الحقونى بسرعه العربية سخنت ولقيت زيت دخل على المياه فى اسكندرية

[mohammad isdf]

السلام عليكم
معلش عشان بكتب م الموبايل
كنت جاى اسكندرية والعربية سخنت منى وجابت للشرطه بعد النص
معرفش السبب ايه ممكن الترموستات الكوعه
لكن لما روحت وبفتح القربه مضربتش هوا كالعاده
كأنها كانت مفرغه الهوا
ولاقيت زيت مع المياه.طبقه كده وشيلتها وكل مده الاقى طبقه تانيه
العرببه بتسخن منى ع السلانسيه لحد قبل النصل ولو جريت جامد بتسخن بردوا
بس لو ماشى تسعين او تمنين بيبقى كتشى الحال

روحت لميكانيكيه هنا مهرفهومش قالولى ده جوان وش السلندر
والميكانيكى بتاعى كلمته قالى كده الخلط مع غرفة الزيت بس مش مع غرفة الحرق

واغسل الريدياتير

كلمت خريسه قالى مبنشتغل فى موديل 94

وانا هنا فى سيدى بضر وفى ميكانيكيه بس ختيف اغامر مع ناس مش متجربه

هل أعرببه نستحمل أليومين دول لحد ما ارجع ولا تدلونى على ميكانيكى هنا بيشتغل فيها

ضرورى ردوا عايت بسرعه انهارده عشان بكرة السبت لو الحق اعمل حاجه

[hossamalsadik]

قى صديق عزيز فى اسكندريه ممكن تكلمه وهيدلك على أماكن قطع الغيار والميكانيكيه
قله انك من جروب سيات أجيبت وهوا شخص خلوق ان شاء الله يسعدك
وكل الى يجيبه ربنا خير
ده رقمه 01007881482
وهستنى ردك

[sala7]

اهدى ياعم الحاج ... اهدى و استعين بالله

هو كود موتورك ايه الاول ... ؟ منا عايز اعرف عربيتك دي متسقط لها موتور حديث او قديم وفيه مكيف ولا لا ؟؟ فتيس عادي ولا اوتو ؟؟؟ فيه عربيات 94 مافيهاش اجزاء معينه بتكون سبب في الخلط ده

انا هتكلم بشكل عام

عموما علشان نطمن على حالة الموتور
1- شيل قياس الزيت .. لو فيه طحينه على القياس = جوان وش سلندر
2- لو مافيش زيت في الموتور = مبرد زيت الماكينة و ده مكانه قبل فلتر الزيت على طول بيتفك و يتغير في 10 دقايق

عايز حل مؤقت تمشي حالك .... في حاله انه مش جوان وش سلندر
1- افصل الخرطومين الدخل و الخرج للمبرد و سد الخرطومين ببوجيهات قديمة ، و خد بالك ما تكسلش في تغيير المبرد بعد كدا لان هيفضل يعبي زيت لحد ما الزيت يخرج بره مكان ما شلت خراطيم التبريد
2- اهم خطوة : التظيف المستمر للدورة .. بمعنى
تملى القربة مية و تطلع مشوار كدا بتاع 3 كيلو و توقف العربية تهدى خالص ، تفك القربة تفضيها و تغسلها بصابون و ترجع تركبها و تعبي ميه و هاكذا لحد ما الدورة تنضف

انا بعتلك رقمي على الخاص .. و انتظرت انك تكلمني فايبر او واتس اب

خالص تحياتي

[mohammad isdf]

الموضوع طلع جوان الوش
تم التغيير عند المهندس أشرف زكى
والحمد لله رب العالمين على كفاءة الراجل جدا

تم التغيير وظبط السيارة والأمور استقرت

بس الخروجه باظت

متشكر جدا لكل اللى ساعدنى ورد عليا وشكر للمهندس حسام والاستاذ صلاح

اعتقد ان الواحد لو بيموت محدش هيعبره فى المنتدى ده

الا الناس المحترمين اللى زى حلاتكم