انفجار غطا قربة المياة

[Mesho Ibiza]

حصلتلى مشكلة وانا راجع من سفر حرارة الموتور عليت
والمؤشر قرب يوصل للعلامة الحمراء فوقفت عشان افتح القربة وازودها الغطا انفجر من شدة الضغط واتكسر

والمياه كانت زى النافورة وبتغلى واتلسعت منها والموتور اتغرق مياه وجيت ادور مرضتش تدور الا بعد محاولات كتير
وفضلت تقطع وبعد شوية الشكمان طلع دخان كثيف طول منا ماشى والموتور بقى ملخبط وبيفصل
ياريت حد يطمنى ايه ممكن تكون مشكلة التقطيع فى الموتور والدخان الكثيف لحد اما اروح لميكانيكى
ومحتاج غطا قربة مياه لو حد ممكن يساعدنى يبقى مشكوووور وجراه الله خير

[mohamedbook]

وضع طبيعي ان الغطي فية مشكلة واعتقد انه معملش كده منة لنفسة اعتقد ان العربية سخنت منك ابل كده وده بياثر علي الغطاء ومع مرور الوقت الغطا الي بيكون اسفل اغطاء بيكون اتهري وطبعا بيكوون فية هواء مع دورة المياه وبالتالي هتسخن العربية ويحصل مشاكل
حلها انك تغير الغطا وكل حاجة هترجع لطبيعنها
المشكلة هلكها من الغطاء بتاع القربة
واعرف سبب السخونة ايه ممكن ميكنش من الغطاء اكشف علي ثرموثتات المياة ممكن يكون خلاث باظ وبوظانة ممكن يقفل معاك وميوصلش دورة المياة كاملة

[Mecha]

جابت وش سلندر

[Mesho Ibiza]

جابت وش سلندر

ممكن تفهمنى السبب ايه وايه اللى خلاك متاكد انه وش سلندر ممكن يكون جوان او كده
وشكرا جزيلا لمساعدة

[mohamedbook]

جابت وش سلندر

الراجل بيقول انه دورها بعد كده ومشي بيها مشي بيها من غطاء قربة المياة يعني مش تمام العاربية
اعتقد الجوان سليم ان شاء الله يكون غطاء بس

[Mecha]

التقطيع والتبطيل ودخنه الشوكمان ، وبرجلة المكنه
كل دي اعراض بعد اللي حصل، المقصود بوش السلندر هو الاساس
الجوان كدا كدا هيتغير لكن الاهم الوش ميكنش اتشرخ او قفع
ياريت تكون بس حتة غطا، هتحط غطا جديد في جميع
الاحوال

[zokazok]

أنا مش عايز أفول عليك بس إعتقادي الشخصي إن العربيه جابت معاك جوان وش سلندر لأن الدخنه البيضه و غربلة الموتور و مشيك بقربه مفتوحه و تزويد ميه ف القربه و العربيه ساخنه و سخونه الموتور لحد ماوصل المؤشر لل دينجر ذون أو للعلامه الحمرا فا دي كلها مؤشرات تدل ع ان العربيه جابت معاك وش سلندر و أنا أتمني م ربنا أكون خاطئ ف تفسيري و ربنا يسترها معانا جميعا

[محمود الريدي]

يجب ان تكون دورة التبريد محكمة ونظيفة
حتي تعمل بكفائة عالية وكما للصيانة الدورية دور هام ومباشر علي هذة الدورة بالتحديد والأجزاء المحتمل تغيرها:-
الثرموثتات- موتور المروحة الكهربية - غطاء الرداتير - صباع حرارة-
– طرمبة المياة
الكشف عن تسربات مياه:
نوصل جهاز أحكام دورة التبريد ونلاحظ وجود أي تسريب
فمعني ذلك ان هناك عيب داخلي بسبب الاتي:
أعوجاج غطاء وش السلندر
أو وجود شرخ في وش السلندر
أو وجود شرخ في الفارغة نفسها ( البلوك) لاقدر الله
ولاختبار ذلك نختبر لون الزيت
اذا كان تسرب الماء كبير فان لون الزيت سوف يشبة الطحينة(بني فاتح)
اذا كان تسرب الماء قليل-فيمكن نثر بعض قطرات علي فرن الحر وسوف
نسمع صوت (طشة) يشبة سقوط الماء في الزيت المقدوح .
ومن الممكن استخدام جهاز تحليل غازات العادم والذي يمكنا من التحري من وجود ابخرة زيت مع بخار الماء ام لا (وذلك بوضعة فوق فتحة القربة)
نصيحة : يجب استخدام ماء مبرد ذو نوعية عالية الجودة-ونتجنب الانواع قليلة الجودة – حيث الانواع قليلة الجودة تسبب تأكل في دورة التبريد وخصوصا يصيب طرمبة المياة او يحدث تأكل في ريش الطرمبة نفسها مما يققل فعاليتها.
كما أن محركات الحديد يجب إستعمال ماء لدييتر أخضر لها
والمحركات الألمنيوم يجب إستعمل ماء أصفر / أحمر / أزرق .
نصيحة: هناك ما يعرف بطبب المحرك وهي مصنوعة من النحاس- لابد من تغيرها بعد 10 سنوات من عمر السيارة لانة غالبا هذا هو العمر الافتراضي لها.
وبهذا اكون وضحت بعض اسباب ارتفاع حرارة السيارة وعلاجها

