سيات توليدو

[bobozoro]

مافيهاش esp بس فيها ASR شوفت تاثيره في فيديوهات بس ماعرفتش فكرته لسه، بس ليه سؤال مهم هو ايه اخبار ارتفاع العربية ديه عن الارض وعامله ايه في المطبات؟؟

[arc_sherif_81]

هيا بطاريه التوليدو 55 و لا 70 امبير؟

[mmabdelaal]

الله يبارك فيك
صحيح اعلى فئة ال style جنوط 17 وتكييف بكر وسعرها 150
بس دى جنوط 16 وتكيف تتش وسعرها 153
مسئولة المبيعات بتقول انها معدلة ودة سبب فرق السعر
عموما انا كنت عاوز جنوط 16
انا مسقتهاش بس الى استلمها جوز احتى لانى مسافر وقال انها ناعمة
[

أنا برضه حاجز نفس العربية اللي حضرتك استلمتها. المفروض هاستلم خلال شهر تقريبا إن شاء الله. ممكن حضرتك تصور الراديو بتاع العربية. كنت عايز أتأكد إا كان نفس الراديو بتاع ال Style ولا مختلف

[bobozoro]

في احد الحوارات عن التوليدو تم ذكر ان الجنوط ١٦ احسن من ١٧ بس لم يتم ذكر السبب يا ريت تفيدونا ليه، وسؤالي التاني هو ليه ما فيش التزام بال٣ فئات اللي الوكيل بينزلها.

[M.Elwan]

في احد الحوارات عن التوليدو تم ذكر ان الجنوط ١٦ احسن من ١٧ بس لم يتم ذكر السبب يا ريت تفيدونا ليه، وسؤالي التاني هو ليه ما فيش التزام بال٣ فئات اللي الوكيل بينزلها.

في رايي الجنط ال١٧ اشيك بكتير من ال١٦ ومغير شكل التوليدو خالص
بس طبعا اغلي وواضح ان الوكيل قرر يضحي بحاجات مقابل السعر

[Fawzy.Abdelnour]

طبعاً الجنوط ال17 شكلها احلي.
بس ناشفه جداً و اكيد هتعمل بلالين.

[movado]

مجلد ملفات عضو ● مركز تحميل نايل موتورز

صوة الكاسيت موجودة فى مشاركة سابقة فى نفس الموضوع
الكاسيت لم يتغير وانما التكييف هو الى تغير
وهى تختلف عن صور ال style
التى استلمها زملاء اخرون
أرجو ان الصور تكون واضحة
ومستنى تعليقك

[movado]

أنا برضه حاجز نفس العربية اللي حضرتك استلمتها. المفروض هاستلم خلال شهر تقريبا إن شاء الله. ممكن حضرتك تصور الراديو بتاع العربية. كنت عايز أتأكد إا كان نفس الراديو بتاع ال style ولا مختلف

مبروك وعقبال الاستلام ان شاء اله - انت قالوا لك الحجز على الاستايل الاغلى التكيف التاتش والجنوط 16 بردة ؟
حددوا لك السعر كام؟
مبروك مرة تانية
وشكرا

[arc_sherif_81]

الجنط ال 17 low profile و ده بيعمل بلالين من اقل مطب تاخده بسرعه

[Ahmed_900]

العربية جميلة جدا من وجهة نظري انا جبت الفئة الاولى معايا بقالها شهر ... سحبها ممتاز و ثباتها ممتاز و العفشة ناشفه شوية بس مقبولة جدا ... و كفاية انك راكب الماني استايل اسباني بالسعر ده ... بيتهيألي فرصة مش بتكرر كتير و زي مالناس شايفه السعر بيرجع يعلى تاني شوية شوية لان التوكيل رفع السعر 3 الاف على كل الفئات و المعارض و الموزعين اقل واحد بيبعها + 3 الاف يعني بتتكلم في 136 146 156 الف لكل فئة ... توكل على الله العربية هي الافضل في الفئة السعرية دي و حتى افضل من عربيات سعرها بيعدي 160 و 170 الف

[Mosallam79]

هل موتور التوليدو قديم

يا جماعة أنا سمعت ان موتور التوليدو قديم mpi 1.6 .... هل ده ليه اي تأثير على اداء العربية؟ في حد شاف اللون السماوي فيها

[Mosallam79]

هل يمكن اضافة كشافات Led

هل يمكن اضافة led للتوليدو

[Ahmed_900]

الموتور مش قديم - العربية فيها ليدات امامية

الموتور مش قديم ولا حاجه هو لسه بينزل في بعض فئات الاوكتافيا و هو نفسه موتور الرابيد و في منه في الجولف ... بس هو فولكس فاجن نزلت مواتير احدث تربو TSI بس الناس في مصر بتفضل ال MPI عشان الحرارة و مشاكل التربو مش معروفة و محدش كتير بيفهم فيه ... بس هو ادائه اعلى كتير للحق و استهلاك بنزين اقل
- العربية فيها ليدات امامية default بس معمول لها Disable و في ناس بتروح التوكيل مع اول صيانه و بتشغلها

[mohamed hussei]

العربية جميلة جدا من وجهة نظري انا جبت الفئة الاولى معايا بقالها شهر ... سحبها ممتاز و ثباتها ممتاز و العفشة ناشفه شوية بس مقبولة جدا ... و كفاية انك راكب الماني استايل اسباني بالسعر ده ... بيتهيألي فرصة مش بتكرر كتير و زي مالناس شايفه السعر بيرجع يعلى تاني شوية شوية لان التوكيل رفع السعر 3 الاف على كل الفئات و المعارض و الموزعين اقل واحد بيبعها + 3 الاف يعني بتتكلم في 136 146 156 الف لكل فئة ... توكل على الله العربية هي الافضل في الفئة السعرية دي و حتى افضل من عربيات سعرها بيعدي 160 و 170 الف

حضرتك علي جروب الملاك الي علي الفيس ؟

[Mosallam79]

الموتور مش قديم ولا حاجه هو لسه بينزل في بعض فئات الاوكتافيا و هو نفسه موتور الرابيد و في منه في الجولف ... بس هو فولكس فاجن نزلت مواتير احدث تربو tsi بس الناس في مصر بتفضل ال mpi عشان الحرارة و مشاكل التربو مش معروفة و محدش كتير بيفهم فيه ... بس هو ادائه اعلى كتير للحق و استهلاك بنزين اقل
- العربية فيها ليدات امامية default بس معمول لها disable و في ناس بتروح التوكيل مع اول صيانه و بتشغلها

شكرا جزيلا على المعلومات القيمة