استفسار عن ابيزا ٢٠٠٠

[mohamed shawky]

صباح الفل على اهل المنتدى الكرام
معروض عليا ابيزا موديل ٢٠٠٠
فبريكة دواخل رشة بره
على كلام صاحبها العربية سليمة بالكامل لكن فيها مشكلة في الفتيس وصاحبها قالي انه هيغير الفتيس قبل ما يبيعها
انا لسه ما كشفتش عليها
ولكن عاوز اعرف هل تغير الفتيس ممكن يسبب مشاكل بعد كده
وهو طالب فيها ٤٥٠٠٠ هل الابيزا في الموديل ده سعرها كده معقول ؟
والف شكر مقدما

[SYD]

تغيير الفتيس مفيش منه مشكلة ان شاء الله
بس سعرها عالي شوية
لو تنزل ل42 يكون كويس بشرط انها سليمة وكل حاجة فيها شغالة

تحياتي

[mohamed shawky]

الف شكر لرد حضرتك ولكن هل عند الكشف في شيء معين اركز عليه بخصوص الابيزا ولا الكشف العام وخلاص .. معلش السؤال غريب بس انا اول مرة اشتري ابيزا وزي ما حضرتك عارف كل موديل ووفيه خباياه وده بالاضافة لتحذير العديد من الاصدقاء من الابيزا ان لو طلع فيها عطل كده ولا كده هتدوخني السبع دوخات

[SYD]

لا سبع دوخات ولا حاجة
كل ماهو نالك أكشف عليها كمبيوتر وتأكد ان مفيش أعطال
بجانب طبعاً الدواخل والأساسيات
وتأكد ان مفيش كباري وشغل العك بتاع الكهربائية

تحياتي

[hnabil6]

طبعا اهم حاجه اساسيات العربيه… شاسيه سليم قوايم سليمه صالون نظيف
ثانيا المكنه لو ماكنتة العربيه 1000 cc هتتاكد من حاجتين اولا كبس الماكنه ثانيا تتاكد بالكشف عند ميكانيكي بالاخصصص.. يبصلك علي البساتم فيها تعريق زيت ولا لا
ان شاء الله بالتوفيق

[hossamalsadik]

ماتخفش من الابيزا الموديل ده جميل وهوا معيا شخصيا أهم حاجه
أكشف وعند متخصص فولكس ويفضل الناس الى حافظه الموديل ده يكشفلك عليها كمبيوتر وميكانيكا وحالة الضفيره
أما بخصوص الميكانيكا وقطع الغيار فمتوفره ماتقلقش
واى استفسار تحت امرك

[mohamed shawky]

ألف شكر لكل الناس المحترمة الي ردت عليا وجزاكم الله خيرا