تقرير تغيير ماستر الفرامل - إبيزا 94

[mohammad isdf]

السلام عليكم ورحمة الله وبركاته

ازيكم يا رجالة سيات المحترمين

من فترة عملت موضوع ان الفرامل عندى كانت ع الأرض .. وإن محتمل يكون السيرفو باظ

http://www.nilemotors.net/Nile/443634-94.html

والحمد لله رب العالمين روحت للأسطى عصام والموضوع طلع إن الماستر العمومى الخاص بالفرامل واللى ماسك فى السيرفو باظ

روحت اشتريته جديد إيطالى من محل ناجح اللى فى اول فيصل بـ 170 جنيه وكان فى واحد صينى بــ 130 جنيه

جبت بفضل الله الإيطالى .. وتم التركيب وتم سحب الهواااا الكتير اللى كان فى دورة الفرامل وذلك بعد تغيير الزيت النضيف والأصلى الألمانى.


والفرامل بفضل الله وماشاء الله بقت تمام .. بعد ما كانت على الأرض وبقت كمان احسن من الأول الحمد لله


خلينا مع الصور بقى

ده الماستر القديم






وده علبة الماستر الجديد





وده الماستر الجديد لما ركب فى السيرفو



وده الزيت الألمانى




وده بالكاتلوج بتاعه


وده بالعلامة المائية اللى مظهرتش فى التصوير (ظهرت كعلامة سودة)



والحمد لله رب العالمين

ادعولى بقى اخلص حاجه حاجه الكوبلن اليمن والفبرة اللى بتاعة تقسيمة الموتور اركبها وشوية حاجات كده

[exelence]

شكرا" لك على التقرير أخى العزيز
و دعائى لك بالتوفيق ان شاء الله و تنتهى من كل حاجه

[mohammad isdf]

شكرا" لك على التقرير أخى العزيز
و دعائى لك بالتوفيق ان شاء الله و تنتهى من كل حاجه

مرورك شرفنى يا استاذنا الفاضل
أشكرك جدا

[SYD]

الحمدلله ان المشكلة اتحلت
بس ماقولتش مشكلة الأر بي ام هي كمان اتحلت بتغيير السيرفو ولا لا
وهل الفرامل اتحسنت دلوقتي ولا ايه الوضع

تحياتي

[ViLMoS]

بالتوفيق ان شاء الله وربنا يكرمك وتخلص كل حاجة وعقبالي ان شاء الله لم اخلص العربية انا كمان

[Karim Ibiza]

مشكور على التقرير ومبروك تصليح الفرامل وعقبال الباقى ان شاء الله

[A_7akam]

ألف مبروك زعقبال الباقي.
ولو سمحت كنت عايز اعرف الزيت جبته منين وبكام وهي بتاخد كمية قد ايه

شكراً ليك

[hossamalsadik]

مبروك الصيانه يامحمد وعقبال باقى الحاجه ربنا ييسرلك الاحوال

[ehab_mansour]

مبروك يا ابو مريم و ربنا ييسرلك حالك يارب

[warfighter2114]

بالتوفيق ياباشا

[mohammad isdf]

متشكر جدا يا جماعه على مروركم الجميل

بخصوص انى كنت لما ادوس على الفرامل الآر بى إم بيعلى جامد .. المشكلة لسه شبه موجودة ولكن خفيفه جدا لأن مبقاش فى هوا فى الدورة تقريبا .. لكن لو كاركت على الفرامل باستمرار فى حبة هوا بسيطة جدا فس فس فس الحتة البسيطة دى بتسبب علو الآربى ام شوية بسيطة والفرامل ما شاء الله بقت عالية وناشفه وتمام التمام.

الزيت جبته من الألمانى اللى فى شارع الليبينى ب 45 جنيه .. وهو نص كيلو وتقريباً الدورة كلها بتبقى نص كيلو مش هتحتاج أكتر من كده ان شاء الله

ولمزيد من التفاصيل عن قطع الغيار تفضلوا المشاركة دى

http://www.nilemotors.net/Nile/341028-a-18.html#post3875783303

وكمان دى

http://www.nilemotors.net/Nile/341028-a-18.html#post3875783307

تحياتى

[mohammad isdf]

الماستر باظ ومكملش 3 شهور

[meeg]

الف مبرررررررررررروك ربنا يحفظك فيها ياااارب

[mohammad isdf]

الفرامل بقت على الأرض

روحت لعصام غيرلى الماستر الخلفى وسحب هوا ..

تانى يوم الفرامل على الأرض

روحت اخدت عنده هوا تانى

تالت يوم الفرامل على الأرض

روحت اشتريت ماستر عمومى تانى استيراد

وعصام ركبه .. والفرامل مش عايزة تعالى قلتله خد هوا من ورا .. انفعل وقالى وبعدين بردوا هيبقى بايظ وقالى ده وحش

أخد هوا من ورا العربية شدت فرامل

قلتله شوفت بقى ؟

تانى يوم الفرامل على الأرض

روحت لميكانيكى تانى فى اول فيصل كويس

قالى لما بتاخد من ورا هوا الفرامل بتعلى معاك بوضوح قلتله اه

قالى دى قصه تانية غير الماستر العمومى

لطعنى كتير لأنى رايحلو من غير ميعاد

لاقى الزيت محروق والماستر التانى الفرعى مش كويس قالى هات زيت وماستر

غير ركب اسحب هوا اسحب الزيت القديم ..

الفرامل بقت الحمد لله كويسه

بعد مصاريف وصلت تقريبا 500 جنيه بسبب عصام

بالإضافة إلى ترموستات الكوعة اللى ركبت بتنشع مياه من الكوعه ورحتلوا 5 مرات ومش عارف يعملها

[SYD]

يعني وصلت لأيه ؟؟؟
المشكلة منين والحل أيه ؟