رجاءا المساعدة يا شباب

[M.shehata]

سالخير عليكوا يا خبراء يارب تكونوا بألف صحة وزى الفل

الله يباركلكوا ويارب أشوفكوا كللكوا حجاج لبيت الله ياريت حد يرد عليا من المجربين

هل فيه حد ممكن يعمللى وش زجاج ( زجاج مش بلاستيك ) للفوانيس بتاعتى ؟؟؟ فوانيس أمامية وخلفية وفوجات ؟؟

ولو فيه حد عملهم هل التجربة ناجحة ولا فاكس ؟؟؟

[Karim Ibiza]

يعنى عايز تلعب فى شكل الفانوس ولا الفانوس اتكسر ومش عايز تجيب واحد كامل؟

[sala7]

يعنى عايز تلعب فى شكل الفانوس ولا الفانوس اتكسر ومش عايز تجيب واحد كامل؟

في الحالتين يا باشا الخام اللي هيتعمل بيه الفوانيس عمرها ما هتكون جيده
اساسا الفوانيس الاصليه بتصفر و بتنقر على مر الزمن مابالك باللي متصنع محلي
مش كده ؟؟

[M.shehata]

يعنى عايز تلعب فى شكل الفانوس ولا الفانوس اتكسر ومش عايز تجيب واحد كامل؟

أيوه بالظبط يا أ. كريم .. الفانوس إتكسر ومستحرم أجيب فانوس جديد كامل لإن الفوانيس بتاعتها غالية أوى الصراحة .. وأنا مش محتاج فانوس واحد أنا محتاج طاقم أمامى وخلفى وفوجات

الفوانيس كلها بصراحة فى حالة يرثى لها

[Karim Ibiza]

أيوه بالظبط يا أ. كريم .. الفانوس إتكسر ومستحرم أجيب فانوس جديد كامل لإن الفوانيس بتاعتها غالية أوى الصراحة .. وأنا مش محتاج فانوس واحد أنا محتاج طاقم أمامى وخلفى وفوجات

الفوانيس كلها بصراحة فى حالة يرثى لها

طالما الفانوس اتكسر وانت مشيت بيه يبقى أكيد القمرة صنفرت بسبب العوامل الجوية وفى الحالة دى الاضاءة هتبقى زى قلتها وكأنك مولع شمعتين فى الفانوس

انا لما سألتك عن تعديل كان الهدف ان فيه ناس متخصصة فى الموضوع ده وبيعملوا الشكل اللى انت عايزه لأنك مش هتلاقيه جاهز فى السوق

بس فى الاول وفى الاخر عمر إضاءة الفانوس ما هاتكون زى الفبريكة

شوف كده اللينك ده
MODIFIED CAR LIGHTS || BASSEM TAHA - Home

ده شاب معانا فى المنتدى من المنصورة وفيه واحد زميلنا كان معاه ابيزا 2001 اتعامل معاه وبيشكر فيه

شوف تكلفة التعديل او حتى تكلفة الباغات لوحدها لو مش عايز تعدل وشوف الفوانيس استيراد بكام وشوف الفوانيس جديدة صينى بكام

[hnabil6]

للأسف مفيش عن تجربه… انا نزلت الحرفيين بس برده مفيش
السعر .. فانوس كامل امامي جديد 350 جنيه … فانوس امامي استيراد 200 جنيه .

[M.shehata]

للأسف مفيش عن تجربه… انا نزلت الحرفيين بس برده مفيش
السعر .. فانوس كامل امامي جديد 350 جنيه … فانوس امامي استيراد 200 جنيه .

ده فين يا باشا أبو 200 جنيه ده ؟؟ ياريت تدلنى عليه الله يباركلك

[ehab_mansour]

علي فكرة انتو بتتكلمو علي نوعين مختلفين من العربيات

الاخ صاحب الموضوع بيتكلم عن كوردوبا 2006 و الاخ اللي حطله الاسعار بيتكلم عن كوردوبا او ابيزا 2001 ... الاسعار مختلفة تماما في الموديلين
اما صاحب الموضوع فياريت تتقل جيبك و تنزل تشتري طقم استيراد اصلي بلمباته لكل الفوانيس و تشتري دماغك .

[hnabil6]

اسف للتأخر علي الرد ..
ان شاء الله حضرتك هتنزل الحرفين في شارع متفرع من شارع مرسيدس… اسمه شارع ابيزا… هناك هتلاقي الفانوس الي انت عاوزه… استيراد ب 200 جنيه واحسن وافضل من الجديد… . كمان خلي الراجل يخترلك واخد يكون ازازه جديد وبيلمع
الف مبروك مقدما

[M.shehata]

علي فكرة انتو بتتكلمو علي نوعين مختلفين من العربيات

الاخ صاحب الموضوع بيتكلم عن كوردوبا 2006 و الاخ اللي حطله الاسعار بيتكلم عن كوردوبا او ابيزا 2001 ... الاسعار مختلفة تماما في الموديلين
اما صاحب الموضوع فياريت تتقل جيبك و تنزل تشتري طقم استيراد اصلي بلمباته لكل الفوانيس و تشتري دماغك .

أ. إيهاب ربنا يديك الصحة والعافية لو تعرف ألاقى الفوانيس الإستيراد دى عند مين بالتحديد دلنى عليه ..ولو معاك موبايل حد منهم يبقى كتر خيرك لإنى دوخت عليهم فى الحرفيين فى شارع المرسيدس كله ملقيتش منهم غير جديد بس .