الفتيس ال dsg ؟؟؟؟؟؟؟؟؟

[خالد زغدان]

بالنسبة للفتيس ال dsg يا جماعة

عامل ايه معاكم ؟؟

انا هتجنن

ناس تقول حلو جدا و مافيش مشاكل و ناس تقول باظ مننا !
انا نفسى اجيب الليون من بكرة بس قلقان من الفتيس خصوصا انى احتمال كبير أعدل حاجات فى العربية و تخرج من الضمان

نصايحكم

[egyption2012]

ادخل على قسم فولكس وستجد موضوع مثبت يتحدث عن الفتيس بشكل علمي ان شاء الله
وحاول البحث عن كلمة dsg في المنتدى

[yasser100]

الفتيس ده كويس بس تستخدمه على مود المانيوال فى الزحمه و داخل المدينه و اتوماتيك فى السفر . مش هاتلاقي منه مشاكل لو استخدمته بالطريقه دى .

[kofta]

الفتيس ده كويس بس تستخدمه على مود المانيوال فى الزحمه و داخل المدينه و اتوماتيك فى السفر . مش هاتلاقي منه مشاكل لو استخدمته بالطريقه دى .

حتى فى الجديد الـ 2014 و 2015 ؟؟؟؟

[yasser100]

حتى فى الجديد الـ 2014 و 2015 ؟؟؟؟

2014 و 2015 اتحسن كتير . بس اعتقد انه الاساس موجود لانه ده من التصميم القائم عليه الفتيس انه يعمل بكفاءة سحب المانيوال بس اوتوماتيك نظام اسطوانه و ديسك .ديوال كلاتش .

[AHMEDJUDDY]

يا برنس متوجعش دماغك و ناس تقول اتصلح وناس تقولك بايظ
وتيجي تبيعها بعد شويه تلاقي الناس خايفه تشتريها
ومش هدفع فلوس علشان اقلب مانيوال في الزحمه
دي العربيات التقفيل المصري اوتوماتيك
قوم انت تدفع المبلغ ده وتقلب مانيوال
وفي السفر تجيب اوتو ... هو الواحد بيسافر قد ايه مقارنه بالمشي جوا البلد
... هذا رايي ولك انت الاختيار .

[kofta]

2014 و 2015 اتحسن كتير . بس اعتقد انه الاساس موجود لانه ده من التصميم القائم عليه الفتيس انه يعمل بكفاءة سحب المانيوال بس اوتوماتيك نظام اسطوانه و ديسك .ديوال كلاتش .

طالما اتحسن فى الموديلات الحديثة يبقى اكيد اتظبط بحيث انك تمشى على d على فى الزحمة برضو ولا ايه ؟

[yasser100]

طالما اتحسن فى الموديلات الحديثة يبقى اكيد اتظبط بحيث انك تمشى على d على فى الزحمة برضو ولا ايه ؟

مش عارف بس لو عايز رأيي انتظر حتى انتهاء الموديل ده تماما . كلها سنه و ينزل الجديد . المفروض يكون الموضوع ده انتهى تماما . الناس اللى شغاله زى ما قلت لك بطريقة التشغيل دى ما فيش عندها مشاكل . هو كفتيس ما فيش فيه مشكله لكن دى طريقة تشغيله و اساس تصميمه يعنى مش عيب فيه . لو عندك استعداد تستخدمه كده اتكل على الله .

[kofta]

مش عارف بس لو عايز رأيي انتظر حتى انتهاء الموديل ده تماما . كلها سنه و ينزل الجديد . المفروض يكون الموضوع ده انتهى تماما . الناس اللى شغاله زى ما قلت لك بطريقة التشغيل دى ما فيش عندها مشاكل . هو كفتيس ما فيش فيه مشكله لكن دى طريقة تشغيله و اساس تصميمه يعنى مش عيب فيه . لو عندك استعداد تستخدمه كده اتكل على الله .

هيغيروا تصميم الفتيس كله ولا هيعملوا ايه جديد ؟

[abohend]

ملوش لزمة

فتيس اوتو يجب تحويله للمانيوال في الزحمة
لزمته ايه؟؟؟؟؟!!!
يبقى اشتري عربية مانيوال أحسن

بلاش كلام فاضي
ابعد عن الdsg تماما

[yasser100]

فتيس اوتو يجب تحويله للمانيوال في الزحمة
لزمته ايه؟؟؟؟؟!!!
يبقى اشتري عربية مانيوال أحسن

بلاش كلام فاضي
ابعد عن الdsg تماما

بس خللى بالك حتى لو قلبته ما نيوال ما فيش استخدام لمجهود الضغط على الدبرياج مجرد خبطه صغيره بايدك . مقابل تسارع و سحب قوى و على فكره لمعلومات الجميع المفروض تحويل الفتايس الاوتوماتيك كلها لمانيوال فى الزحمه . همه حطوا ليه مود المانيوال فى الاتوماتيك ايا كانت انواعها ؟ الزحمه و السخونه بتقضى على الفتيس و بتقصر عمره . علشان كده بتلاقى الفتايس الاتوماتيك بتطير بسرعه فى العربيات فى مصر او بتقل كفائتها مع الوقت لانه احنا بنحطها على مود الاتوماتيك فى كل الظروف .

علشان تحافظ على الفتيس اقل الايمان تحطه على ال n فى حالة الوقوف لمده طويله فى الزحمه .

[hugan]

ابعد عنه
صديق لسه شاري سكودا
الفتيس شيع علي 20 الف
واتغير في الضمان بعد شهرين من رمي العربيه في التوكيل
صاحبها هايبيعها