عايزة اقفل led الليون

[Yoyo.yasso]

صباح الخير :)
كل سنه وانتو طيبين جميعاا
باختصار
ضوء الليد النهارى بتاع الليون اللى بيفتح اوتوماتيك مع الكونتكت ده عايزه ألغيه لانه ملفت اووى بالنهار وكذا حد الاقيه بيشاورلى فيما معناه يعنى اطفى النور فاكرين انه نور الفوانيس و انا اللى مشغلاه
فى طريقه اطفيه بيها ولا هو ستوك كده ؟

[Alyy456]

و حضرتك طيبة هو انا سالت ناس معاها كيا كارينز و نيسان سينترا فيهم ليدات قالولي مبتتقفلش و وحاولو كتير لكن للاسف مبتتقفلش و انا بصراحه عمري ما شفت سيات ليون هاي لاين قافلة ليدات و الناس للاسف مش فاهمه ان الليد مبيتقفلش فا هيفضلو يشاورو عادي جدا و انا سمعت ان ال LED lights لازم تفضل منورة كتير عشان قوة اضاءتها متقلش و قفلها و فتحها ممكن يبوظها فاعتقد ان عشان السبب ده الليدات مبتتقفلش ....و ياريت حضرتك تقوليلنا اخبار العربية ماشية كام كيلو و الفتيس و الموتور و نوع البنزين ايه اخبارهم هل قابلتك اي عيوب في العربية ؟ ربنا يباركلكو فيها

[Abo_Mazen]

إممم ...يعني إحنا عايزين نلغي حاجه أو إمكانية جايه في العربية من بلادها عشان خاطر الناس مش فاهمه ؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!

[Yoyo.yasso]

و حضرتك طيبة هو انا سالت ناس معاها كيا كارينز و نيسان سينترا فيهم ليدات قالولي مبتتقفلش و وحاولو كتير لكن للاسف مبتتقفلش و انا بصراحه عمري ما شفت سيات ليون هاي لاين قافلة ليدات و الناس للاسف مش فاهمه ان الليد مبيتقفلش فا هيفضلو يشاورو عادي جدا و انا سمعت ان ال led lights لازم تفضل منورة كتير عشان قوة اضاءتها متقلش و قفلها و فتحها ممكن يبوظها فاعتقد ان عشان السبب ده الليدات مبتتقفلش ....و ياريت حضرتك تقوليلنا اخبار العربية ماشية كام كيلو و الفتيس و الموتور و نوع البنزين ايه اخبارهم هل قابلتك اي عيوب في العربية ؟ ربنا يباركلكو فيها

تمام متشكرة اوى
العربيه الحمد لله ممتازة ماشيه دلوقتى حوالى ١١ الف كيلو وماوجهتناش مشاكل الحمد لله لا فى الفتيس ولا الموتور
هى ماشيه ببنزين ٩٢ بس بتسمع صوت تكريكة خفيفه كده على الغيار الاول لحد ما العربيه تنقل
انما على بنزين ٩٥ مفيش اى صوت فاحنا بنمونها مرة ٩٢ ومرة ٩٥
على الطريق العربيه ثابته جداا ومريحه وهاديه احنا الحمد لله راضيين عن اختيارنا ليها

[Yoyo.yasso]

إممم ...يعني إحنا عايزين نلغي حاجه أو إمكانية جايه في العربية من بلادها عشان خاطر الناس مش فاهمه ؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!

اولا انا بسأل لسه هل جايه من بلدها كده ولا ممكن يتقفل
ثانيا عربيتى وانا حرة فيها اقفل علشان الناس او علشان شكلها مضايقنى دى حاجة ترجعلى متخصش حد انا مأخدتش رأى حضراتكم اقفلها ولا لا انا بسأل عن الكيفيه والسؤال مايديش الحق لا لحضرتك ولا لغيرك انك تعرف السبب الحقيقي

[Hany Saad]

الفلوانس فيها إمكانية تفعيل او إلغاء ال DRL من ال Settings فى تابلوه العربية و دى ميزة كويسة فى نظرى
يا ريت حضرتك تسألى التوكيل فى الصيانة القادمة عن إمكانية إلغائها من ال diagnostic laptop او جهاز كشف الأعطال اللى بيقدر يغير منه ال software بتاع العربية....اعتقد ممكن

تحياتى

[Abo_Mazen]

ثانيا عربيتى وانا حرة فيها اقفل علشان الناس او علشان شكلها مضايقنى دى حاجة ترجعلى متخصش حد انا مأخدتش رأى حضراتكم اقفلها ولا لا انا بسأل عن الكيفيه والسؤال مايديش الحق لا لحضرتك ولا لغيرك انك تعرف السبب الحقيقي

وقال أنا اللي بسأل ..هو التفاعل في المنتدى قل ليه ؟؟؟؟؟!!!!!!!!!!!!!!!!!

