إعـــــــلان

Collapse

.

,
See more
See less

استفسار عن موتور العربيه ارجو الرد ضرورى

Collapse
X
 
  • Filter
  • الوقت
  • Show
Clear All
new posts

  • استفسار عن موتور العربيه ارجو الرد ضرورى

    إخوتى الأعزاء
    تشرفت بانضمامى إلى اسره السيات بس بدايه شكلها مش حلو خالص
    انا اشتريت العربيه من 3 ايام سيات توليدو 2001 كامله اوتوماتيك صيانة وكيل بالفواتير و الكتالوجات فابريقه بالكامل و عدادها 101000 كم
    أخدت العربيه و كنت فرحان بيها جدا
    نزلت النهارده علشان اعمل سيرفس للعربية و اغير سير كاتينه و بوجيهات و فلاتر بس للاسف كانت الصدمة الكبرى
    الصنايعى اول ما فتح غطاء زيت الموتور و مقياس الزيت لقينا دخان أو بخار طالع من الموتور فقال لي كده الموتور خفيف و بياكل زيت
    طبعا اتصدمت صدمة ربنا العالم
    قال الحل هو تغيير الموتور احسن من فكه و عمل شنبر لأنه مش هيعيش
    مع العلم أن الموتور صوته هادى جدا و ناعم جدا و اداء العربيه رائع فى السحب و التكييف
    نزلت الحرفيين سألت قالوا لى ان فى مواتية ألومنيوم 1600 سى سى زى اللى فى العربيه و ممكن مواتية 2000 سى سى من الزهر و دى بيكون فيها أنها بتتحمل درجات الحراره العاليه و لن تحتاج سوى التركيب فقط يعنى هتركب على ضفيرة العربيه و الكنترول بدون اى تعديل نهائيا
    فأنا محتار و مش عارف اعمل ايه و لا عارف اخد قرار
    رأيكم ايه ساعدوني

  • #2
    ممكن تكون روحت لصنايعى حمار , اعمل السيرفس بتاعك وحط زيت كاسترول ماجنيتيك 10,000 كم وراقب العربية وإن شاء الله تكون بسيطة ومفيش الكلام ده

    Comment


    • #3
      انا روحت لورشة هانى اللى خلف حديقه بدر
      و بعد كده وديتها المركز الهندسى اللى فى الحرفيين
      و كل ما احكي اللى حصل و يفتح غطاء الزيت أو يرفع مقاس الزيت تلاقى دخان بخار طالع
      علما بأن اللى انا شارى منه العربيه الله لا يسامحه قال إنه مغير الزيت من 500 كم و حاطط كاسترول 5000 كم يعنى الزيت لسه جديد
      انا مش عارف اعمل ايه و الدنيا اسودت فى عينى بعد ما كنت فرحان بيها
      افيدوني يكرمك الله

      Comment


      • #4
        كاسترول بدون مبالغه من اجود انواع الزيت اللى موجوده فى العالم
        ولكن عن تجربه زيت كاسترول بيتضرب وبيتعبى تحت بير السلم هنا فى مصر بعلم ادارة كاسترول وللأسف كان عندى تجربه مريره مع الموضوع ده
        جرب زيت شل الاول أو حتى موبيل
        واللى يقولك ان مفيش شل - ده كلام هجص - كلم خدمة العملاء وهما يقولوا لك اقرب مركز خدمه ليك فين
        [SIZE=4][COLOR=navy]أبو مروان -------- أسألكم الدعاء لوالدتى بالشفاء ..... يا رب[/COLOR][/SIZE]

        Comment


        • #5
          جرب الأول تغير الزيت والفلتر وتحط زيت كويس وبعدين لو فضل الحال كما هو عليه تشوف الأول حاجه إسمها PCV وده بلف موجود علشان يسرب الضغط الزيادة فى الكارتير Positive Crank case valve يتفك ويتنضف هو و الخراطيم بتاعته أو يتغيروا لو بايظين ومسدودين.
          لو الموتور بياكل زيت ممكن تفك البوجيهات وتشوف عليها زيت ولا لأ وكمان حتلاقى الزيت بينقص.
          بس قبل ماتقرر إنه الموتور جرب الأول تشوف الـ PCV
          amadios سابقا

