استفسار اخير قبل شراء التوليدو 2016

[ahmed alwakeel]

بسم الله الرحمن الرحيم
قبل تنفيذ قرار شرا التوليدو 2016
ناس كتير اتكلمت عن اسعار قطع الغيار
و كل واحد بيقول سعر مختلف
و ابرز مثال كان الاكصدام واحد قال ب3000مش مرشوش و واحد قال 1100
العربيه هايله و بسعر لقطه
بس خايف اورط نفسى فى عربيه اقدر على تمنها و لا سمح الله اركنها عشان تمن قطع غيارها
افيدونا افادكم الله
و يا ريت ملاك توليدو اللى اتعاملوا مع التوكيل يطمنونا
و شكرا

[Abo Hur]

نفس الأستسار ومحتاج الرد زى حضرتك.

[M.Elwan]

بسم الله الرحمن الرحيم
قبل تنفيذ قرار شرا التوليدو 2016
ناس كتير اتكلمت عن اسعار قطع الغيار
و كل واحد بيقول سعر مختلف
و ابرز مثال كان الاكصدام واحد قال ب3000مش مرشوش و واحد قال 1100
العربيه هايله و بسعر لقطه
بس خايف اورط نفسى فى عربيه اقدر على تمنها و لا سمح الله اركنها عشان تمن قطع غيارها
افيدونا افادكم الله
و يا ريت ملاك توليدو اللى اتعاملوا مع التوكيل يطمنونا
و شكرا

رغم اني بحب التوليدو جدا وشايف انها صفقه بالسعر ده والامكانيات دي
بس للاسف العربيه زي اي عربيه تتبع مجموعه vw حتلاقي صعوبات شويه في قطع الغيار من جيث توافرها واسعارها
خصوصا مع وكيل ضعيف والعربيه لسه جديده علي السوق ولسه منتشرتء
طبعا لو قارنتها بالشارك مثلا دي عربيه مغيرتش شكل ومتواجده في السوق من اكتر ٧ سنين وقطع غيارها موجوده جديد ومستعمل واستيراد فحتي لو التوكيل ضعيف فمش مهم التوكيل

طبعا في عربيات كتير مكنش ليها انتشار زمان وكانت الناس بتخاف تشتريها وبعد كده حققت نجاح وسمعه وانتشرت واختفت مشاكل قطع غيارها
زي اللوجان مثلا والشارك اول ما نزلت والسكودا a4 وانا توقعي ان التوليدو حتنتشر خلال سنتين بشكل كبير

[hugan]

لو مكانك أفكر في
شارك

[wael30003]

بص يا استاذ ....انا هقولك المختصر المفيد ....عشان انا عشت التجربة بتاعة قطع الغيار دى .....بس بشكل ايجابى مش سلبى ......
انا كان معايا رينو لوجان .....وبعيد عنك عملت حادثة .....اللى يشوف العربية يقول الرفرف مخدوش والفانوس مشروخ لكن العربية كانت عايزة
شاسيه اكصدام
سربنتينة تكييف
ردياتير
كمبروسر تكييف ده لوحده ٤٢٠٠جنيه
فانوس امامى
رش الكبوت
شحن تكييف فريون
بلية شداد
بلية ثابتة
طقم سيور
مية ردياتير
ترموستات
طبعا ده ما كانش باين من بره
وانا بصراحة عملتها فى مركز معتمد وكان بيخيرنى اركب تقليد ولا اصلى .....انا بصراحة سألتة التقليد صناعة ايه وضمانه ايه قال لى انا اضمنه لك
المهم صلح وركب وخلص بس ما كانش يعرف الكمبروسر باظ
رحت له مرتين وما عرفش
رحت التوكيل بعد عدة حوارات دفعت ٤٢٠٠جنيه بعد خصم الفريون والمنصعية وبلية الشداد والبلية الثابتة
الليلة دى طلعت بكام
١٠٠٠٠مقفولة ياباشا
مع ملاحظة ان اشتريت قطع غيار مش اصلية
ردياتير سربنتينة فانوس ...الكلام ده كان ٢٠١٣
والعربية موديل ٢٠١٢.....
انا عايز اوصلك لايه .....انت مش ضامن طريقك
وما حدش بيقول انا ناوى اعمل حادث كمان يومين تلاته عشان اسلى نفسى .....
خليك فى المضمون عشان القرشين بتوع العربية جايين بالعافية ....لكن لو معاك كتير وربنا يزيدك ...هات باسات وريح دماغك ....
والسلام عليكم

