مشكلة السيستم بورش 92

[Tornado man]

السلام عليكم و رحمة الله و بركاته
لسة جايب ابيزا 92 سيستم بورش و مش لاقي ميكانيكي كويس ليها
و اتصلت بأغلب الناس اللي أنتم حاطين نمرهم و عنواينهم في موضوع قطع الغيار
و للأسف ولا واحد فيهم قالي انه شغال في السيستم بورش
و الحمد لله قطع غيار كتير لقيتها و بأسعار كويسة
بس مؤشر البنزين بايظ و عوامة البنزين اللي في تانك باظت و مش لاقيها خالص
فيا ريت لو حد عنده رأي في الموضوع ده يقولي أعمل ايه
و لكم جزيل الشكر

[sala7]

السلام عليكم و رحمة الله و بركاته
لسة جايب ابيزا 92 سيستم بورش و مش لاقي ميكانيكي كويس ليها
و اتصلت بأغلب الناس اللي أنتم حاطين نمرهم و عنواينهم في موضوع قطع الغيار
و للأسف ولا واحد فيهم قالي انه شغال في السيستم بورش
و الحمد لله قطع غيار كتير لقيتها و بأسعار كويسة
بس مؤشر البنزين بايظ و عوامة البنزين اللي في تانك باظت و مش لاقيها خالص
فيا ريت لو حد عنده رأي في الموضوع ده يقولي أعمل ايه
و لكم جزيل الشكر

سيستم بورش مش صعبة خالص .... اي ميكانيكي فيات يشتغل فيها و ايديه في الهوا
قطع الغيار يا تروح بورسعيد .. يا تشتري من موقع الشهير ebay

[Abo_Mazen]

هو أنا كنت عاوز أقول كده فعلا ..هي عربيه عاديه جدا في الميكانيكا بتاعتها ..يعني مفيهاش ألغاز من حيث حساسات وكنترول وكارته ..مفيهاش الكلام ده كله .يعني أنا في تقديري إنها عربيه زي الإكسيل مثلا

[Ma_eldeeb]

حببنا
العربية جميلة بس محتاجة حد بيفهم ومع احترام للأخوة اللى بيقولوا أي حد بيشتغل فيها دا مش صحيح
عموما أنا كنت اتعامل مع 2 مكانيكيا كويسين واحد في أرض اللواء والتاني في الحرفين هحاول اجيب لك أرقام تليفوناتهم بس ممكن أوصف لك طريقهم مؤقتا لو تحب
وقطع غيارها هتلاقيها إن شاء الله في التوفيقية وفيه محل في مصر الجديدة لكن مش متزكر اسمه اﻷن

[Ma_eldeeb]

وربنا يبارك لك فيها ويعطيك خيرها ويكفيك شرها
وعلى الرغم من صغر السعة اللترية إلا إن العربية بتجري

[Tornado man]

وربنا يبارك لك فيها ويعطيك خيرها ويكفيك شرها
وعلى الرغم من صغر السعة اللترية إلا إن العربية بتجري

الله يخليك و ربنا يكرمك
يا ريت توصف لي فعلا مكان الميكانيكية اللي في أرض اللوا و التوفيقية..
لأن ميكانيكية كتير بيقول لي احنا مش بنشتغل في السيستم بورش
و وديت العربية عند مركز بوش و بوظولي الصمام بتاع الزيت

و جزاك الله كل خير

[Tornado man]

سيستم بورش مش صعبة خالص .... اي ميكانيكي فيات يشتغل فيها و ايديه في الهوا
قطع الغيار يا تروح بورسعيد .. يا تشتري من موقع الشهير ebay

يا ريت أي ميكانيكي يشتغلل فيها ...للأسف بيقولوا الجملة دي..سيستم بورش مالناش فيه

[Tornado man]

يا ريت نمرة ميكانيكي سيستم بورش

[hossamalsadik]

جرب خالد عبيد كان بيشتغل فيها عمتا أسئله

http://www.nilemotors.net/Nile/365862-a.html

[Tornado man]

جرب خالد عبيد كان بيشتغل فيها عمتا أسئله
http://www.nilemotors.net/nile/365862-a.html

ألف شكر يا أخ حسام

[Tornado man]

مزنوق في عوامة لتانك البنزين في بديل من عربية تانية؟
تولف عليها

[Ma_eldeeb]

