تسعير ابيزا 94

[the masked]

السلام عليكم

معروض عليا السيارة الاتي مواصفاتها

ابيزا 94
تكييف بس التكييف عاوز سير "مش فاهم" , زجاج كهرباء امامي و سنتر و انذار

الرخصة منتهية
ماشية 200000
خليت ميكانيكي يبص عليها , قالي ان المكنة محترمة مش متهانة و البطارية جديدة
خليت سمكري يبص عليها , قالي انها هاتترش برة كلها لان فيها خبطات بسيطة تترد علي البارد بس

بس قالي حاجة , العتب عن الابواب راشش بس الدواخل بقيتها كويس , يعني مش عاملة حادثة ولا راشة حوض ولا الكلام ده
الخلاصة انها راشة خارجي و اعتاب الباب من تحت

جنوط , و الكاوتش شكله محترم و كويس

مطلوب فيها 33 الف بس انا هاخلصها علي 30 نظرا للشغل اللي فيها.

ايه رايكم في السعر

و سؤالين كمان معلش

انا لو هارشها هاتتكلف كام هيا سيلفر ميتالك

لو هاجيب اكصدام امامي و خلفي بكام

هيا مش باور , ممكن يركبلها باوي ولا لا

و شكرا

[skayroad]

اول حاجه اكيد التكييف في مشكله او عايز صيانه لو مشكله سير كان جابه مش مكلف اوي
بالنسبة ان الرخصه منتهيه اتفق معاه ان يدفع غرامة التاخير لما تيجي ترخص او اخصمها من ثمن السيارة
لو هترشها ممكن تكلفك 1400 جنيه او اكثر على حسب نوع البويه
2 اكصدام 1400
عمل سيرفس 500

[the masked]

اول حاجه اكيد التكييف في مشكله او عايز صيانه لو مشكله سير كان جابه مش مكلف اوي
بالنسبة ان الرخصه منتهيه اتفق معاه ان يدفع غرامة التاخير لما تيجي ترخص او اخصمها من ثمن السيارة
لو هترشها ممكن تكلفك 1400 جنيه او اكثر على حسب نوع البويه
2 اكصدام 1400
عمل سيرفس 500

الف شكر يا صاحبي , بس معقولة اكصدامين بس مكلفين اوي كده؟ , حتي لو من بورسعيد مثلا

[the masked]

ممكن سؤال كمان , السمكري بص عليها قال ان اساسياتها كويسة , انا قلقان من حكاية البارومة , هل ممكن يكون فيه بارومة في الدواخل ولا لا و اعرف منين , انا هاخليه يكشف عليها تاني

[skayroad]

بص على العتب و تحت الابواب و الدواسه و الاحسن انك تروح ترفعها عند بنزينه ويقولك ايه الي فيها عشان كمان تطمن على الشاسيه ميكنش في شروخ او لحامات ..

[the masked]

بص على العتب و تحت الابواب و الدواسه و الاحسن انك تروح ترفعها عند بنزينه ويقولك ايه الي فيها عشان كمان تطمن على الشاسيه ميكنش في شروخ او لحامات ..

الله يباركلك يا معلم انا فعلا هاعمل كده هارفعها بس عاوز بنزينة في حلوان بقي

[the masked]

انا ركبت سير التكييف و اشتغل بس كان ضعيف حبتين لانه ماشتغلش من سنة تقريبا او اكتر ، هوا مشحون كويس بس برده ممكن نعرف من الخبراء ايه ممكن يكون العيب، العربية محتاجة شوية كماليات ، يعني علامة سيات قدام ، العاكس الاحمر اللي علي الشنطة تحت الزجاج، الحاجات دي اجيبها منين

[SYD]

مبروك العربية
عاكس باب الشنطة مش بيتباع لوحده
للأسف هتشتري باب شنطة علي بعضه

التكييف - اكشف علي الثلاجة ووصلات التابلوه

تحياتي