ابيزا 94 ولا فليشيا 97 ؟؟

[M_Bahaa]

السلام عليكم ورحمة الله

انا معايا حاليا سكودا فيليشيا 97 و العربية كويسة جدا معايا بالنسبة للاعطال او شغل الصيانة او ادائها في المشاوير الطويلة بس ناشفة جدا في سواقتها و صوتها عالي و سحبها ضعيف جدا و خاصة في المطلع
في دماغي دلوقتى اني ابيعها و اجيب ابيزا 94 فايه رأي حضارتكم في الموضوع دة ايه مميزات العربية دي عامة او بالمقارنة بالفيليشيا و ايه عيوبها و هل العربية دي تستاهل اني ابيع الفليشيا اللي معايا و اجربها ولا ماتسرعش؟ و خصوصاً اني حابب شكلها جدا

[SYD]

وعليكم السلام ورحمة الله وبركاته

والله يا باشا الفليشيا كعربية حلوة مش وحشة
بس بالمقارنة مع الأبيزا هتلاقي الأبيزا أحلي كتير كنعومة وكأداء وكماليات
غالباً هتلاقي كل الأبيزا مسقطين مواتير اما 1.4 او 1.6 وفي الحالتين الأثنين أحلي من الـ1.3 الكاربراتير بتاع الفيلشيا
اهم حاجة تكشف علي الأبيزا كويس كأساسيات وكنظافة تقفيل والكهرباء

تحياتي

[mohammad isdf]

رأيى تخليك فى الفليشيا

لأن 94 ابيزا كاربراتير والموتور 1300 cc

مش هتفرق كتير

إلا إنك تجيب بقى العربية بموتور 1.4 وتكييف وباور

لكن 94 لا فيها تكييف ولا باور والدريكسيون تقيل تقل السنين

[M_Bahaa]

تمام شكراً عالافادة يا جماعة

[smartech]

94 منصحكش ، مش هتحس بفرق فظيه ، لكن لو 98 يبقى ماشى ، انجيكشن ، تكييف وباور و زجاج كهرباء وسهل تسقطلها اى موتور لو عايز تعلى الموتور ، والـ 98 اشيك برضه من الـ 94 ، وبرضه فى الاخر اهم حاجه الحاله ،واساسيات العربيه علشان متتعبش بعد ماتشتريها

[matrix_it]

هو مينفعش اسقط مواتير فى 94 ؟
كام سعر الابيزا 94 و 98 و التكيف فيهم عامل ازاي
الف شكر مقدما

[matrix_it]

هو الابيزا في منها بفتحة سقف ؟

[SYD]

مفيش ابيزا بفتحة سقف

وال94 بيتسقطلها كل حاجة بس بتغير حاجات اكتر من اللي بتتغير في الل98 لو هتسقط انجيكشن

تحياتي