يا جماعة انا محتار ارجوكم عايز حل لمشكلتى

[mahmoud elgiza]

انا عضو جديد معاكو هنا وانا عايز اجيب عربية ابيزة انا كل اللى معايا ٣٥ الف شوفت مواضيع كتير وعيوب ومميزات عربيات كتير وبرضو انا فى حيرة كبيرة اوى ياريت انتو تخلصونى من الحيرة دى انا شوفت الفيات سيينا الكل بيشكر فى صالونها وسحبها وقوتها بس الكل بيعيبها من ناحية انها بتسخن والثبات بتاعها مش تماموان مش اى ميكانيكى يلعب فيها لانها كلها كمبيوتر نيجى للاوبل كورسا الكل بردو بيشكر فيها بس مافيهاش اى امكانيات وقطع غيارها فى ناش بتقول انها غالية وان صالونها ضيق جيثت ابص على الابيزا لاقيت كلو بيقول عليها حلوة ومافيش فيها عيوب والهربية قطع غيارها زى الرز واى ميكانيكى بيصلحها بس فى اخ لاقسته كاتب هنا موضوع ان فى مشاكل فى عصاية الفتيسةوان بيحص تسريب للمية جو العربية بعد غسيلها وان السقف بيتقطق لما الواحد بيكون ماشى فى طريق مش ممهد وان العفشه بتاعتها بتبوظ بسرعة وبتحتاج تربيط كل شوية وان العربية شنطتها ضيقة فانا مش عارف اجيب ايه ولا اعمل ايه وبجد انا محتاج للعربية اوى اليومين دول فاقولت مافيش غير اخواتى اللى هنا هما اللى هيفيدونى
وانا اسف للاطالة

[ShekoT]

انا صاحب موضوع ان الابيزا الفتيس في مشكله اعتقد ... هو مش مشكله في الفتيس هو في اعتيادي انا عليه لكن هما يومين تدريب والفتيس بقي عادي جدا ليا وتمام اوي الحمد لله ... بالنسبة لباقي العيوب الي ذكرتها انا مش موجوده عندي علي الاطلاق ممكن تكون حالات فردية كل واحد واعتنائة بعربيتة واستخدامة ليها ... انا عن نفسي جالي موضوع سفر فجاءة وبفكر حاليا اني ابيع عربيتي ابيزا 94 بدل ما تتركن فترة طويلة .. لو حضرتك مهتم تعرف بباقي التفاصيل كلمني علي الخاص وان شاء الله خير

[Abo_Mazen]

السيينا عملت مشكلة سخونيه مع ناس ..ومع ناس تانيه لأ ..الكورسا قطع غيارها موجوده ..بس في ناس في محافظات إقليمية بتعاني شوية عشان قطع غيارها ..الإبيزا كل اللي راكبينها عارفين مداخلها ..على فكره ..كنت قريت هنا مشاركات لناس بتعاني مع حرارة الإبيزا ..بس هي كل الإبيزا كده ؟؟...أكيد لأ ..المهم في القصه دي كلها قبل ما تشتري أي عربية ..الحاله ..وتفحص كويس ..