الدينامو قفش

[meeg]

السلام عليكم ورحمة الله وبركاته
الاخوه الافاضل اسعد الله ايامك وانار الله دروبكم
هاخد مشورتكم فى موضوع
انا امبارح كنت فى مشوار وفجاه العربيه بطلت وانا ماشى بس الحمد لله كنت مهدى وجنب الرصيف فركنت انا عندى صوت اصلا فى بليه شداد الدينامو وجايبها بس لسه مغيرتهاش وقفلى واحد هوا بيقول انه ميكانيكى خلانى عشقت الرابع وزق العربيه قالى بلية الشداد مش قافشه ده الدينامو فى اللى قافش وفكلى السير وروحت على البطاريه دلوقتى انا هروح بكرا للكهربائى بس عاوز اعرف لو الدينامو قافش هضطر اغير دينامو ولا البليه اللى جواه ده موجوده ولا ايه بالضبط منتظرك ارائكم ونصايحكم
جزاكم الله خير ووفقكم الى كل خير

[ehab_mansour]

و عليكم السلام و رحمة الله و بركاته

الموضوع بسيط جدا ... الكهربائي هيفك جوز البلي و يغيرهم و البلي موجود فعلا بس اهم حاجه تشتري نوع نضيف فيه skf فرنساوي بس لو لقيته و فيه nsk ياباني ... الاتنين نضاف جدا و سعر البلي لن يتعدي الي 50 جنيه يزيد قليلا

انا غيرتهم من فترة كبيرة من حوالي 5 سنوات في الابيزا كانو ب 35 جنيه nsk ياباني و تركيب 10 جنيه

[meeg]

تسلم يا بشمهندس ايهاب وشكرا جزيلا على ردك طمنتنى وان شاء الله لو طلع الدينامو محتاج بلى بس ربنا يستر وميكنش فيه حاجه تانى هدور على البلي اللى حضرتك قولتلى عليه
ربنا يوفقك ويحققلك اللى بتتمناه يارب

[meeg]

بحمد لله تم تغير البلى وتركيب بليتين نوع kbc ملقتش غيرهم ربنا يستر ويطلعوا كويسين
التكلفه 60 جنيه مصنعيه
والبليتين ب 40 جنيه
والخراط خد 30 لان المسامير مرضيتش تتفك ففورناها
و 10 جنيه مواصلات للخراط
كود البليتين 620 و 630
وبالتوفيق للجميع دايما ان شاء الله