[Yoyo.yasso]

الفلوانس فيها إمكانية تفعيل او إلغاء ال drl من ال settings فى تابلوه العربية و دى ميزة كويسة فى نظرى
يا ريت حضرتك تسألى التوكيل فى الصيانة القادمة عن إمكانية إلغائها من ال diagnostic laptop او جهاز كشف الأعطال اللى بيقدر يغير منه ال software بتاع العربية....اعتقد ممكن

تحياتى

تمام
ميرسى لحضرتك

[Yoyo.yasso]

وقال أنا اللي بسأل ..هو التفاعل في المنتدى قل ليه ؟؟؟؟؟!!!!!!!!!!!!!!!!!

طبعا
طبيعى الاعضاء تمشى ومشاركاتهم تقل لو ده اسلوب الرد على اسئلتهم

[pepo2011]

للاسف المشكلة دي ملهاش حل اولا لانها اوتوماتيك مما يضطر للعب في كمبيوتر السيارة وهو اخطر شيء
وثانيا لانه بيأثر علي عمرة اللمبة نفسها وهي غالية جدا
فاعتقد سيبك من كلام الناس لان العربية اهم من الكلام

[Abo_Mazen]

[SIZE="5"][COLOR="Purple"]

طبعا
طبيعى الاعضاء تمشى ومشاركاتهم تقل لو ده اسلوب الرد على اسئلتهم

هو كان إيه أسلوب الرد عشان أنا مش واخد بالي؟؟؟!!!! ..

أنا كل اللي أنا عملته إني إستنكرت إن الناس مش فاهمه إن ده نظام في العربية ..وإن إحنا مطلوب مننا نلغي الأوبشن ده عشان الناس مش فاهمه ..

إيه الخطأ في أسلوبي ..أنا إستهجاني كان من رد فعل الناس اللي مش فاهمه ..مش من تساؤل حضرتك ..

المشاركه اللي أنا عاملها موجوده لسه متحذفتش ..وقلت فيها ..إحنا عايزين نلغي حاجه أو إمكانية جايه في العربية من بلادها عشان خاطر الناس مش فاهمه ..

أنا قلت إحنا ..يعني المشاركين في المنتدى واللي بيسألو ..عايزين نلغي حاجه أو إمكانيه جايه في العربية من بلادها عشان خاطر الناس ..الناس اللي هما حضرتك قلتي إن هما مستغربين إن النور ده شغال في العربية بالنهار ..

فين بقى الأسلوب اللي يستدعي إن محدش يدخل المنتدى بسببي؟؟؟!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!

[Eslam.Elrefaey]

براحة ياجماعة ليه العصبية
الليد ده وظيفته ان العربية تبقى ظاهرة اصلا انك تبقى متشافه ببساطة يعنى الناس ياخدوا بالهم من العربية ويبقوا شايفنها سواء نهار او ليل والكلام ده مثلا موجود فى امريكا من زمان جدا وبالذات فى الموتسيكلات الى بتبقى جايا من هناك النور لازم شغال وكان بيبقى كمان نور عادى مش مجرد ليد فانك تطفيه مش صح لانه معمول اساسا لمصلحتك بعيدا عن ان الناس -وان كان غرضهم شريف- انهم بيفكروا ان انت النور بايظ او ناسية تطفيه

[Yoyo.yasso]

تمام
شكرا لكل اللى ردوا
انا ماكنتش اعرف ان له علاقه بعمر اللمبه نفسها وانه احسن ليها
و حصل خير يا استاذ ابو مازن الموضوع مش مستاهل

[sala7]

بالراحة يا جماعة ..... بالراحة

بالنسبة للاخ صاحب الموضوع اللي بيسأل على انه ممكن يلغى ال DAYLIGHT .. طبعا ينفع و الافضل انه يتلغي بال VCDS و طبعا ممكن هضرتك تلغيه من ال setting بسهولة لو عربيتك مجهزة بال Multifunction

بالنسبه بقا للأخ ابو مازن .. حضرتك فهمته غلط .. كان فيه سوء تفاهم لفهمك لكلامه
هو كان قصده انه مستغرب الناس اللي مش فهمة ان ده اوبشن نازل في العربية ، و زي ما حضرتك عارف ان اوربا مسبقانا بحوال قول من 100 الى 140 سنه تكنولجي .. فا اكيد الناس عندك في بلدك فاقدة الزمن 140 سنة
فا معلش يا سيدي حقك عليا انا .. الراجل كان بس مستغرب الناس مش اكتر

لو حضرتك بتسال لمجرد السؤال و ده حقك طبعا .. و انا مش ناسي ان العربية بتاعتك بردوا و مش هنسى ان الفانوس بتاعك و انت حر في تشغيله او لا .. فا اجابة سؤالك انه ينفع طبعا عن طريق اول سطرين انا كتبهم فوق .

بس نصيحه بقا مني لوجه الله تعالى .... الناس اللي مش فاهمة سيبك منها و عيش حياتك زي ما انت عايز .. الناس دي بكره هيفهموا

خالص تحياتي

[mario_9111]

طيب بس سؤال هل الليدات متوصله باي فيشه في الكشاف هل مدمجة أو منفصله اعتقد انها ممكن تكون فيشه منفصله ممكن تتفك وخلاص ونتحمل اللمبه إلى هتنور في شاشه العدادات