[هوندا]

...محدش ضامن طريقه

وما حدش بيقول انا ناوى اعمل حادث كمان يومين تلاته عشان اسلى نفسى
كده صح خليك فى المضمون

[mohamed hussei]

الاسعار نزلت عن كده كلام من نهارده في توكيل

[ahmed alwakeel]

نزلت بقت كام
يا ترى فى ارقام ؟
و شكرا للاهتمام

[hugan]

نزول السعر دليل علي ان العربيه ما بتبيعش

[sherif1988]

نزول السعر دليل علي ان العربيه ما بتبيعش

مين اللى قال كدة
العربية عليها حجز لحد شهر 2
وحضرتك تقول العربية مبتبعش
نزول الأسعار بيدل على حاجة من الاتنين
يا اما العربية مبتبعش ودة ينزل سعر العربية فقط
يا اما العربية عليها طلب كتير وبقت تبيع فا بالتالى بقا فية توافر اكتر لقطع الغيار من المستوردين أدى الى انخفاض الأسعار في قطع الغيار

[hugan]

مين اللى قال كدة
العربية عليها حجز لحد شهر 2
وحضرتك تقول العربية مبتبعش
نزول الأسعار بيدل على حاجة من الاتنين
يا اما العربية مبتبعش ودة ينزل سعر العربية فقط
يا اما العربية عليها طلب كتير وبقت تبيع فا بالتالى بقا فية توافر اكتر لقطع الغيار من المستوردين أدى الى انخفاض الأسعار في قطع الغيار

حضرتك مقتنع ان ااسعر نزل علشان العربيه عليها حاجز جامد
اللي اعرفه في مصر ان اي سلعه عليها طلب سعرها بيرتفع
مفيش عليها طلب سعرها بينزل
اﻻ ان كان الوضع اتغير

[sherif1988]

حضرتك مقتنع ان ااسعر نزل علشان العربيه عليها حاجز جامد
اللي اعرفه في مصر ان اي سلعه عليها طلب سعرها بيرتفع
مفيش عليها طلب سعرها بينزل
اﻻ ان كان الوضع اتغير

العربية مبقاش عليها ضغط جامد الا لما السعر نزل
بس حضرتك كنت بتقول علي قطع الغيار اسعرها نزلت بسبب انة مفيش طلب على العربية

[هوندا]

الحجز شهرين أو أكتر لأن التوكيل ضعيف بيجيب عدد قليل و بيديه للتجار علشان يعطش السوق و تبقي بالأوفر برايس و لابد يكون مستفيد مش لازم تكون العربية كفاءة احنا في سوء (اقصد سوق ) الإتجاه المعاكس

[mohamed hussei]

انا بكلم علي اسعار قطع غيار نزلت

[سيات]

السلام عليكم
التوليدو محجوزه فى التوكيل حتى دفعه شهر مارس 2016 والناس بتشتريها باوفر برايس يتراوح من 5 الى 10 الاف والاقبال عليها جامد بسبب انها عربيه ممتازه والمانى اسبانى وثبات وحاجات كتير وبصراحه مفيهاش عيوب جوهريه والحاجه التانيه سعرها منافس جدا 140 الف اما بالنسبه لسعر قطع الغيار ده طبيعى ومش غالى بالمقارنه بحاجات تانيه كتير وانا شايف ان قطع الغيار بدات تتوافر فعلا خارج التوكيل وجوه التوكيل