الشراء و التأمين فى توكيل سيات (كيان)

[goyamasta]

السلام عليكم,

عندى سؤال بخصوص الشراء من التوكيل مباشرة. هل الاحسن انى اشترى من معرض مشهور و لا من التوكيل?
و بالنسبة للتأمين هل يتحمل التوكيل كافة المصاريف فى حالة حدوث حوادث لا قدر الله؟ و هل يتم التعامل مع التوكيل أم مع شركة التأمين فى مثل هذه الظروف؟

شكراً

[Dr Abd Elkerem]

متااااااااااااااااااااابع بشدة

لانى نويت عليها

[ahmed.Elashy]

عن نفسي ارشحلك التوكيل طبعا
المعارض التانيه ممكن توفرلك الف جنيه او الفين
بس التوكيل ناس قمه ف الذوق و التعامل
دقه المواعيد
مش مستني منك عموله او هيلبسك ف عربيه مركونه او يديلك حاجه مش مضمونه
الناس هناك متعلمه وبنت ناس
انا بكلمك عن تجربه شخصيه
بالنسبه لموضوع التامين التوكيل مالوش دعوه بالموضوع ع حد علمي
دا بيعتمد ع شركه التامين بتتعامل مع التوكيل ولا مع ورش تانيه
انا معملتش موضوع التامين ده عشان الشيوخ محرمينه
بالتوفيق

[goyamasta]

شكراً

متشكر جداً لحضرتك و لوقتك :)

[M2014]

السلام عليكم
إلى حضراتكم خبرتى الشخصية المتواضعة فى مجال التأمين على السيارات:

النوع الأول: (هذا النوع لا أنصح به)
التأمين على السيارة مباشرةً من صاحب السيارة إلى شركة التأمين أياً كانت مع إحترامي لهم جميعاً فغالبية هذا التعامل يكون جدال ومماطلة.

النوع الثانى: (هذا النوع أفضله والله تعالى أعلى وأعلم)
التأمين على السيارة لصالح التوكيل أكرر تأمين لصالح التوكيل وللتأكد أنه لصالح التوكيل يكون دفع قيمة البوليصة فى خزينة التوكيل وإيصال سداد قيمة البوليصة يكون من الإيصالات الرسمية للتوكيل هذا يعنى أنه لا قدَّر الله سبحانه وتعالى يتلخص فى تسليم السيارة للتوكيل وصورة من البوليصة (المصدرة لصالح التوكيل) وصورة رخصتى السيارة والقيادة (وأصل المحضر إذا تطلب الأمر) حيث يتولى التوكيل مسئولية التعامل مع شركة التأمين وعمل الإصلاحات المطلوبة و لا يتحمل صاحب السيارة عند الإستلام سوى نسبة تحمله فقط المتفق عليه بدايةً عند الإصدار وبالتالى لا يكون هناك أى إنتظار لمبلغ من شركة التامين إلى صاحب السيارة.

التأمين لصالح التوكيل متوفر لدى توكيل هوندا وتويوتا وكيا على سبيل المثال ،
وبالنسبة لى عندما كنت فى مرحلة إتخاذ القرار إستبعدت الماركات التى لا يقدم توكيلاتها هذا النوع من التأمين مثل أرتوك أوتو (سكودا) ودايموند موتورز (ميتسوبيشى) مع إحترامى التام لجميع التوكيلات ولكنى أذكر ذلك للنصيحة فقط وكما قال رسول الله صلى الله عليه وسلم فى معنى أحاديثه الشريفة (لن يؤمن أحدكم حتى يحب لأخيه ما يحب لنفسه) و (المستشار مؤتمن) صدق رسول الله صلى الله عليه وسلم
خالص تحياتى للجميع .

[goyamasta]

السلام عليكم
إلى حضراتكم خبرتى الشخصية المتواضعة فى مجال التأمين على السيارات:

النوع الأول: (هذا النوع لا أنصح به)
التأمين على السيارة مباشرةً من صاحب السيارة إلى شركة التأمين أياً كانت مع إحترامي لهم جميعاً فغالبية هذا التعامل يكون جدال ومماطلة.

النوع الثانى: (هذا النوع أفضله والله تعالى أعلى وأعلم)
التأمين على السيارة لصالح التوكيل أكرر تأمين لصالح التوكيل وللتأكد أنه لصالح التوكيل يكون دفع قيمة البوليصة فى خزينة التوكيل وإيصال سداد قيمة البوليصة يكون من الإيصالات الرسمية للتوكيل هذا يعنى أنه لا قدَّر الله سبحانه وتعالى يتلخص فى تسليم السيارة للتوكيل وصورة من البوليصة (المصدرة لصالح التوكيل) وصورة رخصتى السيارة والقيادة (وأصل المحضر إذا تطلب الأمر) حيث يتولى التوكيل مسئولية التعامل مع شركة التأمين وعمل الإصلاحات المطلوبة و لا يتحمل صاحب السيارة عند الإستلام سوى نسبة تحمله فقط المتفق عليه بدايةً عند الإصدار وبالتالى لا يكون هناك أى إنتظار لمبلغ من شركة التامين إلى صاحب السيارة.

التأمين لصالح التوكيل متوفر لدى توكيل هوندا وتويوتا وكيا على سبيل المثال ،
وبالنسبة لى عندما كنت فى مرحلة إتخاذ القرار إستبعدت الماركات التى لا يقدم توكيلاتها هذا النوع من التأمين مثل أرتوك أوتو (سكودا) ودايموند موتورز (ميتسوبيشى) مع إحترامى التام لجميع التوكيلات ولكنى أذكر ذلك للنصيحة فقط وكما قال رسول الله صلى الله عليه وسلم فى معنى أحاديثه الشريفة (لن يؤمن أحدكم حتى يحب لأخيه ما يحب لنفسه) و (المستشار مؤتمن) صدق رسول الله صلى الله عليه وسلم
خالص تحياتى للجميع .

متشكر جداً لحضرتك و جزاك الله خيراً. هو أنا رحت بنفسى لتوكيل سيات "كيان" و قالوا ان التأمين عندهم من النوع الثانى اللى حضرتك ذكرته. طبعاً انا مجربتهمش قبل كدة او اعرف حد اشترى منهم بصراحة. بس هم اكدولى ان التأمين زى النوع الثانى ان شاء الله