ارجو الافادة فورا " لون العربية و المرور "

[kojy]

السلام عليكم ...
يا جماعة انا لسة مغير لون عربيتي الابيزا
وانا عندي في الرخصة لسة 10 شهور ,
* ياترى لازم اروح اغير اللون دلوقتي في الرخصة ولا استنى العشرة شهور ؟
* ولو هغير ايه الاجرائات سهلة ولا صعبة ؟ "انا مرور فيصل"
* ولو ممكن استني عادي ولا ايهههه لو اتمسكت مثلا عالصحراوي هقول ايه للضابط ؟
ارجو الافادة وشكرا.

[iBiZa]

لازم تروح تغير اللون فى المرور عشان لو اتمسكت هيسحب الرخص و يديك مخالفة و بعديها هتروح تعمل فحص كامل و تطلع رخصة جديدة.

انت هتروح و هو هيعمل الفحص و يطابق رقم الشاسية و الموتور مع ملف العربية و تطلع الرخصة باللون لجديد.

[MoToRiZeR]

لازم تروح دلوقت .

[kojy]

1000 شكر يا رجالة بس ياريت الي جرب يقولي ايه الاجرائات سهلة ولا صعبة ؟

[MoToRiZeR]

بإذن الله سهلة إنت بس دوس :)
ده فيه ناس بترخص لونين كمان و الموضوع بيخلص
مرور فيصل انا أسمع إنه رخم بس ده لو بتطلع رخصة قيادة ولا حاجة
و طبعاَ يستحسن تشوف حد في المرور يخلصلك الموضوع أو يوصي عليك عشان متقعش في دايرة الروتين .

[kojy]

اشطة هدوس ووسطتي ربنا , يارب تتسهل ............الف شكر موتورايزر.

[مواطن مصرى]

السلام عليكم ...
يا جماعة انا لسة مغير لون عربيتي الابيزا
وانا عندي في الرخصة لسة 10 شهور ,
* ياترى لازم اروح اغير اللون دلوقتي في الرخصة ولا استنى العشرة شهور ؟
* ولو هغير ايه الاجرائات سهلة ولا صعبة ؟ "انا مرور فيصل"
* ولو ممكن استني عادي ولا ايهههه لو اتمسكت مثلا عالصحراوي هقول ايه للضابط ؟
ارجو الافادة وشكرا.

حضرتك لازم تروح دلوقتى المرور تثبت اللون الجديد على الرخصة علشان لو لجنه وقفتك بالليل هتعملك مشكله على الرخصة
هتجيب استمارات جديده (حوالى 60 جنيه ) و هتعمل فحص بسيط (20 جنيه فى ايد الراجل و هيمضيلك الورق)
و تغيرها فى ساعتها متقلقش