استفسار عن موتور 1400

[ViLMoS]

السلام عليكم
معلش انا عارف ان سؤالي اتهرس في 100 موضوع قبل كده بس انا بقالي كتير بدور علي المنتدي
انا عربيتي الموتورى قفش وكده كده كنت ناوي اغيره
فهاتوكل علي الله وهغير الموتور
ان شاء الله ناوي اسقط ماكنة 1400 بس لما سالت لاقيت واحد 8 صباب وواحد 16 صباب
ال16 صباب احسن في القوه بس كنت محتاج اسال علي فرق استهلاك البنزين وتوافر قطع غيار موتور ال 16 صباب عشان فيه ناس خوفتني منه بس الموتور عاجبني جدا وحاسس انه هيفرق جامد في العربية عن ال 8 صباب
فهل فعلا الموتور ال 16 صباب وحش غفي صيانته وقطع غياره ولا لأ؟

[Ramadan Kader]

كان فيه موضوع هنا على المنتدى واحد كان بيشتكي من الموتور ال 1400 cc الكترول يونت الى بضبطها مش موجوده

[Karim Ibiza]

لو قصدك على الـ 16 صباب الـ 75 حصان والكود بتاعه aua
هو مش موضوع وحش فى صيانته
ولكن الفكرة ان الـ 8 صباب اسهل

بالنسبة لقطع الغيار هتزيد معاك حاجة بسيطة
على سبيل المثال الـ 8 صباب فيه بلية شداد واحدة لكن الـ 16 صباب فى 2 بلية شداد وديه تقريبا بـ 250 جنيه الواحدة

الفرق فى استهلاك البنزين بسيط جدا

فرق القوة يستاهل

[ViLMoS]

يعني اتوكل علي الله واجيب ال 16 صباب ولا لأ؟

[Karim Ibiza]

توكل ياباشا واحنا معاك
بس لو انت موتورك كربراتير يبقى هتحتاج طرمبة كهرباء وضفيرة طابلوه وعلبة فيوزات

[ehab_mansour]

جيب 16 صباب و يستاهل الفرق و فرق استهلاك البنزين يعتبر لا شيء
الفكرة فقط انك لما تسقط ال 16 صباب بالذات تفكه من نص كامل مكمل بضفيرته و كنتروله و فتيسه و كل حاجه حتي طقم الدوارة عشان تبقي سقطت حاجه صح و اشتريت دماغك

[ViLMoS]

متشكر جدا لردكم يارجالة
بس معلش انا خبرتي بالعربيات مش قوي
ايهاب بك قصدك طقم الدوارة اللي هو الاميبوليزر ولا ايه؟

[ehab_mansour]

متشكر جدا لردكم يارجالة
بس معلش انا خبرتي بالعربيات مش قوي
ايهاب بك قصدك طقم الدوارة اللي هو الاميبوليزر ولا ايه؟

اينعم .. الايموبلايزر بالمفاتيح بالكونتاك

[SYD]

ال16 صباب سيرفيسه اغلي بكتير اوي عن ال8 صباب
ال8 صباب بتجيب سير كاتينة ب75 وبلية في رينج 75
ال16 بيدخل في 1000 جنيه طقم السيرفيس بتاعه
وضيف علي كدة انه مرهق ومقرف في التقسيمة بتاعته الا لو كان علي 2 سير فدة بيكون اسهل شوية في ظبطه
استهلاك البنزين لا يذكر
فرق القوة كبير اوي (15 حصان) والفرق دة في فولكس عموماً وفي الhp القليل خصوصاً ملحوظ جداً وتحسه جداً لأنه تقريبا مرة وربع قوة المحرك الأخر

كمان ال8 صباب تغييره مش محتاج تغيير اجزاء كتير معاه وبالتالي اوفر في التغيير لكن ال16 كما ذكر المهندس ايهاب هتحتاج معاه مكونات اخري اكتر وبالتالي السعر هيحمل اكتر

حابب كمان اضيف ان ال16 وزنه اتقل من ال8 وبالتالي لو العفشة عندك مش تمام هتحتاج كمان تجدد العفشة بتاعتك (سوست ومساعدين وبطاحات)

تحياتي
والله المستعان
،
،

[seatibiza]

