سؤال مهم جدا

[ViLMoS]

انا الحمد لله سقطت ماكينة 1400 جديدة
المهم وانا ماشي في شارع زحمة يوم لاقيت العربية فجاة مخنوقة والار بي ام مش بيعدي 3 ولو دوست علي الاكسيلاتير للاخر يوصل الار بي ام لغاية 3 وينزل تاني والعربية تنتش وهي ماشية لازم اركن علي جنب وافصل العربية وادور تاني علشان تشتغل عادي

عملت معايا كدة في يوم مرة
وتاني يوم عملت كده بتاع 3 مرات
انا مش فاهم ايه ده وايه السبب

[hossamalsadik]

بوابه او كنترول
أكشف كمبيوتر

[ViLMoS]

مش طرمبة بنزين ؟

[sala7]

مش طرمبة بنزين ؟

ممكن تكون بوابه ، و ممكن تكون طرمبه ، و ممكن تكون كهربا ، و ممكن تكون تهريب في فاكيوم في تغزية ... و ممكن تكون حجات كتيره اوي .
و الفيصل هنا الفحص ، يبقا لازم نفحص
النقاش و الكلام في بداية اي عطل لا يفيد اطلاقا
بمعنى انك عندك مشكله لسه ظاهرة و ماحصلتش معاك مثلا قبل كدا
اول حاجه تعملها تفحص و بعد كدا لو مافيش حد اداك المفيد نتناقش و نشوف الحل ايه ، لازم تاخد خطوه اصلاح واحده على الاقل علشان ترجعلنا نتناقش و منقعدش نخمن كتير . علشان على الاقل نبقا سدينا خانه اصلاح واحده من ضمن باقي اراء الاصلاح المقترحة
و هديلك مثال على كلامي .. سعات بفحص كمبيوتر لعربية في تهريب تغزية (وقود)
الكمبيوتر بيطلع رقم عطل اتسجل على الكنترول .. الرقم ده معناه حاجه تانية خااالص غير تهريب وقود ،
تيجي تشوف الكود ده على البرنامج الخاص بالاعطال بيديلك الاسباب و بيكون مثلا فيه 6 اسباب للنفس الرقم
و يديلك 7 حلول
انما سعات بيكون الحل في حته تانيه خالص مش موجوده من ضمن ال 7 حلول اللي عطهالك البرنامج
لازم الفحص .. لازم
لازم العربية تكون قصاد عنينا علشان نحط ايدنا بسرعة ع المشكلة
تحياتي لك وانا متابع معاك نتيجه الفحص

[tiko_ibiza]

الموتور اللي انتا جبته معاه الكنترول بتاعه ولا ركبته علي الكنترول القديم ؟؟