يعني ايه سنتر هواااااااا ؟

[kojy]

يا شباب , السنتر بتاعي حصلو مشكلة ومبأش بيشتغل ولما رحت اصلحو الراجل قالي انه سنتر هواااااا ! وطبعا انا مكنتش فاهم اي حاجة المهم فهمت نظام السنتر بتاعها انه هوا وضغط وحجات كدة ولما كشف عليه اتضح ان الكومبريسور بتاعها هو الي فيه مشكلة وقالي عنده واحد كويس بداله ب200 جنيه .
هو ده الى حصل معايا بالضبط والسؤال بقى ....
ياريت حد يفدني هل اغير السنتر الهوائي ده خالص وافكني منه ؟ ولا اشتري الكومبريسور احسن وليه ؟
مع العلم ان الراجل قالي انه الفابريكة بتاع بلدها . افيدوني افادكم الله .

[grumby78]

ركب سنتر عادي ( سياخ) وسيبه زي ماهواااااا . اسمع كلامي وفكك منه عشان مشاكله كتيرة.

[iBiZa]

السنتر الهوا من احسن انواع السنتر و عشان كدة اغلاهم. بينزل فى المرسيدس و الbmw من زمان.

فكرتة ان مكن الابواب بيشتغل بضغط الهوا بدال ما يشتغل كهرباء, الكومبريسور يسحب هوا من الدورة تلاقى كل الابواب قفلت و العكس صحيح.

الكومبريسور دة هتلاقية راكب عندك فى الشنطة تحت الفانوس الخلفى اليمين.

الاحسن طبعا انك تغير الكومبريسور دة بس هو كدة بيستهبل فى سعرة بصراحة لانة المفروض بيبقى فى حدود 150 جنية (زائد او ناقص حاجات بسيطة).

و بعدين دة بيبقى راكب على الكوالين فا لو عايز تشتغل صح لما تشيلة, لازم تغيرالكوالين دية بكوالين عادية و الا هيبوظوا السنتر الجديد مع الوقت عشان بيبقوا عاملي حمل على المكن الكهربا.

و بعدين انت عندك السنتر 6 طرف, 4 للابواب و واحد للشنطة و واحد للتنك يعنى هتشترى طقم كامل + مكنتين (يبقى انت كدة دخلت فى ال150 جنية من غير ما نقول اى مصنعيات).

[Ahmad]

السنتر الهوا دة ممكن أقفله بايدي من جوه ولا لازم بالمفتاح؟
أصلي بحس أنه تقيل جدا و ممكن يحصله حاجة و أنا بضغط علي المسوجر.

[kojy]

الف شكر يارجالة . وعلى فكرة يا احمد الراجل بتاع السنتر قالي عادي ممكن تقفله من جوه وهوه فعلا بيبقى تقيل اوي بس ليه انت عايز تقفله من جوه؟ خليك بالمفتاح اضمن ؟ وعلى فكرة يا احمد انا ركبت عليه انزار كوبرا عامل حوالي 120 جنيه والحمد لله شغال معاه كويس يعني مريح دماغي من المفتاح والأفل من جوه

[iBiZa]

السنتر الهوا دة ممكن أقفله بايدي من جوه ولا لازم بالمفتاح؟
أصلي بحس أنه تقيل جدا و ممكن يحصله حاجة و أنا بضغط علي المسوجر.

ممك بايدك عادى و فعلا بيبقى تقيل شوية.

لية ؟؟

اعتقد لان المفروض الكالون هو اللى بيعمل Trigger للطرمبة اللى ورا عشان تشتغل.

و الله اعلم.

