مساعدة فى لمبة الصالون

[motazgamal]

العربية ابيزا 98 عندى لما بعمل المفتاح على انة ينور لما الباب يكون مفتوح بيفضل منور حتى لما الباب مقفول و مبيقفلش جربت فصلت كل المفاتيح و غيرتهم ب70ج و نفس المشكلة موجودة ان النور يفضل منر فى حالة ان الباب مقفول او مفتوح اية الحل يا رجالة خايف اروح لكهربائى يقعد يعك و يقطع فى الضفيرة

[aymanshebl]

اتاكد ان سويتش الابواب سليم و مش بايظ اللى هو مسئول عن نور الصالون

[motazgamal]

و دة اعرفة منين هو لو جبتة على الوضع اليمين ينور و لو شمال بردة ينور يعنى بينور فى الحالتين

[SYD]

أتأكد ان الزراير بتاعة الأبواب كلها راكبة صح وانك موصل الأرضي بتاعها صح
دة اولا
ثانياً جرب تقفلها بإيدك بدل ما تعتمد علي انك تقفلها بالباب
ولتجربة الزراير هتبدأ بفكهم كلهم - هتلاقي النور انطفأ
هتركب اول واحد وتجرب تقفل الباب - لو النور ماقفلش اقفله يدوي بصباعك بدل الباب - وانتظر 5 ثواني لأن الصالون عندنا فيه ديلاي - مش اول لما بتقفل الباب النور بيطفي
لو حصل والنور طفي اعرف ان العيب في الباب - هتحط اي حتة كرتونة وتطبقها وتلزقها في الباب مكان ما بيلامس الزرار ولما تقفل الباب هتلاقي النور طفي - بس ياريت تكون ظابط سمك الورقة علشان لما الباب يقفل نص قفلة تلاحظ كدة من نور الصالون

تحياتي

[motazgamal]

شيلت الزراير كلها و بردة منور المفروض لما اشيل كل الزراير يطفى لا دة بردة منور وانا عامل المفتاح على وضع الباب

[aymanshebl]

طب اتاكد ان اللمبة مش واخدة ارضى

[motazgamal]

ازاى اعرف

[aymanshebl]

دى بتبقى عايزة افوميتر او مفتاح تست علشان تعرف المشكلة

[hossamalsadik]

اللمبه عندك وخده ارضى أكيد
كده لازم تفك فانوس الصالون وتمشى ورا السلك
وتفك سلوك كل باب وتمشى ورا السلوك
لحد ماتوصل للسيلك الى واخد الارضى
موضوع طويل فعلا أنصحك توديها لكهربائى طويل البال ونضيف