كونتكت العربيه عايز يتغير

[sam_eh420]

السلام عليكم ورحمة الله وبركاته
السادة الاعضاء المخضرمين
العربيه ما بتدورش معايه الا لما افتح الدرج الي تحت الدريكسيون واعود ادوس علي الفيشه اللي بتركب في الكونتكت لحد ماتدور وكل لما اجي الدور العربيه اعمل القصه دي روحت عند كهربائي فك الغطاء البلاستك اللي حوالين الدريكسيون وقاعد يجرب ويزق الفيشه والسلك لحد لما قالي ان الفيشه بتاعة الكونتك نفسه عايزه تتغير يعني هتشتري كونتك جديد وحاول يعمل تخشينه يزنق بيها الفشتين مع بعض بس ما نفعش.
عايز اعرف سعر الكونتاكت بكام ويجي منين .
وهل هغيير المفاتيح كلها ولا في حلول تانيه
وشكرا

[shake]

الكونتك بيجى بمفتاحين يعنى مفاتيح الكونتاكت القديم هترميهم مش فاهمك انت تقصد ايه بالمفاتيح كلها
بالنسبة للسيات مش عارف سعره كام فى الشاهين سعره حوالى 100 جنيه

[sam_eh420]

قصدي مفتاح الكونتكت والابواب مش المفروض انهم هيبقو مفتاح واحد

[skayroad]

مفتاح الابواب و الشنطه و الكونتاكت بيكون مفتاح واحد في الابيزا لما تجيب كونتاكت بمفتاح جديد هتروح بعدها عند بتاع الكوالين هيوفق قلب الكوالين على المفتاح الجديد ..

[zokazok]

الاول قبل ماتغير الكونتاكت كله غير بس الفيشه حضرتك بتقول ان المشكله ف الفيشه ف ليه هاتغير الكونتاكت كله فيبرة الكونتاكت تقريبا عامله 60 ج و هاتدور عربيتك بمفتاحك انت
و لو الكونتاكت او الجوزه زي ما بيسموها فيها مشكله و لازم تتغير يبقا تجيب الكونتاكت استيراد هايعمل تقريبا من 200 ل 250 ج و طبعا هايبقي معاك مفتحين واحد يدور العربيه و التاني يفتح ابواب وشنطه فاعشان كدا اتاكد بالضبط ايه اللي بايظ ف الكونتاكت