اولا اعتذر عن عدم الدخول الفترة السابقة لكنني كنت مشغول جدا

حبيبي أنا كنت زيك بس كنت مزنوق في طلمبة البنزين الموجودة اسفل السيارة وركبت لها طلمبة أوبل والحمد لله كانت زي الفل وجبتها من الوكالة

ثانيا بالنسبة للميكانيكي اللي في أرض اللواء انت بعد ما تعدي مزلقان السكة الحديد وتدخل أرض اللواء هتتجه يمينا هتمشي شوية هتلاقي كوبي للدائري هتدخل من قبله يسار بحيث يكون الكوبري على يمينك والمساكن على يسارك هتمشي حوالى 200 متر هتكون نهاية الكوبري اللي على الدائري قربت ويكون على يسارك جراج سيارات هتدخل في الشارع اللي على نصيته الجراج هو فى الشارع دا تقريبا العمارة الثامنة على اليسار ورشة صغيرة جدا اعمل حسابك تكون هناك بعد الساعة 5 العصر اسمه مجدي رزق

اللي في الحرفين انت هتدخل من عند موقف العاشر كأنك داخل على مدينة السلام وتمشي على طول لحد ما يجيك تقاطع اما تدخل يمين لمدينة السلام وإما تدخل يسار طبعا هتدخل يسار للحرفين هتمشي شوية هتلاقي ملف صغير بس غبي مجرد وا تخلصه هتدخل يسار وتسأل هناك أسمه أشرف الشروبرجي وهو اصلا شغال في الفولكس والجولف بس عنده خلفيه كويسة فى الايبزا

ويومين ولا حاجة ابعت لك ارقام تليفونتهم اصل انا تقريبا مخزنها على اللاب وهو عطلان اليومين دول

[Ma_eldeeb]

أقصد بالوكالة وكالة البلح ومحدش يفهمها غلط

[Tornado man]

اولا اعتذر عن عدم الدخول الفترة السابقة لكنني كنت مشغول جدا

حبيبي أنا كنت زيك بس كنت مزنوق في طلمبة البنزين الموجودة اسفل السيارة وركبت لها طلمبة أوبل والحمد لله كانت زي الفل وجبتها من الوكالة

ثانيا بالنسبة للميكانيكي اللي في أرض اللواء انت بعد ما تعدي مزلقان السكة الحديد وتدخل أرض اللواء هتتجه يمينا هتمشي شوية هتلاقي كوبي للدائري هتدخل من قبله يسار بحيث يكون الكوبري على يمينك والمساكن على يسارك هتمشي حوالى 200 متر هتكون نهاية الكوبري اللي على الدائري قربت ويكون على يسارك جراج سيارات هتدخل في الشارع اللي على نصيته الجراج هو فى الشارع دا تقريبا العمارة الثامنة على اليسار ورشة صغيرة جدا اعمل حسابك تكون هناك بعد الساعة 5 العصر اسمه مجدي رزق

اللي في الحرفين انت هتدخل من عند موقف العاشر كأنك داخل على مدينة السلام وتمشي على طول لحد ما يجيك تقاطع اما تدخل يمين لمدينة السلام وإما تدخل يسار طبعا هتدخل يسار للحرفين هتمشي شوية هتلاقي ملف صغير بس غبي مجرد وا تخلصه هتدخل يسار وتسأل هناك أسمه أشرف الشروبرجي وهو اصلا شغال في الفولكس والجولف بس عنده خلفيه كويسة فى الايبزا

ويومين ولا حاجة ابعت لك ارقام تليفونتهم اصل انا تقريبا مخزنها على اللاب وهو عطلان اليومين دول

ألف ألف شكر على الواجب ده
أنت مش هتصدق لو قلت لك أني مستني الرد ده و بخش شبه يوميا مستني الرد بتاعك
ربنا يجازيك خير

[Ma_eldeeb]

أعتذر لك للمرة الثانية على التأخير .......... لكن ذلك بسبب ظروف العمل

رقم مجدي رزق هو 01225376931 أرض اللواء
رقم أشرف الشوربجي هو 01003933009 الحرفين

ويارب تكون الأرقام لم تتغير فأخر تعامل كان من أكثر من 4 سنوات تقريبا
وربنا يسترها معاك ومعانا

وأشرف تقريبا ممكن يبعت لك حد شغال معاه لمكانك لو حبيت