نقص المياه فى القربة

[eng.yehia]

السلام عليكم
أولا تشرفت بدخولى هذا المنتدى المحترم
ثانيا عندى مشكلة فى سيات أبيزا 94 ماتور 1300
عندى المياه بتقل فى القربة كل ثلاثة أيام بزود القربة حوالى ربع لتر مياه ومش عارف اية السبب حوالت ادور على اى تسريب ملقتش ولسة مغير طقم شنبر وجوان وش سيلندر
برجاء الافادة سريعا

[yasser_0339]

بص علي جميع الوصلات والخراطيم مش شرط يكون خرم واضح ممكن يكون في سنة صغيرة عاملة تبخير للمياه ومش واضح . عند اي ميكانيكي قوله حطلي جهاز ضغط علي الردياتير وشوف لو الامبير بينزل سنة سنة يبقي في تسريب ولو مفيش يبقي احتمال تكون واخدة هواء .

[mohammad isdf]

سيب العربية لمدة يومين وشوف التنقيط من فين

لأنه مش هيظهر طول ما العربية سخنة لأن المياه بتتبخر

ممكن تحط مياه خضرا .. وتشوف اللون الأخضر هيظهر حوالين إيه ؟

[hossamalsadik]

أكشف على كوتشة غطاء القربه لو مش سليمه غيره بواحد جديد او استيراد حلته كويسه
وبعد ماتعلاج الموضوع ده تحط اما مياه مقطره او مياه موبيل او الافضل طبعا مياه فولكس المعتمده +g12

[eng.yehia]

المشكلة أنى دورت على أى تسريب ملحوظ وهيا وقفة ملقتش حاجة ملحوظة فى واحد قلى على مادة معينة بتضاف على مياه الريدياتير اسمها فلفل أسمر دى مادة بتعمل معالجة لى الماكن الى فيها تسريب وتمنعها مش عارف الكلام دة صح ولا لأ

[amrmostafa44]

المشكلة أنى دورت على أى تسريب ملحوظ وهيا وقفة ملقتش حاجة ملحوظة فى واحد قلى على مادة معينة بتضاف على مياه الريدياتير اسمها فلفل أسمر دى مادة بتعمل معالجة لى الماكن الى فيها تسريب وتمنعها مش عارف الكلام دة صح ولا لأ

بلاش الحاجات دي علشان محدش يعرف اضرارها اعرف اصلا الاول التسريب منين روح لواحد بتاع ردياتير يكبس و يشوف في تسريب ولا لا و لو في يعرف هو منين و شوف الكوتش الي في غطي القربه