استفسار بخصوص شراء سيات توليدو

[Mosallam79]

السلام عليكم،

أنا عايز احجز سيات توليدو هاي لاين و محتار بينها و بين البيجو ٣٠١ و الستروين سي اليزيه ...... من كلام الناس في المنتدى حبيت التوليدو اكتر و لكن عرفت ان موتورها 1.6 mpi و هو موتور قديم نسبيا بالاضافة لعدم انتشارها ... اخبار العربية آيه مع المطبات .... رجاءاالرد عليا بآرائكم و لكم جزيل الشكر

[mohamed hussei]

مع المطبات زي الفل معدا الجبال او المطبات الغير ادميه وانت محمل الخمسه في جروب علي فيس خاص بملاك توليدو دور عليه

[Mosallam79]

شكرا جزيلا على الرد ... طب كون ان موتورها قديم ده عامل مشكلة و لا تمام .... هل بينزلها فوانيس led ....و اخبار السحب ايه

[mohamed hussei]

شكرا جزيلا على الرد ... طب كون ان موتورها قديم ده عامل مشكلة و لا تمام .... هل بينزلها فوانيس led ....و اخبار السحب ايه

هو مش متور قديم قوي ودة ميزه ان كدة انت بقيت بعيد عن الفتيس dsg و بعيد عن التربو وصيانته وبنزين 95 او تشوف بنزينه 92 نضيفه

[arc_sherif_81]

السياره جيده كموتور و العفشه ناشفه شويه بس عموما افضل من ال301 و الستروين

[Mosallam79]

شكرا جزيلا لحضراتكم .... ماذا عن المطبات؟

[mohamed hussei]

شكرا جزيلا لحضراتكم .... ماذا عن المطبات؟

شوف مشاركه بتاعتي فوق

[vita]

السلام عليكم
بعد اذنكم انا بفكر اشتر ي توليدو وعايز اعرف ارتفاعها عن الارض عامل ايه

[goyamasta]

السلام عليكم
بعد اذنكم انا بفكر اشتر ي توليدو وعايز اعرف ارتفاعها عن الارض عامل ايه

اعتقد موضوع الارتفاع عن الارض ده اخر حاجة ممكن تقلق منها. هى ما شاء الله مش بتحك فى ولا مطب حتى لو مركب 5 فى العربية و الشنطة محملة. توكل على الله و مش هتندم :)

[vita]

السياره جيده كموتور و العفشه ناشفه شويه بس عموما افضل من ال301 و الستروين

يعني ايه العفشه ناشفه يعني ممكن تنزل من العربيه تلاقي جسمك مكسر من المشوار ولا ايه
وياترا الغفشه الناشفه بسيط ميزه ام عيب

[mohamed hussei]

يعني ايه العفشه ناشفه يعني ممكن تنزل من العربيه تلاقي جسمك مكسر من المشوار ولا ايه
وياترا الغفشه الناشفه بسيط ميزه ام عيب

مش للدرجادي هي بتحس بالنقر الي علي الطريق بس

[movado]

معايا التوليدو الهاى لاين زجاج فيمية وتكيف تاتش وكومبيوتر وساوند سيستم كامل
طبعا بدون كلام التوليدو لا تقارن نهائى بالبيجو 301 او الستروين اليزية دى فئة تانية اقل ممكن تقارنها بالرينو او الشارك او الكروز او الكيا
عموما التوليدو تكسب فى التقييم عن كل ما زكر فوق
التوليدو باختصار احسن عربية فى مصر فى سعر تحت 200 الف جنية
بس اعادة البيع مش هتكون كويسة
وشكرا لكل الى نصحنى سابقا بشراءها ايام ما كنت متردد

[mohamed hussei]

معايا التوليدو الهاى لاين زجاج فيمية وتكيف تاتش وكومبيوتر وساوند سيستم كامل
طبعا بدون كلام التوليدو لا تقارن نهائى بالبيجو 301 او الستروين اليزية دى فئة تانية اقل ممكن تقارنها بالرينو او الشارك او الكروز او الكيا
عموما التوليدو تكسب فى التقييم عن كل ما زكر فوق
التوليدو باختصار احسن عربية فى مصر فى سعر تحت 200 الف جنية
بس اعادة البيع مش هتكون كويسة
وشكرا لكل الى نصحنى سابقا بشراءها ايام ما كنت متردد

ممكن تخش جروب الملاك seat toledo owners