اعربية خلتنى ااقول يا رتنى ما اشتريتها :(

[ensan_71]

ابيزا 94 انجيكشن 1600
بصراحة انا ابتدى يجيلى حاله نفسيه من العربية .... اشتريت العربية من سنتين وكنت فرحانى اووووووووووووووى بيها وماشية الحمد لله ... لما اشتريتها كان الاخ اللى اشترتها منه موطيها قاصص السوسست بتاعة المساعدين ولاحظت انها ناشفه فى المطبات بس بصراحة كان شكلها تحفه وهيه واطية وطبعا بما انها اول عربية اشتريها ومن العربيات اللى بحبها وكان نفسى فيها قولت يا واد ما تبخلش على العربية عشان تعيش معاك خصوصا ان اساسيات العربية ممتازة وطبعا انا ما عنديش خبرة مين ميكانيكى ابيزا او عفشجى المهم اختصارا للوقت والكلام الكتير اتعمل عليا نصبايه فى 5 الاف جنيه عند واحد فى الحرفيين اسمه محمد جولف تغيير عفشة كامله كل ما يقولى على حاجة ااقوله ماشى غيرها وانا زى التيت مش فاهم بقا وعايز اركب العربية بمزاج المهم .
طبعا بعد ما عملنا الشغل ده العربية بردوا ناشفه فى المطبات قولت اجيب مساعدين جديدة واريح دماغى وبردوا لبستهم من محل فتح الباب فرع مصر الجديدة شارع دمشق صرفت فى القصة دى حوالى 3000
شوية جوانات زيت بترشح زيت خد عندك 1000 جنيه شوية قلب طلمبة 350 وشوية رفايع جنبه دخلنا فى 600 خللى بالك معايا المشكلة فى قرب الفترات الزمنية بين كل عطل وعطل اعمل حاجة تطلع حاجة طيب صوت العربية عالى ماشى نظبطه روح يا عم للميكانيكى هوب الخزوق ايه يا سيدى الكنترول اللى راكب كنترول 1000 طيب ايه المشكلة ما العربية ماشية بقالها سنتين تمام ... لا مش هقدر اشتغل الا لما تغيره عشان نعرف العيب فين بالظبط حاضر يا سيدى خد عندك 600 جنيه ... هووووووب البس يا عم فى احتمال الفتيس يكون فيتيس 1000 او 1400 مش 1600 طيب نصبر عليه عادى ما هيه بتمشى ماشى وماله .... هووووووب العربية مش موافقه ليه يا ستى زعلانه احتمال يكون فيه اسطوانه وديسك الله يلعن كدا وبعدين مع امك بقا ما ترحمى امى شوية عندى التزامات تانيه عايز اتهبب اعملها طيب اعمل اسطوانه وديسك ولا اجيب فيتيس جديد واخلص
ده غير ايه بقا انها غالبا محتاجه 4 فرد كاوتش جديد عشان فى نشوفيه فى المطبات مع السرعة العالية زى مثلا فواصل المطبات او عيون القطط اللى فى الارض ( العواكس ) او لو فيه مطبات صغيرة على الطريق .... يبص تلاقى العربية ناشفه كانك مزود هواء الكاوتش والليلة محتاجة مش ااقل من 2000 جنيه .... يعنى الهانم محتاجة مبدئيا 4000 جنيها والله اعلم ....
انا بجد خلااااااااااااااااااااااااااااص اتخنقت صارف حوالى ما يقرب من 10000 الى 12000 الف ويمكن اكتر ولسه كمان محتاجتانى 4000 بالذمة ده كلام
وطبعا محتار ابيع بعد كل المصاريف دى ولا اكمل المشوار
شوروا عليا يا شباب :(
مع الاخذ فى الاعتبار ان لازم اعمل الاسطوانه والديسك على الاقل يعنى لازم اعملها ودول لوحدهم هنقول بالكتييييييييييييييير 1000 جنيه ولسه ما جبناش الفتيس .... ولاااااااااااازم الكاوتش عشان العربية ما تتكسرش والجلب تبوظ ويبقى كانك ما عملتش حاجة فى العفشة
الحل ايه ؟

[ensan_71]

بالمناسبة عندى كنترول 1000 لو حد محتاجه

[amr011111]

أغلب المستعمل كده خاصة ان العربيه مستعمله بقالها 20 سنه وخاصة كمان ان معظم الابيزا مع شباب

