الدريكسيون تقييل اوي

[sam_eh420]

السلام عليكم ورحمة الله وبركاتخ اعضاء المنتدي الكرام
انا امبارح روحت عند كهربائي علشان يغيير الكونتكت وطبعا علشان يغير الوكنتكت فك الدريكسيون وطلع الكونتكت بعمود حديد في نهايته تجويف مستطيل المهم خدت الجزء اللي طلعه ورحت فكيته عند خراط وبعد ما رجعت للكهربائي وركب الكونتكت اللي كنت شريه استيراد لقيت زاوية الدريكسيون مش مظبوطه رجعتله تاني ظبط الزاويه بس الدريكسيون تقييل اوي فا مش عارف اعمل ايه هل الميكانيكي اللي ممكن يحل القصه دية ولا العفشجي .

[Abo_Mazen]

يعني هو الدريكسيون تقل بعد الكونتاكت ما إتفك ..؟؟...

[sam_eh420]

هو كان خفيف قبل ما اركب الكونتكت وبعد ما ركبت الكونتكت تقل اوي وانا دلوقتي ماشي بالعربيه والدريكسيون تقييل انا حاسس ان تركيب او تجميع الدريكسيون اللي الكهربائي عمله كان فيه حاجه غلط بس مش عارف ايه المشكله ومش عارف اروح لعفشجي ولا ميكانيكي ولا فيه حد متخصص في دريكسيون .

[zokazok]

ترجع تاني للكهربائي اللي فك الطاره و القطمه بتاع الدريكسيون و تعرفه باللي حصل و خليه يفكه تاني يمكن عمل حاجه غلط او نسي يركب حاجه كانت المفروض تركب و ماتستلمش العربيه الا ماتكون تمام

[Abo_Mazen]

خلي الكهربائي اللي فك العلبة بالراحه كده يفك ويراجع على تقفيل شغله ..

[SYD]

دة شغل ميكانيكي
بس الأحسن انك كنت تروح لكهربائي فولكس
لأن الكونتاكت بتاعنا ليه مفتاح مخصوص بيه

[sam_eh420]

اولا شكرا ليكم علي الرد
وانا راجع يوم الخميس عديت علي العفشجي وضبط الدريكسيون واشتغل في الصليبه من تحت علبة الفيوزات وقالي ان المشرشر ليه ضبطه معينه والحمد لله الموضوع مخدش 10 دقائق والدريكسيون رجع زي الاول والحمدد لله.