الف شكر يارجالة . وعلى فكرة يا احمد الراجل بتاع السنتر قالي عادي ممكن تقفله من جوه وهوه فعلا بيبقى تقيل اوي بس ليه انت عايز تقفله من جوه؟ خليك بالمفتاح اضمن ؟ وعلى فكرة يا احمد انا ركبت عليه انزار كوبرا عامل حوالي 120 جنيه والحمد لله شغال معاه كويس يعني مريح دماغي من المفتاح والأفل من جوه

طب مش تقولنا جبت الطرمبة بكام ولا قلبتة كهرباء ؟؟

[Ahmad]

الف شكر يارجالة . وعلى فكرة يا احمد الراجل بتاع السنتر قالي عادي ممكن تقفله من جوه وهوه فعلا بيبقى تقيل اوي بس ليه انت عايز تقفله من جوه؟ خليك بالمفتاح اضمن ؟ وعلى فكرة يا احمد انا ركبت عليه انزار كوبرا عامل حوالي 120 جنيه والحمد لله شغال معاه كويس يعني مريح دماغي من المفتاح والأفل من جوه

شكرا لردك يا Kojy,
ساعات بيركب معايا ناس متعودة تقفل المسوجر جنبها :) علشان كدة كنت حابب أطمن أن مفيش مشاكل من قفله من جوه بالضغط..
بالنسبة للانذار, العربية عندي فيها الانذار الأصلي و المفتاح الريموت الأصلي , بس الخوف لو حاجة منهم باظت, ربنا يستر :)

ممك بايدك عادى و فعلا بيبقى تقيل شوية.
لية ؟؟
اعتقد لان المفروض الكالون هو اللى بيعمل Trigger للطرمبة اللى ورا عشان تشتغل.
و الله اعلم.
طب مش تقولنا جبت الطرمبة بكام ولا قلبتة كهرباء ؟؟

شكرا لردك يا iBiZa :)

[kojy]

والله يا ابيزاوي انا مش فاهم قصدك يا ريت توضحلي كلامك سعر ايه الى عايز تعرفه بالضبط؟ وايه الطلمبة ده ؟ معلش انا قلتلك انا مش قوي في السناتر .

[iBiZa]

انا قصدى على الكومبريسور نفسة, انت غيرتة ولا اية ؟؟ و بكام ؟؟

هو نفسة فية ناس بتقول علية طرمبة.

[kojy]

اااه معلش يا ابيزاوي الغلطة ده عندي انا , عموما بعد مانصحتني بالفعل رحت للراجل واشتريت منه الكومبريسور من شارع دمشق " روكسي" وكان قافل دماغو على 200 وده طبعا لأني ملأتوش خالص عند حد تاني بس انا خدته منه بالعافية على 180 والحمد لله مطلعش عندي إرب بايظة يعني الكومبريسور بالمصناعية عمل 210 , والحمد لله شغال لحد دلوقتي معايا تمام .

[iBiZa]

طيب جبتة من عند مين للافادة, لانى اعرف انة استيراد بس و مفيش منة جديد.

[kojy]

والله اما مش فاكر اسمه بالضبط بس لو انت عارف شارع دمشق هتلاقي الراجل في وش البنزينة على طول وهو اصلا متخصص في الكاستات والانزار وكان اسم الصنيعي
"ايمن" , وطبعا الكومبريسور استيراد مفيش منه جديد للأسف , بس اهم حاجة تفتح الغطا بتاعو "هتلاقيه مدور ورفيع أوي " وتجرب المفتاح الداخلي بأيدك عشان تتأكد انه قوي ومفوش مشاكل , الراجل هو إلى علمني كده , واتمنالك التوفيق

[iBiZa]

بس لو انت عارف شارع دمشق هتلاقي الراجل في وش البنزينة على طول وهو اصلا متخصص في الكاستات والانزار وكان اسم الصنيعي
"ايمن"

يا باشا الف شكر ليك و الشرح الوافى.

بس انت قصدك قدام شل ولا التعاون ؟؟

[kojy]

انا مش فاكر بالضبط نوعها ايه بس هي في الشارع الي بيخرجك على حرية مول يعني لو دخلت الشارع الجانبي بتاع حرية الى فيه المدخل ومشيت على طوووول لحد دمشق هتلاقي البنزينة في وشك والراجل يمينك يعني في وش البنزينة الناحية التانية من الشارع . 100 100 ؟

[iBiZa]

كدة يبقى التعاون, الف شكر ليك يا باشا و لتعبك فى الشرح.