إعـــــــلان

Collapse

.

,
See more
See less

مشكلة حرارة ومش عارف اعمل ايه

Collapse
X
 
  • Filter
  • الوقت
  • Show
Clear All
new posts

  • مشكلة حرارة ومش عارف اعمل ايه

    كان عندي مشكلة بقالها اسبوع اني كل ما امشي بالعربية تعلي درجة حرارتها والاقي المؤشر عدي ال 90 بشرطتين او 3 وساعتها بقف علي طول وافتح العربية الاقي الميه بتغلي جوة القربة بس بتكون موجودة مش ناقصة ولا حاجة .... انا عارف انه ممكن يكون العيب من الردياتير او ترموستات الكوعة بس انا حاسس ان مش دة العيب وام العيب من حساس الحرارة لأن قبل الموضوع دة بأسبوعين كان كل شوية لمبة الحرارة في المؤشر تولع و تدي انذار والاقي حرارة العربية مفيهاش حاجة وكانت ساعات بتولع و تدي انذار والعربية مطفية وباردة كمان فواضح ان لمبة مؤشر الحرارة مهيسة وهي السبب فلو سمحتوا كنت عايز اشوف كهرباءي كويس متخصص في العربيات الفولكس والابيزا بس يكون شاطر و متجرب و يكون غير رشاد عشان مواعيد رشاد مش منسباني و مش مهم هو موجود فين المهم يكون شاطر و فاهم في عربياتنا
    [SIZE=4][SIZE=3]Gerges Atef - HR at National Bank of Egypt[/SIZE]
    Seat Ibiza MK3[/SIZE] (6k2) 2002 - Engine 1.0 8v MPI

  • #2
    انا عندى المؤشر بيبقى ثابت على 90 بس بفتح القربة لاقيت المية بتغلى مش عارف ده كده مظبوط ولا غلط
    فى واحد عند القصر العينى عند مسرح فيصل ندا اسمه عربى اسمع انه كويس وفى واحد تانى اسمه احمد كنافة ف جسر السويس عند كوبرى التجنيد برضه بيقولو كويس انا هروح عند عربى يظبطلى شويه حاجات ف الكهربا هجربو واقولك
    :helloogreen:
    (( سبحان الله عدد خلقه ورضا نفسه وزنة عرشه ومداد كلماته ))[SIZE="6"][SIZE="5"][SIZE="4"][/SIZE][/SIZE][/SIZE]
    Ibiza 94 1.3 Carb A.C P.S[SIZE="6"][/SIZE]

    Comment


    • #3
      ممكن دورة المياة يكون فيها هواااا

      ممكن ثرموستات الكوعة

      معتقدش انه حساس الحرارة لأن حضرتك بتقول ان فى غليان فعلياً
      [CENTER]Suzuki Swift Dzire 1.2 cc[/CENTER]

      Comment


      • #4
        غطاء القربه نفسه ممكن يكون السبب بص عليه وشوف كيف بيقفل بطريقه سلسه ولا برخامه .. وربنا يهديك للحل

        Comment


        • #5
          المشاركة الأصلية كتبت بواسطة seatibiza مشاهدة المشاركة
          كان عندي مشكلة بقالها اسبوع اني كل ما امشي بالعربية تعلي درجة حرارتها والاقي المؤشر عدي ال 90 بشرطتين او 3 وساعتها بقف علي طول وافتح العربية الاقي الميه بتغلي جوة القربة بس بتكون موجودة مش ناقصة ولا حاجة .... انا عارف انه ممكن يكون العيب من الردياتير او ترموستات الكوعة بس انا حاسس ان مش دة العيب وام العيب من حساس الحرارة لأن قبل الموضوع دة بأسبوعين كان كل شوية لمبة الحرارة في المؤشر تولع و تدي انذار والاقي حرارة العربية مفيهاش حاجة وكانت ساعات بتولع و تدي انذار والعربية مطفية وباردة كمان فواضح ان لمبة مؤشر الحرارة مهيسة وهي السبب فلو سمحتوا كنت عايز اشوف كهرباءي كويس متخصص في العربيات الفولكس والابيزا بس يكون شاطر و متجرب و يكون غير رشاد عشان مواعيد رشاد مش منسباني و مش مهم هو موجود فين المهم يكون شاطر و فاهم في عربياتنا
          السلام عليكم و رحمة الله
          انا هديلك شوية تلميحات كدا و انت ممكن تستنتج العيب
          حضرتك قلت ان المؤشر بيعلا فوق 90 بشرتطين تلاته بتروح واقف و فاتح تلاقي المية بتغلي في القربة و طلاما بتغلي في القربة وانت شايفها عمالة بتهري جوة يبقا فيه حاجه غلط في الدورة

