مشكلة فى حشو عصاية الفتيس

[m.morsy]

السلام عليكم ورحمة الله

أولا أنا يشرفنى إنى أتعامل معاكم كل أعضاء المنتدى الكريم

أنا لسة مشترى سيات إبيزا 94

و عندى مشكلة فى حشو عصاية الفتيس ونزلت أدور عليه فى التوفيقية وملئتهوش

ودى صورة التيش

ياريت لو حد يساعدنى ويقولى أجيبو منين ومين أفضل ميكانيكى أتعامل معاه

شكرا

[m.morsy]

فى إنتظار الرد

فى إنتظار الرددود والمقترحات

سيات إبيزا 94 1300 cc

[Mecha]

تجيبو مستعمل

[m.morsy]

منين

لو سمحت طيب منين وبكام

شكرا

[m.morsy]

عداد

وياريت لو حد يفيدنى ويقولى ممكن أصلح العداد فين علشان عداد الحرارة مش شغال

[Colin Chapman]

تيفلون

السلام عليكم ورحمة الله

أولا أنا يشرفنى إنى أتعامل معاكم كل أعضاء المنتدى الكريم

أنا لسة مشترى سيات إبيزا 94

و عندى مشكلة فى حشو عصاية الفتيس ونزلت أدور عليه فى التوفيقية وملئتهوش

ودى صورة التيش

ياريت لو حد يساعدنى ويقولى أجيبو منين ومين أفضل ميكانيكى أتعامل معاه

شكرا

يتفصل من مادة التيفلون عند خراط وممكن نحاس بس يكون جرافيت او فسفور فقط لا غير !الفبر مش هيعيش والكاوتش المصرى كاوتش شباشب تقليد برضه مش هيعيش وعصاية الفتيس هتبقى مرجيحة!

[Mody_Benz]

فى الحرفيين بتعامل مع رضا جولف الميكانيكى من اشطر الميكانيكيه والعفشجية فى العربيه ديه

ولو على قطع الغيار المستعمله من انضفهم وجربتهم اكتر من مره فى اكتر من قطعه غيار فى الحرفيين سيد سراج

[motazgamal]

بالنسبة لعداد الحرارة شوف الاول ممكن يكون الحساس بتاع الحرارة اللى بايظ لو سليم انا عندى طقم عدادات 98 الrbm مش شغالو الباقى كلة شعال و عايز ابيعة ممكن تاخد منة عداد الحرارة