[ensan_71]

أغلب المستعمل كده خاصة ان العربيه مستعمله بقالها 20 سنه وخاصة كمان ان معظم الابيزا مع شباب

نصيحتك مع العلم ان الاساسيات الحمد لله الله اكبر فله ؟

[windofchange]

الميكانيكي متأكد ان فتيسك فتيس 1000 سي سي ؟ لان ظاهريا ال3 فتايس من 1000 ل1600 سي سي نفس الشكل الا بقي لو هو يعرف اكواد الفتيس ؟! ..وممكن صورة من كنترول ال1000 سي سي خصوصا عند الجزئية بتاعت الموديل بتاعه علشان انا معايا برضه كنترول 1000 سي سي ..ده لو حبيت تتأكد انه فعلا بتاع 1000 سي سي وطالما مستريح فالعربية متبيعش وفكر دائما في قطع غيار الاستيراد يعني سوست جنبين كاملين ورا ممكن يعملوا من 300 ل350 جنيه سوست بالبطاحات والصدادات والمساعد ويقضوا الغرض مأدوش الغرض هات لك مساعدين جداد وشيل اللي جم مع الجنبين الاستيراد

[Ahmed_Gallant]

السلام عليكم
حيلك حيلك حيلك
ايه الارقام الغريبه دى انت خضتنى الصراحه
مبدئيا عفشه ايه اللى ب5000 جنيه دى لو جولف 4 او حتى اوبل فكترا مش هتتكلف الكلام ده ممكن توضحلى ايه اللى اتغير بالظبط علما بانى غيرت عفشتى كلها ما عدا المساعدين والسوست يعنى البلى والجلب والبارات وكله ب900 جنيه ومصنعيه 150 جنيه ابيزا 94 مكنه 1400
ولو باعتبار انك بيركب عندك عفشه الجولف 3 باعتبار المكنه 1600 هيبقى التكلفه اقل لان قطع غيار الجولف 3 ارخص
وايه كل المبالغ الجانبيه دى قلب طلمبه ب350 اذا كانت الطلمبه انا جايبها ب290 كلها على بعضها وزيت ب50 جنيه استيراد وايه الرفايع اللى ب600 جنيه ده تمن طابلوه او تمن فتيس
نرجع للعفشه جوز المساعدين قدام ب700 جنيه وورا ب550 وتركيبهم 50 الى 100 جنيه ايه اللى وصلها ل3000 جنيه فين المقابل للفلوس دى محتاج توضح ياما انت مبتسالشى ورا اللى بياخد من الفلوس ياما الناس بتشتغلك فى الاسعار
ديسك واسطوانه باظوا تمنهم كام يا عم 650 ده لو هتجيب الطقم جديد وتركيبهم 100 جنيه طب لو انا هحل واغير اسطوانه بس مش هتعمل 200 جنيه وممكن تملاها ب40 جنيه لو الديسك سليم وانا متاكد ان الديسك سليم ليه لان العربيه ماشيه بس سحبها ضعيف طب لو افترضنا انك جبت كل دول استيراد الفتيس بالديسك بالاسطوانه مش هتدفع الالف جنيه اصلا ممكن نقول 750 وتركيب 100
طيب اللى حصل حصل بس برضه هتكتبلى الحاجات اللى طلبتها من فوق هتتصرف ازاى
اقولك يا سيدى
مشاكلك تتحل فى سكه 2000 جنيه كلها على بعضها وياريت تتصل بيا اساعدك فى حلها كمان
1- نخلص من موضوع الكاوتش الاول يبقى حد امين يبصلك عليه ويقولك الكاوتش عامل ايه قالك الكاوتش ميت يبقى هتجيب 2 فرده مستعمله تركبهم قدام الاول لو جنوطك 14 يبقى بنتكلم فى 100 الى 150 الفرده الواحده لو 16 هتوصل معاك ل200 جنيه الى 250
2- هتتاكد من موضوع الفتيس بالاكواد وبعد ما تتاكد ان الفتيس ده مش بتاع المكنه هتدخل على النت وتعرف كود الفتيس اللى يركب على المكنه بتاعتك وتروح تسال عليه معاه الديسك والاسطوانه والبليه يعنى فتيس بكل حاجته وتاخد الميكانيكى من ايده وتخليه هو اللى ينقى الفتيس وطقم الدبرياج وتاخد ضمانك من التاجر وتتوكل على الله وتعمل حسابك فى زيت فتيس رخيص عشان لو طلع فيه حاجه لا قدر الله و متدفعشى اكتر من 700 الى 800 جنيه فى الفتيس بحاجته والتركيب 100 بالكتير
3- تجيلى بالعربيه فى اى يوم ابصلك عليها هو صحيح انا مش معايا ابيزا حاليا بس انا عجنتها واشتريتلها حاجات كتير وعارف اسعارها
- تصدق انى جبت ابيزا ب20 الف وصرفت عليها 6 الالف وكنت زعلان ومستكترهم ال6 الاف دول سقطت مكنه 1400 بادوات التغذيه بالكنترول بالتعديل لانها كانت كارب بدون فتيس ولا تكييف ولا باور وغيرت عفشه كامله بدون مساعدين وسوست واشتريت قطمه كامله ايرباج وايموبلايزر وجبت كبالن وفرده كاوتش مستعمله وبطاريه سايله وزعلان على اللى صرفته تقولى 10 الى 12 الف جندى دانا كنت غيرت بيهم العربيه كلها
وقف صرف لحد ما تكلمنى على التليفون 01110079163
حسبى الله ونعم الوكيل فى كل اللى غشك

