اعراض تلف الموبينة ابيزا 2001

[HanyAziz]

الاخوة الاعضاء تحية طيبة وبعد
كل عام وانتم بخير
العربية سيات ابيزا 2001 من كام يوم لمبة الاعطال نورت وسحب العربية ضعف غيرت بوجيهات ونضفت رشاشات ونضفت كمان طرمبة البنزين ومازال العيب موجود حطيت العربية على الكمبيوتر قرا موبينة مع انى الكهربائى والميكانيكى رافضين الاحتمال دة وانا مش عايز اشتريها يطلع العيب مش منها ومش هترجع طبعا مع العلم انى سكس بلف راجع البنزين تالف بس دة ميبرجلشى العربية ويخليها ترجرج وتبطل وسحبها يضعف وتحس انها متلتة والعربية كل اما احطها على الجهاز حالتها تسؤ اكتر
ارجو الافادة وهل لو ملقتش موبينة ممكن اركب بديل ولا لازم موبينة الابيزا رجاء المساعدة والرد للاهمية وشكرا

[Abo_Mazen]

ما دام الإسكانر قال موبينا ..يبقى غير الموبينا

[HanyAziz]

الاخ ابومازن انا فعلا عايز اغيرها بس لما تلاقى الكهربائى والميكانيكى بيقولوا لا العيب مش منها مخلينى متردد

[SYD]

الاخ ابومازن انا فعلا عايز اغيرها بس لما تلاقى الكهربائى والميكانيكى بيقولوا لا العيب مش منها مخلينى متردد

للدرجادي انت واثق في كلام الميكانيكي والكهربائي اكثر من ثقتك في كمبيوتر أعطال العربية نفسها ؟؟؟!!!!
طب وبتكشف كمبيوتر ليه ؟؟ كفاية هما يقولولك علي العطل
ولما الميكانيكي جهبز اوي كدة وعبقري للدرجادي ليه غيرلك البوجيهات طالما العيب مش منها ؟؟؟ ولية نظفت طلمبة بنزين ورشاشات ؟؟؟؟

يا باشا بلاش تمشي ورا كلام الميكانيكي بتاعك دة
ولا الكهربائي طبعاً

اعلي شهادة دراسية الميكانيكي حاصل عليها ايه؟؟؟ بكالريوس هندسة ميكانيكا سيارات ؟؟؟ حتي لو معاه بكالريوس هندسة ميكانيكا بردو مش هيوصل لنفس درجة علم الخواجة اللي صنع العربية وعملها كمبيوتر اعطال وقالك انها عايزة موبينة

دة انت حتي لو هتجيبها علي التجربة
كمان احب اقولك انها قطع غيار لازم تكون في العربية - لأنها لو قطعت منك وانت ماشي العربية علي الفور هتبطل منك اياً ما كانت سرعتك اللي انت ماشي عليها
وبالتالي لو معاك واحدة احتياطية - هتتجنب العطلة علي الطريق

ولعلمك الريجلاتور فالف اللي في اخر المسطرة - عطله يسبب مشكلة كبيرة في العربية وفي السحب
ويعمل كل الأعراض اللي انت بتقول عليها دي بالأضافة كمان لأرتفاع استهلاك البنزين نوعاً ما

غيره الأول وشوف الدنيا فيها ايه
لو ما ظبطتش - يبقي لازم بوبينة

تحياتي

[HanyAziz]

الاخ الفاضل syd بعدالتحية
انا مع حضرتك فى انى العلم قال كلمتة والجهاز قرا موبينة بس ساعات بنقول اسئل مجرب ولا تسئل طبيب الكهربائى اللى روحتلى لية سمعة طيبة جدا ومن القلائل اللى بيشتغلوا فى الشرائح وضفاير العربيات وتغييرها بالكامل ان احتاج الامر وفى العربيات الحديثة وليست القديمة كمان الميكانيكى اللى مشهور ومعروف بصيانتة للالمانى والاوبل ورانى قدام عينى قوة الشرز الخارجة من كل كابل خارج من ال 4 كابلات بتوع الموبينة وقالى استحالة يكون فية ضعف اوتهريب او تتليت ويكون الخارج بالشكل دة ومن هنا جاءت الحيرة والتردد وانا فى انتظار نصيحتكم وخصوصا سكس بلف الراجع غير متوفر عندى ومش لاقية جديد مستعمل وشكرا

[Abo_Mazen]

الاخ الفاضل syd بعدالتحية
انا مع حضرتك فى انى العلم قال كلمتة والجهاز قرا موبينة بس ساعات بنقول اسئل مجرب ولا تسئل طبيب الكهربائى اللى روحتلى لية سمعة طيبة جدا ومن القلائل اللى بيشتغلوا فى الشرائح وضفاير العربيات وتغييرها بالكامل ان احتاج الامر وفى العربيات الحديثة وليست القديمة كمان الميكانيكى اللى مشهور ومعروف بصيانتة للالمانى والاوبل ورانى قدام عينى قوة الشرز الخارجة من كل كابل خارج من ال 4 كابلات بتوع الموبينة وقالى استحالة يكون فية ضعف اوتهريب او تتليت ويكون الخارج بالشكل دة ومن هنا جاءت الحيرة والتردد وانا فى انتظار نصيحتكم وخصوصا سكس بلف الراجع غير متوفر عندى ومش لاقية جديد مستعمل وشكرا

أهو أنا موضوع الشرز اللي طالع من الموبينا ده زاولني قبل كده مزاولة السنين ..كان عندي تأخير في الدواره مش لاقيله سبب ..وكان التأخير ده في أول اليوم بس ..وغيرت بوجيهات وفلاتر هوا وبنزين ..وحطيت منظف رشاشات ..وفي الآخر طلعت موبينه ..ومغيرتهاش غير لما قطعت مره واحده وأنا ماشي ..وعلى فكره ...كنت كل ما أروح لميكانيكي يعمل حكاية الشرز دي ويقولي بص ..الموبنيه مفيهاش حاجه ..وأنا شغال بقى تغيير في حاجات وفي حتت تانيه

[HanyAziz]

الاخ ابو مازن
بعدالتحية
انا هغير الموبينة وان شاء الله العيب يطلع منها انا لقيتها والبائع قالى موبينتها هى موبينة الاسكودا a4 وكنت هخدها واتصلت على الكهربائى قالى هيغيب عن الشغل يومين وفقلت لما ييجى علشان ماجبهاش واركنها ولكم جزيل الشكر

[Abo_Mazen]

الاخ ابو مازن
بعدالتحية
انا هغير الموبينة وان شاء الله العيب يطلع منها انا لقيتها والبائع قالى موبينتها هى موبينة الاسكودا a4 وكنت هخدها واتصلت على الكهربائى قالى هيغيب عن الشغل يومين وفقلت لما ييجى علشان ماجبهاش واركنها ولكم جزيل الشكر

إن شاء الله المشكلة تتحل