استفسارات عن ابيزا 2001

[amr zaid]

انا عندي ونة مع صوت الماتور ( الف سي سي )
لما ازود تزيد وملهاش علاقة بالفتيس خالص
السؤال بقي ؛ ممكن حد يعدد البلي الموجود ف الماتور؟ يعني بلية الكاتينة وايه تاني؟
وايه احتمالات الونة دي؟
الفرش الداخلي للابواب فيه شوية فبر .... الفبر ده فيه حجات مكسرة ممكن حد،يقولي بتيجي منين؟
لو حد يعرف مكان معين ف الحرفيين او الوكالة بيع الحجات دي لوحدها من غير الفرش كامل؟
تالت حاجة ؛
كان فيه حد من الاخوة الافاضل كتب عن ورش في عابدين بتصب اكر الابواب الومنيوم
ممكن عنوان الوش دي بالتفصيل؟
واسف ع الاطالة

[hossamalsadik]

الونه ممكن تكون بلية كاتينه ممكن تكون بلية دينمو ممكن تكون بلية او قلب طرمبة الباور
الفبر مشكلة كل الى اعرفه انه مابيطلعش غير بالفرش عمتا دور فى الجديد عند الصفا فى التجنيد
فتح الباب برمسيس ولما تنزل الحرافين خدللك جوله كامله ممكن تلاقى حد يطلعه من الفرش أو يعنى يكون عامل الفرش للى عاوز منه حاجه
هوصفلك واحد كنت من قريب خد منه غطاء السماعه وديه قطعه مهمه فأكيد هيطلع الباقى
فى شارع الجولف فى عندك الشرقاوى قطع غيار جولف ابيزا مش ده فى شارع فى وشه مباشره تمشى فيه لاخره فى جامع فى الوش بص يمينك هوا ده المحل
للاسف اسمه تاه عن بالى بص الوصف كافى ان شاء الله

بالنسبه للاكر وورش صب الالمونيوم هتنزل عابدين شارع مجلس الامه وهناك هتسأل اى ورشه هيشورولك عليهم
( فى شارع مجلس الامه دار مناسبات فى شارع جنبها فى اوله ورشة خالد الميكانيكى وقصاده جامع تمشى فيه على طول ونتا ماشى هتلاقى الورشه على ايدك اليمين )

[amr zaid]

اولا متشكر جدا لاهتمام حضرتك وسعيد جدا بالمعلومات دي
بس عندي سؤال معلش
انا كده كده هسرفس ع العربية اول الشهر وهغير سيور وفلاتر وبلية الكاتينة
وطبعا لو صوت الونة استمر يبقي مش بلية الكاتينة
والسؤال هو ؛ هل بلية الباور او قلب الطرمبة بيتباعو لوحدهم وف حدود كام؟
علاوة ع اني ملاحظ ان الباور تقيل سنة عندي فعلا
عن عربية اخويا الفيرنا كتييير
معرفش بقي باور الابيزا تقيل بطبيعته ولا المشكلةعندي
واسف ع الاطالة

[hossamalsadik]

العفو الشكر لله
طرمبة الباور بتباع على بعضها وسعرها 250 ج إستيراد وجديد فى حدود 500ل 600 صينى والمانى 1050ج
الباور بتعنا فى الابيزا 2000-02 كويس مش تقيل ولاكن مش زى اليابانى لانى سوقت الهوندا كمثال وكان بورها اخف بكتير
وده راجع لحجم طرمبة الباور وقوة البار بتعها
وبالنسبه لزيت الباور ممكن تحط جنك العبوة الصفراء وده شغال والغالبيه العظمى بتستخدمه وسعره 50-60ج والزيت لونه ابيض ولاكن لو عاوز العبوه الاصليه المعتمده من فولكس فديه هتلاقيها عن الشهابى ب240ج والزيت لونه اخضر فاتح
أنا حاطت صورته فى موضوع تجارب الأعضاء لقطع الغيار

http://www.nilemotors.net/Nile/341028-a-18.html

وملحوظه : بالنسبه للون الزيت مش كل زيت ابيض او اخضر يبقى مطابق للمواصفات ويبقى زيت باور او فتيس واستعمله لمجرد تطابق اللون الزيوت لها موصفات ببتكتب فى كتالوج العربيه وببتكتب على العبوه الى بتشتريها