          بعد ما تشيك على ان مافيش تسريبات ميه و كله تمام ، عايزك تفك ترموستات الكوعه و تبص فيها من ناحية الجزء النحاسي اللي في الصورة و تشوف فيه شرخ او حاجه مش طبيعية فيه ( ملحوظة : ممكن يكون فيه شرخ او مكسور منه حته او فك من مكانه و ماتخدش بالك)
          محتاج لما تخرجه من مكانه تنضفه بمية كويس و تقعد تلقب فيه ، وانا اعتقد مبدأيا ان العيب منه .
          انظر الصورة و على الاسهم و ده بيكون مكان الخراب الفعلي للترموستات اللي هو الجزء النحاسي اللي بيتمدد و ينكمش على حسب درجه الحرارة داخل المحرك و باقي الجزء النحاسي طبعا داخل الاسبرنج او السوستة من الداخل و لما بيخرب الجزء ده بنلاحظ الشروخ و التلف الموجوده فيه


          فيه ناس بتقول ان دورة المية واخده هوا .. !!
          لو الدورة واخده هوا المؤشر هيفضل يطلع و مش هينزل .. لكن حضرتك بتقول انه بيعلى حاجه بسيطه . و في الحالة ان الدورة واخده هوا هنحتاج نخرج الهواء المحبوس داخل الدورة و بردوا نبدل تروستات الكوعة لانها بعد العملية دي بتكون تحت ضغط شديد جدا و ممكن تتلف بعد فترة قصيرة نسبيا .
          ****ولكن زي ما قلتلك لو الدورة واخده هوا .. المؤشر سيستمر في الصعود دون توقف

          موضوع ان ساعات لمبة الحرارة تنور و المؤشر ثابت مكانه .. تعالى نشوف امتى لمبه الحرارة بتنور ...
          اللمبة بتنور في حالتين
          1- مستوى المية نزل عن مستوى عن الصحيح .
          2- درجه حرارة المحرك اعلى من الطبيعي . و الطبيعي من 90 الى 100 او 110 مش متذكر الصراحة ، يبقا للمبه هتنور لما الحراره توصل الى المنطقة المظلله بالاحمر (منطقة الخطر) اللى هي 120 درجه

          طيب حضرتك بتقول سعات اللمبة بتنور والعربية بارده .. هل بقا فتحت ساعتها و كشفت على مستوى المية في القربة ؟؟ حتى تتأكد ان اللمبة نورت باغلط ..
          الكيبل اللي داخل للقربة لو واير واحد منه في الهوا و مش راكب اللمبه هتنور .. لان الطرفين اللي داخلين على القربة لابد لهم من التلامس المستمر و ده بيحصل داخل القربة لما المية بتوصلهم لبعض يقوم الكنترول يعرف ان فيه مية بمستواها الطبيعي في الداخل ، تخيل بقا زي ما قلتلك ان فيه طرف فيهم مش واصل مكانه (طاير كدا في الهوا) اللمبه هتنور طبعا
          اذا لابد من التأكد من اطراق الويرات على السوكت اللي راكب على القربة .. (طرف الفيشة في الدفيرة الخاص بتوصيل القربة)

          في شواهد كتيره نقدر نعرف بيها بسرعة العطل و العلة و يسرد فيها الاحاديث الى ان يشاء رب العالمين ، لكن انا بالمختصر المفيد اللي قلته سابقا ده حضرتك ممكن تحط ايدك بسرعة على مكان الخلل

          خالص تحياتي
          [FONT=Book Antiqua][SIZE=5][COLOR=red][COLOR=red]S[/COLOR][COLOR=slategray]EAT [/COLOR][COLOR=red]S[/COLOR][COLOR=slategray]ERVICES[/COLOR][/COLOR][/SIZE]
          [/FONT][shfaf2]http://nileup.com/up/uploads/nilemotors_13794850301.jpg[/shfaf2]

          Comment


          • #6
            احب اوضح ان الراجل معندوش ترموستات كوعه مش راكبه
            ومفيش اى تسريب للمياه
            الدوره مش وخده هوا
            المراوح شغاله
            بس فيه حالة لما بتسخن والمؤشر بيعلى المراوح مابتشتغلش والريداتير بيكون بارد وده بيفسر عدم تشغيل المراوح