[hesham fawzy h]

متابع

[dr_ahmed80]

و ده حال اى واحد كان او عنده ابيزا يا اما بيسقط موتور يا اما كونترول بيتغير يا اما فيه مشاكل ماتفهمش بتيجى منين المهم تفقد متعتك بالقيادة وبالعربية
فى وجهة نظرى بدل ما حضرتك عمال تدفع انا بعد الابيزا الى كانت معايا زمان و كنت شاريها تانى يد عاملة 10 الاف كيلو من واحدة ست بس الى عملتو فيا العربية دى خلانى احلف انى ماشتريش مستعمل تانى
الحل هوة الاتى تشترى جديد و تدفع اقساط انت لو حسبتها فى الى عمال تصرفه هتلاقيها ارخصى حتى لو عربية صينى بس جديدة هتمشى كام سنة تحطلها بنزين و زيت و برده تشترى دماغك و تلاى عربية تحترمك مش تقل باصلها و تبهدلك ده ليه تمنه
و ربنا يكرم

[hossamalsadik]

أنتا صرفت مصاريف مبالغ فيها
بس ملحوقه والواحد مابيتعلمش ببلاش سواء كانت العربيه جديده زيرو او مستعمله
العربيه الجديده برضوا ليها مصروفها ولو أضحك عليك هتدفع اكتر من المستعمل الموديل القديم لفارق الاسعار الكبير بين الموديلين فهى هيا ويمكن أكتر فى حالة الجديد
عشان كده المهم الخبره وكثره معلومات الواحد اذا كنت عاوز تركب باقل التكاليف وتصرف فى المفيد وطبعا من قبل ومن بعد الأستعانه بالله
الخبره والمعلومات كان زمان صعب الحصول عليها لاكن دلوقتى عندك نيل موتورز واخواتك فى قسم السيات موجودين لاى استفسار ولتبادل الخبرات
وأحمد بك سبق وهوا من الاعضاء المحترمين زوى الخبره الكبيره من خلال معرفتى بمشاركاته فى القسم أن شاء الله يفيدك
واخيرا لاتحزن الواحد مابيتعلمش ببلاش والخبره مثلا الى عندى ديه نتيجة 20 عام ولسى بنتعلم كل يوم حاجه جديده فاكيد قبل مأفهم كنت بخسر كتير نتيجة التجارب فأنتا كده احسن من غيرك

تحياتى

[khalil mohamed]

المشكلة اﻻساسية فى قصتك ﻻ فى العربية وﻻ فى قلة خبرتك المشكلة فى عدم وجود ضمير عند الناس اللى اتعاملت معاهم او فى عدم وجود علم عندهم

[ensan_71]

