووووووووب بالرغم انى جايبه من محل فتح الباب - دمشق - مصر الجديدة
كل حاجات العربية مرمية فى الحرفيين وباسعار ممتااااااااااااااااااااااازة
وعلى فكرة انا لسه جايب فتيس بطقم الدبرياش بـــ 600 ج واتركب بـ200 ج بجد يا بلاش