            فتقريبا كده عنده سدد فى منطقة ما او الريداتير مسدود
            ماشاء الله كان وما لم يشأ لم يكن
            SEAT IBIZA 2000 MK3 (6k2)ALD Engine 1.0 8v MPI
            [SIGPIC][/SIGPIC]

            Comment


            • #7
              اه نسيت الترموستات الخاصة بابيزا 2000-02 ليست مثل ما هو مبين بالصورة
              الترموستات شكلها فى الصورة القادمه

              تحياتى
              ماشاء الله كان وما لم يشأ لم يكن
              SEAT IBIZA 2000 MK3 (6k2)ALD Engine 1.0 8v MPI
              [SIGPIC][/SIGPIC]

              Comment


              • #8
                ترموستات ابيزا 2000-02
                ماتور 1.0 و 1.4 mpi
                سعرها جديد 60ل 80ج


                ماشاء الله كان وما لم يشأ لم يكن
                SEAT IBIZA 2000 MK3 (6k2)ALD Engine 1.0 8v MPI
                [SIGPIC][/SIGPIC]

                Comment


                • #9
                  المشاركة الأصلية كتبت بواسطة hossamalsadik مشاهدة المشاركة
                  احب اوضح ان الراجل معندوش ترموستات كوعه مش راكبه
                  ومفيش اى تسريب للمياه
                  الدوره مش وخده هوا
                  المراوح شغاله
                  بس فيه حالة لما بتسخن والمؤشر بيعلى المراوح مابتشتغلش والريداتير بيكون بارد وده بيفسر عدم تشغيل المراوح

                  فتقريبا كده عنده سدد فى منطقة ما او الريداتير مسدود


                  حسام باشا .. ازيك يا صديقي يارب تكون بخير
                  المعلومات دي الراجل ما وضحهاش في سرد مشلكته و استفساراته .. شكلك كدا كشفت على العربية ولا ايه ؟؟

                  بالنسبة للصورة اللي انا نزلتها .... انا عارف انها مش بتاعة عربيته انا مختار الصورة دي بالذات علشان اوضح حاجه معينة مش هتبان في الصورة اللي حضرتك منزلها .. و طبعا زي ما انت عارف ترموستات الكوعة كلها نفس طريقة العمل مع اختلاف اشكلها و احجامها

                  طلاما الموضوع زي ما قلته كدا يبقا انا ارجح زي ما تفضلت ان الراديتر ممكن يكون السبب
                  [FONT=Book Antiqua][SIZE=5][COLOR=red][COLOR=red]S[/COLOR][COLOR=slategray]EAT [/COLOR][COLOR=red]S[/COLOR][COLOR=slategray]ERVICES[/COLOR][/COLOR][/SIZE]
                  [/FONT][shfaf2]http://nileup.com/up/uploads/nilemotors_13794850301.jpg[/shfaf2]

                  Comment


                  • #10
                    المشاركة الأصلية كتبت بواسطة sala7 مشاهدة المشاركة
                    حسام باشا .. ازيك يا صديقي يارب تكون بخير
                    المعلومات دي الراجل ما وضحهاش في سرد مشلكته و استفساراته .. شكلك كدا كشفت على العربية ولا ايه ؟؟

                    بالنسبة للصورة اللي انا نزلتها .... انا عارف انها مش بتاعة عربيته انا مختار الصورة دي بالذات علشان اوضح حاجه معينة مش هتبان في الصورة اللي حضرتك منزلها .. و طبعا زي ما انت عارف ترموستات الكوعة كلها نفس طريقة العمل مع اختلاف اشكلها و احجامها

                    طلاما الموضوع زي ما قلته كدا يبقا انا ارجح زي ما تفضلت ان الراديتر ممكن يكون السبب
                    صلاح بيه ، الحمد لله كله تمام

                    فعلا انا كشفت على العربيه تخمينك فى محله
                    وكتبت الكلام التوضيحى ده عشان لو حد عنده رأى تانى يوضحه

                    ان شاء الله هوا رايح يغسل الدوره بفلاش ابرو يوم الجمعه القادمه عشان اليومين دول صعبين من موجة الهوا ابو تراب وهنشوب الموضوع هيمشى ازاى ويرسى على ايه وان شاء الله يطلع سدد فى دورة التبريد لان مبقاش غيرها

                    تحياتى ياصديقى العزيز
                    ماشاء الله كان وما لم يشأ لم يكن
                    SEAT IBIZA 2000 MK3 (6k2)ALD Engine 1.0 8v MPI
                    [SIGPIC][/SIGPIC]

                    Comment

                    Working...
                    X