ايه اقوى موتور للابيزا 94 ؟؟

[Magdy-Ibiza]

رجالة الابيزا كنت عايز أعرف ... ايه أقوى موتور ممكن يركب فى الابيزا 94 ( بس تكون العربيه مستحمله الموتور ) اللي يدينى قوه و عزم ( حصان ) مع العلم طبعا هاحط شدادات ؟؟؟؟؟؟

و شكرااا للرجــال اللى هترد مقدما

[mxz911]

الموتور 6 ال سلندر اسمه vr6 و هوه 2800cc
بس ده لازم تشقلب العربيه عشان تستحمله .

VR6 engine - Wikipedia, the free encyclopedia

[Karim Ibiza]

الموديل ده فيه منه النسخة الـ GTI واللى كانت بتنزل بموتور 2.0 بيطلع 115 حصان و عزم 166 نيوتن و 8 صباب وده كان فى موديلات من 94 الى 96 والكود بتاعه 2E



بعد كده من 96 الى 99 نزلت الـ GTI 16v وده كان برده 2.0 ولكن كان 16 صباب وبيطلع 150 حصان وعزم 180 نيوتن والكود بتاعه ABF



والموتورين دوول بيركبوا بدون تعديل جزرى فى اساسيات العربية لكن لازم طبعا تغير العفشة الامامية والخلفية والشكمان وطرمبة البنزين ولازم الموتور يجى بكل مشتملاته من فتيس لضفيرة لطقم دوارة لعدادات عشان كل حاجة تشتغل صح

ابيزا 2000-2002 نزل منها موديل اسمه Cupra و Cupra R
الـ Cupra كانت بتنزل بموتور 1.8 20vT وده موتور تربو 20 صباب 4 سلندر وبيطلع 156 حصان وعزم 210 نيوتن والكود بتاعه AQX

الـ Cupra R نزلت بنفس الموتور ولكن كان بيطلع 180 حصان وعزم 235 نيوتن وده لأن التوربينة اكبر وبرمجة الكونترول مختلفة والكود بتاعه AYP والموتور ده نادر انك تلاقيه فى مصر إلا لو هتجيبه من بره
ونزل منه نسخ تانية بتوصل لـ 300 حصان



الموتورين دوول يركبوا على ابيزا 94 برده بدون تعديل جزرى لأن الابيزا من 94 الى 2002 نفس الشاسيه ونفس الحوض ولكن لازم تعمل زى ما قولتلك بالنسبة للموتورين اللى قبلهم

فى نفس الجيل ده نزل الموتور الـ 2.8VR6 ولكن نزل للجولف 3 ومنزلش للسيات خالص ولكن بيركب عادى على الابيزا وبيحتاج تحويل الدبرياج من كابل الى ماستر
الموتور بيطلع 174 حصان وعزم 235 نيوتن 6 سلندر 12 صباب واستهلاكه للبنزين ممتاز بالنسبة للمواتير الـ 6 سلندر والكود بتاعه AAA



نزل فى الجيل اللى بعده للجولف 4 و 5 النسخة الاحدث من الـ VR6 وهى الـ 3.2VR6 24v اللى بيتقال عليه R32 وقوته 273حصان و 320نيوتن وبيركب فى الابيزا

[Magdy-Ibiza]

والله يا كريم باااشا انا عاجز عن الشكر و المعروف عنك بالعطااء دايما
بس حضرتك هو شاسيه الابيزا 94 نفس الشاسيه بتاع 98 و الكوبيه ؟؟؟
الحاجة التانيه الشاسيه بتاعى 94 يستحمل الموتور 2000 ولا لا ؟؟؟ و لحد كااام سى سى يستحمل بالاخص الباور عاالى ؟؟؟ ( و انا من عشاق ان يكون الهورس باور عالى )
العربية مش هكون خفيفى و هتعوم منى لما يكون الموتور عالى بالشكل داا ؟؟
قطع غيار المواتير دى موجوداا ولا لا ؟؟؟ بغض النظر عن اسعار الغياار
ممكن اسعار المواتير دى ؟؟؟
والله شكرااااااااا جدااا لحضرتك و معلش طولت عليك

[Karim Ibiza]

والله يا كريم باااشا انا عاجز عن الشكر و المعروف عنك بالعطااء دايما
بس حضرتك هو شاسيه الابيزا 94 نفس الشاسيه بتاع 98 و الكوبيه ؟؟؟
الحاجة التانيه الشاسيه بتاعى 94 يستحمل الموتور 2000 ولا لا ؟؟؟ و لحد كااام سى سى يستحمل بالاخص الباور عاالى ؟؟؟ ( و انا من عشاق ان يكون الهورس باور عالى )
العربية مش هكون خفيفى و هتعوم منى لما يكون الموتور عالى بالشكل داا ؟؟
قطع غيار المواتير دى موجوداا ولا لا ؟؟؟ بغض النظر عن اسعار الغياار
ممكن اسعار المواتير دى ؟؟؟
والله شكرااااااااا جدااا لحضرتك و معلش طولت عليك

الابيزا من 94 الى 2002 نفس الشاسيه والابعاد ومقاس الابواب والحوض والشنطة
الكوبيه بيختلف عن العادية فى حجم الباب ومكان القايم فقط

المواتير الـ 2E , ABF , AQX , AYP , VR6 بينزلوا عادى والشاسيه بيستحمل والثبات هيكون كويس طالما العفشة سليمة وكاملة ومقاس الكاوتش مظبوط والجنط اصلى

انا مش بتكلم عن العفشة العادية اللى بتنزل مع الموتور الـ 1.3
انا بتكلم عن العفشة اللى نزلت فى العربيات دى مع المواتير دى

الـ 2E سعره فى حدود الـ 4000 وقطع غياره موجودة وصيانته سهلة واعطاله قليلة واستهلاكه فى البنزين كويس

الـ ABF السيستم كامل فى حدود الـ 9000 وقطع غياره قليلة وصيانته اصعب من الـ 2E واستهلاكه فى البنزين اعلى
الموتور ده من المواتير الهايجة اللى متعرفش تمشى بيه مشى هادى

الـ 1.8 20vT سعره فى حدود الـ 10000 وقطع غياره قليلة وعشان تستفاد بكل قوته يبقى لازم تحط بنزين 95 واستهلاكه فى البنزين عالى لأنه 20 صباب

الـ VR6 سعره فى حدود الـ 6500 وقطع غياره قليلة وترخيصه مكلف لأنه 6 سلندر وده الضريبة بتاعته عالية فى المرور ولكن استهلاكه فى البنزين كويس جدا طالما انت ماشى على RPM اقل من 3 لكن لو فكرت تجرى يبقى هيسف البنزين
الموتور ده حلاوته انك لما تحب تمشى هادى هيمشى ولما تحب تجرى هيتحول ويبقى عامل زى الوحش وهتحس ان العربية صاجها هيتطبق من قوة الاندفاع واحتكاكها بالهواء

الـ R32 متفكرش تسأل على سعره لأنه بثمن عربيتك