ال16 صباب سيرفيسه اغلي بكتير اوي عن ال8 صباب
ال8 صباب بتجيب سير كاتينة ب75 وبلية في رينج 75
ال16 بيدخل في 1000 جنيه طقم السيرفيس بتاعه
وضيف علي كدة انه مرهق ومقرف في التقسيمة بتاعته الا لو كان علي 2 سير فدة بيكون اسهل شوية في ظبطه
استهلاك البنزين لا يذكر
فرق القوة كبير اوي (15 حصان) والفرق دة في فولكس عموماً وفي الhp القليل خصوصاً ملحوظ جداً وتحسه جداً لأنه تقريبا مرة وربع قوة المحرك الأخر

كمان ال8 صباب تغييره مش محتاج تغيير اجزاء كتير معاه وبالتالي اوفر في التغيير لكن ال16 كما ذكر المهندس ايهاب هتحتاج معاه مكونات اخري اكتر وبالتالي السعر هيحمل اكتر

حابب كمان اضيف ان ال16 وزنه اتقل من ال8 وبالتالي لو العفشة عندك مش تمام هتحتاج كمان تجدد العفشة بتاعتك (سوست ومساعدين وبطاحات)

تحياتي
والله المستعان
،
،

طيب انا كمان كنت ناوي اسقط 1400 16 صباب في عربيتي الابيزا 2002 عشان موتوري الاصلي خلااااااااااص جاب اخره و محتاج تغييره ضروري بس بعد كلام المهندس سيد رجعت خوفت و اتلخبطت تاني و فكرت في ال8 صباب ........ محتاج استقر علي الموتور اللي هسقطه

[ViLMoS]

انا الحمد لله استقريت ونزلت اتفقت والميكانيكي شغال في العربية
جبت 1400 هاف بالباور والتكييف والفتيس والضفيرة والكنترول وطقم التبريد الكبير ب 4000
طبعا هيتغير معاهم طرمبة البنزين ب 200 ج
ضيف عليهم 1000 ج مصنعية وزيوت يعني اجمالي 5200
انا شايف ان كده تمام لكن ال 16 هحس بفرق اقوي في العربية لكن انا جبت موتور تكلفة تسقيطة اسهل + صيانته ارخص واسهل بصراحة انا خفت جدا من ال 16 صباب علشان حاجات كتير اهمها اني هحتاج حاجات كتير اعدلها + الوزن الزايد اللي طبعا هيجبرني اغير العفشة فكنت هخش في موضوع كبير يخليني ابيع العربية واشتري واحدة جاهزة ارخص

[hossamalsadik]

كتكلفه اكيد كده ارخص تمام
ربنا ييسرلك الحال

[ViLMoS]

كتكلفه اكيد كده ارخص تمام
ربنا ييسرلك الحال

انا عارف ان الموتور التاني قوة وعزم اقوي بكتير
لكن انا مفيش امكانيات ان انا اعدل الحاجات اللي محتاجها الموتور التاني دلوقتي
انا كان قدامي الموتور ال 16 بنفس السعر علي فكرة بس المشكلة الحاجات اللي محتاجة تتعدل معاه كتير جدا غير كده ان لو حاجة باظت فيه هلف كتير

[ehab_mansour]

مين قال ان الموتور ال 16 صباب محتاج تعديل عفشة ؟؟؟؟؟؟؟؟؟؟؟؟؟؟؟؟؟؟؟؟؟؟
يا ساده المواتير كلها الاقل من 1800 سيسي بتنزل علي نفس العربية بدون اي تعديل في اي حاجه ولا حتي العفشة فقط لما بتعلي الموتورمن 1800 فما فوق بتحتاج تعديل فرامل بطنابير اكبر و ديسكات خلفية عشان تقدر توقف الموتور الجديد و بس

اما قصة الصيانة ففعلا الموتور ال 16 بيحتاج تكلفة صيانة اعلي و لكن مش بالمبالغة دي ... يعني مع تغيير سيور الكاتينة بياخد بلية شداد زيادة عن ال 8 و لكن سعر بلية الشداد في الاتنين 8 و 16 واحدة 250 الي 300 جنيه و بدلا من سير ب 75 بتركب سير او سيرين مثلا ب 250 ال 300 جنيه و بس (يعني زيادة فقط بلية شداد و زيادة في السيور يعني فرق فقط 500 مثلا كل 60 الف كيلومتر ) و شكرا اما كل الباقي زي بعضة في كل المواتير

انا مش بقول كده عشان انا راكب 16 او عايزك تعمل زيي مثلا انا فقط عايز المعلومة تصل صحيحة بدون مبالغات في شيء او تقليل في قيمة أخر

المواتير ال 16 حاجه تانية في السحب و السرعة و الروح (عدد اللفات)

و بالتوفيق للجميع