ترموستات الردياتير والكوبلن الشمال

[sam_eh420]

السلام عليكم ورحمة الله وبركاته اعضاء المنتدي المحترمين

انا عندي مشكلتين

1- ترموستات الردياتير(80-90) غيرته اكتر من 4 مرات في اقل من 4شهور وبرضه بيتحرق والمروحه تقف والعربيه تسخن روحت عند كهربائي ركبلي كتاوت قبل الثرموستات وبرضع اتحرق مش عارف اعمل ايه ؟

2- الكوبلن الشمال وقع مني اكتر من 4 مرات المسامير بتفك من عند الفتيس وكل شهرين يروح واقع اخر مره رحت عند الميكانيكي ركب علي المسامير ورد سوسته وقالي دي مش هتخلي المسامير تفك مع العلم ان في ميكانيكي قالي الكوبلن لو بيقع يبقي فيه رفه ولازم يتغيير فهل الكلام ده صحيح واعرف منيين انه فيه رفه ولا المشكله في حاجة تانيه.

وشكرا

[ehab_mansour]

1- المفروض الكتاوت يركب بعد الثرموستات لأت غالبا المراوح عماله حمل عالي عليه و بتحرقه لذلك محتاج تخرج حمل المراوح بره الثرموستات
2- يا اما فعلا الكوبلن فيه رفه و مش مضبوط و عاوز يتغير او مكان تربيط المسامسر حلق من جسم الفتيس و هنا لازم الفتيس هو اللي يتغير

[sam_eh420]

شكرا لردك يا مهندس ايهاب
ان مش عارف هو الكتاوت راكب قبل الثرموستات او بعده .بس ممكن اسئل الكهربائي
وازاي اتاكد من الكوبلن اذا كان فيه رفه ولا مكان المسامير هي اللي حلقه.
وشكرا

[mohammad isdf]

كده فى حاجه مش مظبوطة
انت بتقرص جامد فى الملفات ؟ الشاسيه عندك اخباروا ايه ؟ الجنوط فيها رفه ؟

[sam_eh420]

استاذ محمد
1-انا مبقرص في الملفات ولا حاجه
2-الشاسيه اعتقد انه كويس لاني شاري العربيه من 3 سنين وهي كويسه معايه ولو في طريقه ان اعرف بيها الشاسيه كويس ولا لاء ممكن تقولي.
3-الجنوط برضو اعتقد انها كويسه انا مركب 2 كوتش جديد من حوالي سنه والراجل كان مرصص الجنوط وكانت كويسه .
انا بجيب بالعربيه سرعه 100 كم وبتكون ثابته والحمد لله ومبرضاش ازود عن كده علشان مش عايز ااقرص علي الماتور .