شراء ابيزا 94

[mohamedzanaty1]

السلام عليكم ورحمة الله وبركاتة
استفسار بخصوص
ابيزا 1994
انا قررت انضم للايبزاوية وانشاء الله اجيب واحدة بس مش عاوز كل يوم اروح للميكانيكى وخصوصا ان دى اول عربية ليا
سمعت من ناس كتير ان كل الى فى السوق دلوقتى تعبان والعربيات الكويسة قليلة جدا
هل كل الى فى السوق تعبان دلوقتى ؟
متوسط سعرها كام حاليا بعيدا عن الاسعار الى عالنت
صديق قالى انها لو تمام التمام متزيدشى عن 25
وهل موديل 98 احسن فعلا عشان المتور 1400 انجكشن
شكرا مقدما للناس الموجودة هنا
وارجو الرد السريع

[mohamedzanaty1]

يا جماعة ارجو حد يفيدنى
فى رجالة المنتدى الخبرة

[skayroad]

ابيزا 94 تمام التمام بتبتدي من 30 و مش اكتر من 35 على حسب الحالة وفي منها متعدل انجكشن ..

[mohamedzanaty1]

يا ريت لو فية حد عندة معلومات أدق يتفضل يفيدنى بيها

[mohamedzanaty1]

طب المنتدى داة معمول لية لما مفيش حد بيشارك ولا حد بيستفاد فى المشكلة الى معاة

[SYD]

الأبيزا 94 بتبدأ من 25 معاك لحد 35 علي حسب الحالة والكماليات والمحرك الموجود فيها
الأبيزا 98 بتبدأ من 28 ومعاك لحد 40 علي حسب الحالة والمحرك والكماليات أيضاً

أهم نقطة في الشراء الحالة ثم الحالة ثم الحالة

شوف لو ليك استفسار اخر انا تحت امرك

[mohamedzanaty1]

بجد شكرا على اهتمامك وردك عليا
اية الافضل بين الموديلين لو الحالة واحدة
والموتور الانجكشن افضل ولاا الكاربراتير
ومعلشى اخر سؤال
لو عربية كويسة فى كل حاجة بس الراجل قايل ان فيها بارومة تحت البطيخة اليمين الخلفية
دى تتعالج ولاا لااة
وهل تنصح بانى اخد حاجة زى كدا واعالجها ولا مهما صرفت عليها هتتعبنى
شكرا يا باشا الف شكر

[SYD]

بجد شكرا على اهتمامك وردك عليا
اية الافضل بين الموديلين لو الحالة واحدة
والموتور الانجكشن افضل ولاا الكاربراتير
ومعلشى اخر سؤال
لو عربية كويسة فى كل حاجة بس الراجل قايل ان فيها بارومة تحت البطيخة اليمين الخلفية
دى تتعالج ولاا لااة
وهل تنصح بانى اخد حاجة زى كدا واعالجها ولا مهما صرفت عليها هتتعبنى
شكرا يا باشا الف شكر

الـ98 طبعاً أفضل لو نفس الحالة بالمقارنة مع الـ94
الأنجيكشن أفضل من الكاربراتير لو مش ملعوب في الضفيرة وكل شئ تمام وأوفر في البنزين واعلي في السحب والجري

وطبعاً بارومة تحت البطيخة تعيب العرربية جداً ومش هتعرف تظبطها وهترش جوة ومش هتعرف تبيع
نصيحة بلاش تاخدها

تحياتي

[mohamedzanaty1]

تمام
انا من اسكندرية
هل اكتفى بالبحث من على النت ولا ممكن ادور عند تجار تنصح باية حضرتك
غير كدا فى الاسبوع بالاقى واحدة عالنت بتنزل فمش واخد راحتى فى انى بدور واقلب كويس

[SYD]

روح للتجار
ايه المشكلة ؟؟

كلم الميكانيكي بتاعك حالياً
كلم اصحابك
انضم لجروبات السيات علي الفيس بوك

كدة يعني
ماتوقفش عند حل واحد

تحياتي

[AhmedSalemz]

سلام عليكم

يا شباب قدامى عربية كويسة وعاوز اكشف عليها فى مدينة نصر ياريت حد يفيدنا ببنزينة كويسة موثوق فيها

[احمد عرفه]

معايا عربيه ايبيزا 94 .. صاحبها كان مغيرلها المكنة ل مكنة 1800 سيسي اللي بتركب للجولف والتوليدو هاف انجيكشن وفيها باور وسنتر وتكييف محتاج كومبريسور ..
موضوع انها مش مكنتها ده تاعبني في قطع الغيار لاني ماعرفش المكنة دي بتاع ايه بالظبط الموضوع ملخبط ..

[Maged ibrahim]

عايز اجيب عربية فى حدود 25000 وده هتبقى اول عربية ان شاء الله
هل فيه ابيزا كويسة بالسعر ده ولا اشوف شاهين ؟

[cadetmody90]

عربيه ابيزا 1994

السلام عليكم

عربيه ابيزا 1994

تابلوه جديد و هوايات و كونسوله سليمه و بجميع الزراير
2 ازاز كهربا + 2 زرار للمرايات + زراير التكييف
كاسيت جديد + سماعات + سرينه فيدرالي 16 صوت 80 وات
ردياتير نحاس كبير 99 ماسوره + مروحه كبيره
موتور 1300 كاربراتير لسه متسقط فيها و متسبتش ع الرخصه ( بالافراج + الفاتوره)
بطاريه جافه جديده و فوانيس جديده و عدادات جديده
4 كاوتش جداد فيتنامي لسه راكبين من يومين
فيها 4 جنوط اسبور

ربنا يعلم اناصارف عليها 23 الف جنيه


العنوان المنوفيه - منوف
01094040336


السعر نهائي 30 الف جنيه و اللي هياخدها يثبت الموتور و يرخصها لان الرخصه منتهيه
السعر نهائي

[mohmet]

شباب يعني ايه عربيه مغيره نص
اسف علي ال تطفل علي صاحب الموضوع بس قدامي ابيزا 94 مفيره نص و عايز فيها مبلغ عبيط 21 الف