أنتا صرفت مصاريف مبالغ فيها
بس ملحوقه والواحد مابيتعلمش ببلاش سواء كانت العربيه جديده زيرو او مستعمله
العربيه الجديده برضوا ليها مصروفها ولو أضحك عليك هتدفع اكتر من المستعمل الموديل القديم لفارق الاسعار الكبير بين الموديلين فهى هيا ويمكن أكتر فى حالة الجديد
عشان كده المهم الخبره وكثره معلومات الواحد اذا كنت عاوز تركب باقل التكاليف وتصرف فى المفيد وطبعا من قبل ومن بعد الأستعانه بالله
الخبره والمعلومات كان زمان صعب الحصول عليها لاكن دلوقتى عندك نيل موتورز واخواتك فى قسم السيات موجودين لاى استفسار ولتبادل الخبرات
وأحمد بك سبق وهوا من الاعضاء المحترمين زوى الخبره الكبيره من خلال معرفتى بمشاركاته فى القسم أن شاء الله يفيدك
واخيرا لاتحزن الواحد مابيتعلمش ببلاش والخبره مثلا الى عندى ديه نتيجة 20 عام ولسى بنتعلم كل يوم حاجه جديده فاكيد قبل مأفهم كنت بخسر كتير نتيجة التجارب فأنتا كده احسن من غيرك

تحياتى

والله يا مستر حسام كلامك ما شاء الله كله عقل ومحترم جدا ومريح
هو فعلا انا اتعمل عليا شغل لانى لسه كيس جوافه بس اتعلمت ههههههههههه
وربنا يهديها بقا عليا وتحترم نفسها شوية لانى استويت ومصاريفها كلها من بالمئات

[ensan_71]

الميكانيكي متأكد ان فتيسك فتيس 1000 سي سي ؟ لان ظاهريا ال3 فتايس من 1000 ل1600 سي سي نفس الشكل الا بقي لو هو يعرف اكواد الفتيس ؟! ..وممكن صورة من كنترول ال1000 سي سي خصوصا عند الجزئية بتاعت الموديل بتاعه علشان انا معايا برضه كنترول 1000 سي سي ..ده لو حبيت تتأكد انه فعلا بتاع 1000 سي سي وطالما مستريح فالعربية متبيعش وفكر دائما في قطع غيار الاستيراد يعني سوست جنبين كاملين ورا ممكن يعملوا من 300 ل350 جنيه سوست بالبطاحات والصدادات والمساعد ويقضوا الغرض مأدوش الغرض هات لك مساعدين جداد وشيل اللي جم مع الجنبين الاستيراد

انا كنت منزل موضوع قبل كدا ونزلت صورة الكنترول والناس هنا تفضلت مشكورة وقالوا فعلا انه فيتيس 1000
وممكن حضرتك تلاقى الموضوع موجود ولو عايز الصورة انا تحت امرك .... انا بالفعل غيرت الكنترول امبارح عند واحد اسمه رشاد فى الحرفيين انسان محترم وممتاز اخد 550 جنيه كنترول وتكويد بصراحة صوت العربية هدى جدااااااااااااااا وبقا محترم لكن مش قادر احكم على المشى الا لما اشوف قصة الفتيس ولا اسطوانه وديسك
ورشاد قالى انه اروحله هيخللى ميكانينكى يبص على الفتيس ويجب الكود بتاعه عشان نعرف هو 1000 ولا لا
اشكرك على اهتمامك بموضوعى جداااااااااااااااااا ....... ومنتظر توجيهاتك ديما

[ensan_71]

