ماذا تفعل لو كنت مكانى ؟

[m.s.zaky]

عندى عربية سيات انكا موديل 2003 - الموتور ديزل 1900 cc - الموتور عايز عمرة او اجيب موتور استيراد - المهم استقريت على موتور استيراد - لان انا غيرت طقم شنبر لموتورى وبعد 10000 كم الموتور رجع ياكل زيت تانى وعرفت بعد كده ان كل مواتير العربيه دى تغيير طقم الشنبر بيفشل فيها بخلاف ان تكلفة العمرة اغلى من تمن الموتور ومش عارف النتيجة
ومن هنا بدات الحيره بين موتور استيراد ديزل ولا بنزين جولف
اولا : الديزل
مميزاته : موتورها الاصلى - قوى - موفر جاز 260 كم / صفيحه داخل البلد يصل ل 300 فى الصفر
عيوبه : قطع غياره غاليه نسبيا ومش متوفره - مش اى ميكانيكى بيشتغل فيه - فشل تغيير الشمبر ليه ومش عارف ايه نظام العمره - وخايف اجيب استيراد يطلع عايز شامبر تبقى كارثة
ثانيا البنزين
مميزاته : قطع غيار ارخص نسبيا - الى حد ما ميكانيكية اكتر بتشتغل فيه - سهوله تغيير شورت بلوك لو احتاج شمبر - العربيه انعم من الديزل
عيوبه : استهلاك اعلى للوقود - غالبا بنزين 92
ارجوا مشاركة الاراء للوصول لاحسن اختيار - وجزاكم الله خيرا

[محمد بلال]

البنزين

[Karim Ibiza]

زمان كان الكل بيغير من ديزل لبنزين
لكن دلوقتى بعد ارتفاع اسعار البنزين بقى صعب انك تعمل كده خصوصا ان دى عربية شغل واستهلاكها عالى وهتحتاج موتور مش اقل من 1600 عشان يديك نفس القوة اللى كنت بتاخدها من الديزل ولو ان برده مش هيديك نفس عزم الديزل

لو لقيت موتور ديزل استيراد يبقى احسن ليك طبعا

[m.s.zaky]

شكرا للردود
انا ميال للديزل ولكن خايف اجيب موتور يطلع مش كويس - لو فى معلومه عن الديزل الاستيراد من حيث الكفائه يا ريت

[Karim Ibiza]

مواتير الديزل اللى بتنزل فى الإنكا كلها 1900 ولكن فيه منها تربو وده بيطلع 90 حصان وفيه منها عادى وده بيطلع 64 حصان

لازم يكون معاك ميكانيكى ويتفق مع التاجر انه ياخد الموتور على التجربة

[sala7]

مع ان المواتير الديزل صيانتها تقيله جدا و صعبة و ملعبك ، الا ان الاوربيين يعتمدوا عليه جدا
عن نفسي افضل الموتور البنزين علشان صوته انعم من الديزل و طلعته اسرع صيانه اسهل و اسرع . لكن عاوز اقولك النصيحة
1- ارجع لاصل موتور عربيتك .. يعني مثلا لو كان 1000 cc ساعة التسقيط في حاله خرابه ترجع تسقطه هو نفسه ، و ده لان الميكانيكيه الاغلبية واخد الميكانيكي بالمتر .. يعني ياريته واخده حتى عن فهم . (القصد من كلامي لو كان موتورك ديزل 1000 هاته نفسه ديزل 1000 - لو كان بنزين يبقا بنزين) بنفس سنه الصنع و المديل و كله

2- العمرة عموما لها اصول و لها قوانين يفضل اتباع هذه القوانين ..( ده لو انت هتعمر موتورك القديم) ، تعرف القوانين و الاصول دي عند مهندس ميكانيكا بيشتغل في نفس العربيات (وليكن مركز صيانه معروف - او ميكانيكي متمرس مشهور)

3-لما تكون عاوز تسقط موتور غير موتور عربيتك قبل ما تنزل تدور على الموتور دور على الميكانيكي الاول

واجب عليا النصيحة .. لكن اللي يريح حضرتك اعمله