ليون 2015 كوبيه .

[AHMEDJUDDY]

السلام عليكم ورحمه الله وبركاته
امبارح كنت في شارع التسعين وشوفت خير الله ما اجعله خير ليون كوبيه . وجري من جنبي وحلفت لاحصله وده فقط علشان اتأكد انها سيات ليون وكوبيه . وفعلا جبته في حته زحمه وخصوصا اننا كنا بالليل . وفعلا
طلعت ليون لونها احمر فيها زينون وليدات وفاميه وفتحه سقف وتقريبا الفتحه بانوراما .
فأتصلت بالتوكيل اليوم وسألت عليها وفعلا لاقيتها وهي فئه واحده نازله هاي لاين بسعر 205 الف جنيه
بس الصراحه العربيه باللون الاحمر وكوبيه والكماليات اللي فيها حاجه تخبل العقل والجنوط اعتقد 17
والكاوتش بتاعها عريض تقريبا من 215 الي 225 .
والتسارع بتعاها ما شاء الله مع انها 1200cc معرفتش اجيبه الا لما هدي في الزحمه
او هو مكانش بيشد . كان ماشي هادي شويه . ورأيي النهائي للعربيه دي لما شوفتها احلي من الجولف7
مش بتكلم عن اداء و ارقام بتكلم عن شكل وكماليات مقابل فلوس .
وشكراااااااااااااا

[ARKOON]

حد يدفع في سيات 200 الف !!!
دا على اساس ايه ؟؟؟!!!
العربية تحفة فنية ومقلناش حاجة بس العربية مش لمصر ولا طرقها ولا زحمتها بفتيسها ال 7 سرعات .

[mhmd_farouq]

الليون جميله الناس كانت خايفه من موضوع الفتيس بس لحد دلوقتي مفيش منه شكاوي تذكر كان فيه احد الاعضاء المحترمين عامل موضوع عنها لو عايز تاخد فكره .. بس انا ميولي الشخصيه انها غاليه حبتين وخللي بالك من موضوع الكوبيه في اعاده البيع .. بس هي تحفه الصراحه

[AHMEDJUDDY]

والله يا جماعه انا حاسس انها غاليه حبتين فعلا . انا بس شكلها عجبني
لكن انا عن نفسي لو معايا ال200 الف هفكر في اختيار اخر عائلي لانها بصراحه مش واسعه اوي
حتي السيدان منها برده مش واسعه
انا بال 200 الف ادفعهم مقدم واقسط الباقي واجيب بيجو 508 الفيس لفت
برده شفتها وكانت تحفه فنيه وعائليه
الليون ممتازه بس شبابي اكتر منها عائلي . وموضوع الفتيس ده سمعت انه اتحل
وحتي لو متحلش . المشكله في الزحمه ولما تكون في زحمه هات الs مود لحد ما تطلع منها وارجع علي ال d كل اللي معاه dsg بيقول انه فتيس عبقري دونا عن مشاكله .

[ahmed.Elashy]

حرام ادفع ميتين الف باكو ف موتور ميه وخمسه حصان ... الموتور لو اترفع هتبقي مالهاش حل

[Mohamed.Ramah]

العربية شكلها جميل فعلاً وهى النسخة Seat Leon SC

[AHMEDJUDDY]

العربية شكلها جميل فعلاً وهى النسخة seat leon sc

الله يكرمك يا شيخ . هي دي اللي انا شوفتها بس انا متأكد انها كانت بفتحه سقف بانوراما
هو احنا كنا بالليل والعربيه مش باينه اوي بس انا شفت الزجاج بتاع البانوراما فوق السقف وواصل
لحد الاريال الخلفي .

[hossamalsadik]

نسخة السقف البانوراما من seat leon sc
SEAT LEON SC Panorama-Glas-Schiebedach



Four doors

European version


Greetings

[M.Elwan]

[minagold]

حرام ادفع ميتين الف باكو ف موتور ميه وخمسه حصان ... الموتور لو اترفع هتبقي مالهاش حل

الموتور الاكبر بينزل ١٨٠٠ فى ال fr و دة بيكون ١٨٠ حصان
و الكوبرا بينزل ٢٠٠٠ و بيكون ٢٨٠ حصان
انا جربت الكوبرا و الصراحة العربية دى اختراع و قوة مش طبيعية و شكل الموتور تحفة فنية بس نرجع لبلدنا و جماركنا الحلوة اللى مش هتخلينا نشوف الكلام دة ابدا طبعا

[stalky911]

حرام ادفع ميتين الف باكو ف موتور ميه وخمسه حصان ... الموتور لو اترفع هتبقي مالهاش حل

حضرتك الحسبة مش كدا خالص!!!! ال 105 HP دا اقوي بكتييييير من مثلا الالنترا ال 136 HP

Torque for Seat Leon 175 Nm @ 1400-4000 RPM
Torque for Hyundai Elantra 159 Nm @ 4850 RPM

اول حاجة كدا التورك بتاع الليون اكبر من الالنترا بكتير من اول ال 1400 ٌRPM انما الالنترا بتوصل لاعلي تورك علي 5000 RPM
طب ايه فيدت التورك العالي ممكن كدا بالبلدي نقول انك علي دوست بنزين خفيفة جدا تاخد تسارع عالي حتي لو شايل حمل كبير !!!
نيجي نشوف التسارع
Seat Leon 1.2TSI ACCELERATION 0-62 MPH (0-100 KPH)9.9 s
Hyundai Elantra 1.6 ACCELERATION 0-62 MPH (0-100 KPH)11.6 s

Seat Leon Top Speed TOP SPEED 121 mph OR 195 km/h
Hyundai Elantra Top Speed TOP SPEED 121 mph OR 195 km/h

بس كدا.... حضرتك سوق الموتير دي و شوف الفرق !!! و انا في شايف من وجهة نظري المتواضعة ان سعر العربية كويس نظرا للعربيات الكوري التانية (بتكلم علي الليون العدية)