عداد السرعة بس الي شغال

[MOM_86]

السلام عليكم
محتاج مساعده في اسكندرية , عداد السرعة عندي بس الي شغال في عربتي و العدادت التانية كلها واقفه و الاشارات مهنجه روحت لاتنين كهربائية و كله بفتي , واحدي قالي الكبلات عندك عامله قفلة

جبت عداد استعمال و جربت و نفس النتجية

انا عايز كهربائي بيفهم يا رجال في اسكندرية ضروري http://www.nilemotors.net/Nile/images/smilies/shyy.gif

[Karim Ibiza]

موضوع تهنيج الاشارات ده سببه ان فيه تلميس وفى الغالب بيكون فى الخريطة بتاعت الفانوس الخلفى

بالنسبة لمشكلة العدادات فى الغالب هتكون المشكلة فى الفيشة بتاعة العداد

فيه كهربائى شاطر قوى فى شارع محمد نجيب فى سيدى بشر اسمه عبقرينو بس هو بيحب يجعلص الشغلانة لكن فى النهاية هو شاطر جدا

[MOM_86]

شكر كريم باشا , متعرفش فين بالظبط في محمد نجيب

سؤال تاني معلش هو ينفع اجيب ظفيره كاملة للعربية دي عشان ابقي جددت الكهرباء بتاعة العربية و ابقي ريحت نفسي من القفلات كلها ؟

[Karim Ibiza]

طبعا الافضل انك تجيب ضفيرة بس اعتقد ان ضفير الـ 1300 قليلة شوية

عموما لما تروح لعبقرينو هيبقى جنبك عدس بتاع الاستيراد عند نفق جمال عبد الناصر
ممكن تبقى تسأل عنده

[MOM_86]

شكرا كريم و جزاك لله خير :)