طريقة اصلاح عصاية فتيس ابيزا 2001 بالصور

[mohamed_fatouh]

[frame="7 80"]

تم اختيار هذا الموضوع كافضل موضوع لشهر مايو 2009

[/frame]

ركزو معايا
-انا لما لقيت العصاية فيها بوش قلت ابص بنفسى على عصاية الفتيس لقيت ان العصاية بيكون حواليها دايرة حدبد و العصاية مبوشة داخل الدايرة دى و لكن لاحظت ان فية بقاية رنج او حلقة بلاستيك واقعة تحت عصاية الفتيس فطلعت قطع البلاستيك و كانت مفتته فقلت لنفسى ازاى اتفتت و جات منين لقيت ان عصاية الفتيس من داخل الحلقة الحيد فية مكان بيركب فية قطعة البلاستيك دى يعنى عصاية الفتيس فيها تجويف بيركب فية الرينج البلاستك علشان يسد البوش بين العصاية و الحلقة الحديد فقلت ازاى ادخل الرنج دة لو عملتة فى عصاية الفتيس فهدانى ربى انى :
لقيت ان عصاية الفتيس فوق الحلقة الحديد على طول فيها مسمار الان كى سداسى و لان انا عندى مفكات الان كى فكيت المسار دة خالص فلقيت ان الجزء اللى بيركب فية الرنج البلاستيك اصبح بيتحرك بسهوله يعنى بيتحرك لفوق وتحت و العصاية بداخلة يعنى اكتشفت ان القطعة اللى بيركب فيها الرنج منفصلة من العصاية اساسا و هية متثبتة بالمسمار السابق ذكرة ولقيت مشكلة تانية ازاى اطلع القطعة دى من راس عصاية الفتيس (مقبض الفتيس من فوق خالص) فلقيت برشامة نحاس فى اخر المقبض فشلتها من مكانها بمفك عادى فطلعت راس عصاية الفتيس من فوق و بعدين سحبت قطعة الفتيس اللى بيركب فيها الرنج و رحت لواحد بيعمل رنجات كاوتش و قلت له عاوز اعمل رنج او جوان يركب فى القطعة دى و يكون بارز لبرة 1 مم علشان يفقل البوش مع الحلقة الحديد فعملها فعلا ب 1 جنيه فرحت مركبها فى عصاية الفتيس و ربطت المسمار و ركبت راس العصاية و استعضت عن الحلقة النحاس ب افيز زى بتاع انبوبة الغاز و قفلت الحاجات دى و الحمد لله البوش اتمنع تماما من العصاية ب 2 جنيه بس (بدون اشتغالات الميكانيكية ) اللى كانو عاوزين عصاية فتيس و يفكو فيبر العربية من تحت و بعدين تسقيط الفتيس كلة بتكلفة لا تقل عن 80 ج العصاية و مصنعية 80ج على الاقل زيهم.
Nile Motors Nile Motors
ودى صور عصاية الفتيس

1- و هيه مقفلة تماما
Nile Motors

Nile Motors
2- بعد رفع كونسول عصاية الفتيس

Nile Motors
4- واضح عصاية الفتيس من فوق لتحت الكولية اللى اتركب بدل حلقة النحاس الاصلية اللى كانت ماسكه راس عصاية الفتيس

واضح المسمار الانكية اللى اتفك علشان تعرف تحرك الجزء اللى فيه بيركب الجوان اللى بيحكم الفراغ بين الحلقة الحديد و العصاية
Nile Motors

Nile Motors

Nile Motors
يارب اكون افدتكم :
و على الله قصد السبيل

[khaledasamman]

الله ينور عليك يا أستاذ محمد
مع رفع شعار (لا للأ شتغالات الميكانيكية) وده يؤكد المثل المصرى الأصيل (اللى له عين وراس يعمل اللى بتعمله الناس).....

[mohamed_fatouh]

شكرا على ردك المشجع ان الواحد يشوف اية اللى ممكن يصلحة تانى بدون ميكانيكية و اشتغالات

[ehab_mansour]

شكرا استاذ محمد وفعلا انا معظم مشاكلي في عربيتي الإبيزا بصلحها بنفسي من غير حد إلا لو كانت حاجه معقدة او ما عملتهاش قبل كده بيعملها قدامي الميكانيكي وبعدين اشوف لو عرفت اعملها بعملها لو هتبهدلني بسيبه يعملها لو حصلت تاني لأن انا اساسا مهندس صيانة ماكينات لكن كنترول وكهرباء لكن عادي كله زي بعضه

[MOON5]

يا باشا دى اسمها هندسة عليا
متشكرين على الجهد الرائع فى توصيل الفكرة

[Mohamed_Ibiza]

هايل يا باشا الله ينور عليك

[mohamed_fatouh]

شكرا يا جماعة و كويس ان فيه كتير ممكن يصلحوا عربياتهم برضة لييييييييه لأ كل واحد يعمل حاجة بنفسة فى عربيتة الابيزا طبعا يحكيها و يا ريت يصورها و بكدة يبقى عملنا مانيوال سيرفيس للحاجات المعقولة طبعا لعربياتنا و علشان قلبنا يجمد فعلا و منخفش من اصلاح عربياتنا بنفسنا تحت شعار (لا لاشتغالات الميكانيكية)

[mohamed_fatouh]

يا باشا دى اسمها هندسة عليا
متشكرين على الجهد الرائع فى توصيل الفكرة

مقولتش عملت اية فى عصاية الفتيس عندك عرفت تصلحة؟

[mohamed_fatouh]

شكرا سيدى مشرف القسم على التثبيت و ارجو ان الموضوع يفيد الجميع
و على الله قصد السبيل

[MOON5]

مقولتش عملت اية فى عصاية الفتيس عندك عرفت تصلحة؟

والله اول ماشوفت الى عملته رحت عملت زى بالظبط بس انا عندى الرنج البلاستيك بس هاعمل جوان كوتش افضل علشان يمنع اى صوت للبوش وانت والله شجعتنى انى اعمل زيك وان شاء الله هاروح اعمل جوان زيك بالظبط ومتشكرين على الافكار الجميله السهلة الممتنعة

[mohamed_fatouh]

والله اول ماشوفت الى عملته رحت عملت زى بالظبط بس انا عندى الرنج البلاستيك بس هاعمل جوان كوتش افضل علشان يمنع اى صوت للبوش وانت والله شجعتنى انى اعمل زيك وان شاء الله هاروح اعمل جوان زيك بالظبط ومتشكرين على الافكار الجميله السهلة الممتنعة

على كل حال لو احتجت اى حاجة انا فى الخدمة و لو قريب من اكتوبر انا معايا جوانات كفاية ماهو الواحد ب جنيه

[fadynabil]

هايل جداً .. ربنا ميحرمناش منك ... موضوع تحفه

[Drift_Lover]

تسلم يا محمد فتوح

[mohamed_fatouh]

شكرا يا شباب

[mando_07]

u rocks lw knt ro7t lsnay3y kan hy2olak da da elftes lazem yt3'yer asl zmthom astek
bs msh momken ba2a ya basha t3mlna mawdo3 kamel 3n elibiza 3shan kteer my3rfsh 3nha 7aga