السلام عليكم
حيلك حيلك حيلك
ايه الارقام الغريبه دى انت خضتنى الصراحه
مبدئيا عفشه ايه اللى ب5000 جنيه دى لو جولف 4 او حتى اوبل فكترا مش هتتكلف الكلام ده ممكن توضحلى ايه اللى اتغير بالظبط علما بانى غيرت عفشتى كلها ما عدا المساعدين والسوست يعنى البلى والجلب والبارات وكله ب900 جنيه ومصنعيه 150 جنيه ابيزا 94 مكنه 1400
ولو باعتبار انك بيركب عندك عفشه الجولف 3 باعتبار المكنه 1600 هيبقى التكلفه اقل لان قطع غيار الجولف 3 ارخص
وايه كل المبالغ الجانبيه دى قلب طلمبه ب350 اذا كانت الطلمبه انا جايبها ب290 كلها على بعضها وزيت ب50 جنيه استيراد وايه الرفايع اللى ب600 جنيه ده تمن طابلوه او تمن فتيس
نرجع للعفشه جوز المساعدين قدام ب700 جنيه وورا ب550 وتركيبهم 50 الى 100 جنيه ايه اللى وصلها ل3000 جنيه فين المقابل للفلوس دى محتاج توضح ياما انت مبتسالشى ورا اللى بياخد من الفلوس ياما الناس بتشتغلك فى الاسعار
ديسك واسطوانه باظوا تمنهم كام يا عم 650 ده لو هتجيب الطقم جديد وتركيبهم 100 جنيه طب لو انا هحل واغير اسطوانه بس مش هتعمل 200 جنيه وممكن تملاها ب40 جنيه لو الديسك سليم وانا متاكد ان الديسك سليم ليه لان العربيه ماشيه بس سحبها ضعيف طب لو افترضنا انك جبت كل دول استيراد الفتيس بالديسك بالاسطوانه مش هتدفع الالف جنيه اصلا ممكن نقول 750 وتركيب 100
طيب اللى حصل حصل بس برضه هتكتبلى الحاجات اللى طلبتها من فوق هتتصرف ازاى
اقولك يا سيدى
مشاكلك تتحل فى سكه 2000 جنيه كلها على بعضها وياريت تتصل بيا اساعدك فى حلها كمان
1- نخلص من موضوع الكاوتش الاول يبقى حد امين يبصلك عليه ويقولك الكاوتش عامل ايه قالك الكاوتش ميت يبقى هتجيب 2 فرده مستعمله تركبهم قدام الاول لو جنوطك 14 يبقى بنتكلم فى 100 الى 150 الفرده الواحده لو 16 هتوصل معاك ل200 جنيه الى 250
2- هتتاكد من موضوع الفتيس بالاكواد وبعد ما تتاكد ان الفتيس ده مش بتاع المكنه هتدخل على النت وتعرف كود الفتيس اللى يركب على المكنه بتاعتك وتروح تسال عليه معاه الديسك والاسطوانه والبليه يعنى فتيس بكل حاجته وتاخد الميكانيكى من ايده وتخليه هو اللى ينقى الفتيس وطقم الدبرياج وتاخد ضمانك من التاجر وتتوكل على الله وتعمل حسابك فى زيت فتيس رخيص عشان لو طلع فيه حاجه لا قدر الله و متدفعشى اكتر من 700 الى 800 جنيه فى الفتيس بحاجته والتركيب 100 بالكتير
3- تجيلى بالعربيه فى اى يوم ابصلك عليها هو صحيح انا مش معايا ابيزا حاليا بس انا عجنتها واشتريتلها حاجات كتير وعارف اسعارها
- تصدق انى جبت ابيزا ب20 الف وصرفت عليها 6 الالف وكنت زعلان ومستكترهم ال6 الاف دول سقطت مكنه 1400 بادوات التغذيه بالكنترول بالتعديل لانها كانت كارب بدون فتيس ولا تكييف ولا باور وغيرت عفشه كامله بدون مساعدين وسوست واشتريت قطمه كامله ايرباج وايموبلايزر وجبت كبالن وفرده كاوتش مستعمله وبطاريه سايله وزعلان على اللى صرفته تقولى 10 الى 12 الف جندى دانا كنت غيرت بيهم العربيه كلها
وقف صرف لحد ما تكلمنى على التليفون 01110079163
حسبى الله ونعم الوكيل فى كل اللى غشك

يا احمد باشا انته مش ملاحظ انى بقولك اتنصب عليا :) امال هتعمل ايه لو قولت لك ان اللى نصب عليا اعز اصدقائى ههههههه .
ده غير قطع الغيار اللى من فتح الباب فرع مصر الجديدة شارع دمشق على سبيل المثال قلب الطلمبة اللى بــ 350 جنيه .... انا كل ده ابتديت اعرفه هنا من الجروب والمواضيع اللى موجودة لقيت نفسى بلبس اسعار غريبة والناس بتتكلم فى اسعار اغرب ...... عموما هكلمك ان شاء الله واجيلك تشوف العربية باذن الله
اشكر جداااااااااااا على اهتمامك .... وكل سنه وانته طيب :)

[ensan_71]

المشكلة اﻻساسية فى قصتك ﻻ فى العربية وﻻ فى قلة خبرتك المشكلة فى عدم وجود ضمير عند الناس اللى اتعاملت معاهم او فى عدم وجود علم عندهم

اه والله انته جبت من الاخر

[ehab_mansour]

استهدي بالله و ان شاء الله كله خير و ربنا يعوض عليك و ينتقم ممن استغلك بغير حق
امشي ورا كلام الرجاله فوق و احمد بيه حطلك كمان رقمه ربنا يباركله كلمه و هو هيظبط معاك كل حاجه