[mario_9111]

ربنا يعينك وان شاء الله تكون بسيطه

[Mesho Ibiza]

بشكر كل واحد شارك فى الموضوع
فعلا الميكانيكى اول ماشاف الدخنه البيضاء قالى هاتلى جوان وش سلندر
نزلت التوفيقية جبت جوان وش سلندر اسبانى اصلى glaser سعره 70 جنيه
ياريت تفيدونى ايه اللى الميكانيكى هيعمله فى الموتور بالتفصيل
عشان مينساش حاجه وارجع اندم عليها
وايه ممكن اشيك عليه واغيره بالمره والموتور مفكوك
يعنى ممكن مثلا اشيك عالصبابات وطرمبة المايه والتاكيهات ....الخ
ساعدونى جزاكم الله خير

[Mecha]

,اياك تسيب الشغلانه لميكانيكي غبي اللي بيغير جوان في ليله ويقلب.هتتفتح تاني وهتطر تغير متور في الاخر
طلع وش السلندر للخراط.يتشاف دلايل وجلد وتقفيع وشروخ
طرمبة الميه لو جابت ميت الف تتغير.
في هنا حاجه مهمه ,ايه اللي خلي العربيه تسخن من اساسو

[Mesho Ibiza]

,اياك تسيب الشغلانه لميكانيكي غبي اللي بيغير جوان في ليله ويقلب.هتتفتح تاني وهتطر تغير متور في الاخر
طلع وش السلندر للخراط.يتشاف دلايل وجلد وتقفيع وشروخ
طرمبة الميه لو جابت ميت الف تتغير.
في هنا حاجه مهمه ,ايه اللي خلي العربيه تسخن من اساسو

عندك حق والله لازم اشيك عليها عند الخراط هو الوش لو مقفع او فيه مشكله ممكن يمسحها ويعالجها ؟
ممكن اغير طرمبة المياه بعدين لانها مش متوفرة عندى دلوقتى ولازم انزلها مشوار اعتقد هتتغير بعد كده من غير مافك الموتور صح؟

القصة ان العربية اصلا كانت من فترة بتنقص مياه على طول بكميه وغيرتلها شجرة المياه بس فضلت تنقص برده فكنت بزودها مياه من الحنفيه
لكن اخر مره كنت راجع من مشوار فسخنت والمؤشر كان قرب يوصل للمنطقة الحمراء وقفت وفتحت الكبوت ملقتش المروحة شغالة
وقربة المياه انفجرت فيا وغرقت الموتور مياه ومن بعدها وانا راجع ابتدى يخرج الدخان الابيض والعربية تبرجل

[Mecha]

المسح بحدود ، ليك 0.2 مم بين الوش والبلوك ، البلوك لازم
بتقاس بردك ، لو التففيع اتعدي لازم الوش بتغير
ومتصدقش اللي يقولك جوانين وجوان جرنجريت
كل دا بيضرب بعدين. طرمبه الميه ممكن بتدور م التقسيمه
فبدل ما تحل مرتين كلو مره واحده.
حلو انك عارف السخونيه منين ، يبا تنك وراهم
التسريب والمروحه.شوف ،الشغلانه دي عليها هيتحدد
مستقبل المتور دا.

[Mesho Ibiza]

المسح بحدود ، ليك 0.2 مم بين الوش والبلوك ، البلوك لازم
بتقاس بردك ، لو التففيع اتعدي لازم الوش بتغير
ومتصدقش اللي يقولك جوانين وجوان جرنجريت
كل دا بيضرب بعدين. طرمبه الميه ممكن بتدور م التقسيمه
فبدل ما تحل مرتين كلو مره واحده.
حلو انك عارف السخونيه منين ، يبا تنك وراهم
التسريب والمروحه.شوف ،الشغلانه دي عليها هيتحدد
مستقبل المتور دا.

تمام يا باشا لازم دورة التبريد تتظبط تانى
المهم دلوقتى ان مكان المخرطة (المقشطة) بعيد عن الميكانيكى بحوالى 30 كيلو يعنى هاخد وش السلندر
واروح اشيك عليه وممكن يمسحه لكن البلوك نفسه هاخده المخرطه ازاى ده عاوز عربية نقل على كده
وياريت لو تدينى رقم تليفونك فى رسالة تبقى خدمتنى

[tameem2010]

كان نفسي اطمنك
بس ده شكله جوان وش سلندر ان لم يكن وش السلندر نفسه