مشكلة فى تبطيل ابيزا 2006

[cetra]

السلام عليكم
العربية بتبطل Rpm بينزل وتبطل وانا بركن او انا واقف فى اشارة
غيرت البوجيهات والفلاتر ونظفت البوابة وكشفت كمبيوتر ومفيش اى ايرور
مؤشر البنزين مش ثابت مشكلة عوامه فيه علاقة بين التبطيل ومشكلة العوامه!

بس المشكلة لسة موجودة !!
أرجو الرد و الإفادة

[zokazok]

باشا كدا البوابه فيها مشكله أو الكونترول حاجه من 2 و روح اكشف تاني كمبيوتر بس خليه يعمل رسيت rseat الأول عشان يقرأ معاه العطل أنا كان معايا نفس المشكله بالضبط بس الكمبيوتر كان قاري ان المشكله ف البوابه بصراحه دوخت كتييير و جربت أكتر من 6 بوابات و كل مره اروح للكمبيوتر عشان يأكتفها ع الكنترول بتاع العربيه و الكمبيوتر يقراها انها عطلانه و وصلت اني غيرت الكنترول و برضك المشكله موجوده و بفضل الله الميكانيكي كان عنده بوابه المفروض انها ماكنتش شغاله و زبون سابها له جه يجربها عندي العربيه دارت و بطلت حط الكونترول اللي جيبته الجديد برضك العربيه تبطل و سبحان الله رجع الكونترول بتاعي ع البوابه اللي جابها و العربيه دارت و مبطلتش و روحت للكمبيوتر عشان يكود البوابه ع الكونترول برضك الكمبيوتر قري ان البوابه مش شغاله قولت له ازاي لما العربيه مبطلتش و دايره ع السلانسيه اهو قالي طيب ثواني و قام عمل رسيت rseat للكمبيوتر بتاعه و الحمد لله المشكله راحت و الكمبيوتر مبقاش قاري بوابه و شاف ان كله تمام
فارأي الشخصي هي البوابه و ربنا يوفقك

[cetra]

شكرا على رد حضرتك
عن حضرتك فكرة البوابة فى حدود كام !

[ehab_mansour]

بوابة او تسريب هواء فاكيوم في المانيفول ... التبطيل لا يخرج عن الحاجتين دول

[sala7]

[QUOTE=cetra;3876034402]السلام عليكم
العربية بتبطل Rpm بينزل وتبطل وانا بركن او انا واقف فى اشارة
غيرت البوجيهات والفلاتر ونظفت البوابة وكشفت كمبيوتر ومفيش اى ايرور
مؤشر البنزين مش ثابت مشكلة عوامه فيه علاقة بين التبطيل ومشكلة العوامه!
[CENTER] بس المشكلة لسة موجودة !!
أرجو الرد و الإفادة



اكشف عند حد بيشتغل في فولكس .. بلاش الفحص بالاجهزة الصيني

العوامة مالهاش دخل
كلام استاذ ايهاب مظبوط باذن الله

[cetra]

شكرا على ردكم
انا غيرت البوابة وبرضو لسه نفس المشكلة بس المشكلة ززادت اليومين دول بقت بتوصل ل 5 مرات فى اليوم وبقت احس برجه قبل ما تجى تبطل
واول امبارح لما بطلت ما دراتش من اول مرة دارات من تانى مرة بعد ما بطلت وواديتهم لناس شغاله فولكس برضو مش قاريه حاجة

[mohamed sedaa]

اثناء ما بتبطل بتكون انت دايس فرامل ولا لأ ؟ ولا بتحصل ف الحالتين؟
فتيس مانوال ولا اوتو؟

[cetra]

الفتيس اوتو
فى الحالتين بتحصل بس اكثر فى دوسة الفرامل

[seat2066]

ترمبة البنزين

[zokazok]

الكمبيوتر للاسف مش،بيقرا كل الاعطال او الشخص اللي،معاه الكمبيوتر مش،بيعرف،يستخدمه كويس فاللاسف،الشديد حضرتك لازم تجرب بمعني،تجرب بوابه و اتنين و تلاته لان سمعت ان اغلب،البوابات بتبقي عطلانه ثانيا هاتجرب طرمبة بنزين ثالثا خايف اقول الكونترول ممكن يكون ف حاجه انا مش عايز اعقد حضرتك بس هي عايزه ميكانيكي شاطر،و هو ياخد العربيه يجرب كل حاجه بنفسه و يديهالك شغاله

[eldmrane]

لو المشكلة دي بتحصل معاك اول ما بتيجي تقف وتدوس فرمل نفس اللي كان عندي ولفيت مصر كلها في الاخر طلع عيب الخرطوم اللي بيركب في السيرفو فدة عيب سيرفو او خرطوم السيرفو لانة بيدي هوة للمطور وبيبطل العربية غير العربيات التانية