          Comment


          • #6
            انا متشكر جدا لاهتمامكم و ردكم
            بس ارجوكم هل فعلا الكلام ده عن تجربه و لا هاروح ادفع تمن زيت نظيف غالى و فلتر و مصنعيات و بعدين الاقى الفلوس دى اترمت فى الأرض
            هل فعلا حد ممكن يكون أتعرض لموقف مشابه و اتحلت بعد كده بطريقه سلميه
            ساعدوني لانى فعلا مزنوق و يا رب استر
            مع العلم أن العربيه فعلا لحد سنة 2011 كانت عامله 34000 كم و ده مثبت فى فواتير التوكيل و كلها كانت صيانة مافيش أعطال
            مع العلم أن ثرموستات الكوع متشال و طبعا عاوز اشتريه و اركبه بس نفسى وقفت لحد ماعرف هامة ايه فيها العربيه دى
            يااااااا رب استر

            Comment


            • #7
              السلام عليكم
              أولا أهلا بيك معانا فى اسرة سيات نيل موتورز
              ومبروك العربيه ربنا يبركلك فيها
              فى جميع الاحوال شايف انك تمشى بعربيتك بمتورها زى ماهيا لاحد مايجيب اخره واستمتع بيها أنتا معندكش سحب ضعيف او دخنه جمده من الشكمان او الماتور مبرجل معاك فماتقلقش نفسك

              عوزك تغير الزيت والفلتر واهتم بالنوعيه الجيده ومن مصدر موثوق فقط و أن شاء الله تظبط

              تحياتى
              ماشاء الله كان وما لم يشأ لم يكن
              SEAT IBIZA 2000 MK3 (6k2)ALD Engine 1.0 8v MPI
              [SIGPIC][/SIGPIC]

              Comment


              • #8
                ادق الاجايات وانسبها… اجاية حسام
                فعلا امشي بالعربيه ادام مفهاش مشاكل حاليه ومتفتحش علي نفسك فتوحه عن الميكانيكي… وان شاء الله هتمشي معاك كويس بس فقط اهتم بتغير زيت نظيف

                Comment


                • #9
                  يعنى ماغيرش الموتور يا جماعه و إريك دماغى
                  مع أن اللى هيجننى أن صوته حرير و السحب و التكييف ممتاز و مافيش دخان من الشكمان
                  بس ملحوظه أن أوقات ما تدورش على طول خصوصا و هى سخنه فقال لى انه ممكن تهريب حبس
                  مش عارف اعمل ايه فى الحيره دى هل أسيبها و لا اعمل شنبر و لا اغير الموتور
                  و هل اعمل سيرفس و لا خساره الفلوس اللى هتتدفع

                  Comment


                  • #10
                    اعمل السرفيس العاديه .. وبأمر الله هتمشي زي الفل

                    Comment


                    • #11
                      والله في رأي إتقال زي الحلاوه ..ورأي رخيص ومش هيكلفك غير عشرة جنيه ..فك البوجيهات ..شوف عليها زيت ولا لأ ..العربيه اللي بتاكل زيت هتلاقي البوجيهات معرقه ..جرب وشوف يا سيدي ..قبل حتى ما تغير زيت ولا فلاتر ولا الغلبه دي كلها
                      [SIGPIC][/SIGPIC]--------

                      m_m_sh_a سابقا

                      Comment


                      • #12
                        طالما السياره سحبها كويس زى ما بتقول والصوت ناعم والعربيه بتأدى كويس غيرلها الزيت قبل ميعاده بشويه والفلتر مع كل غيار وبأذن الله الدنيا حتبقى تمام

                        انا برشح زيت شيل hx7 7000 كيلو وده الزيت شيل الوحيد المعبأ اتحاد اوربى

                        بالتوفيق
                        seat cordoba 6k 1.6 ALM 75HP

                        Comment

                        Working...
                        X