مروحة الماتور !

[kojy]

سؤال يا شباب للافادة .
انا رحت عشان اعمل لمبة بيان في مروحة الماتور الابيزا 94 بتاعتي
يعني عشان لما المروحة تشتغل اعرف من اللمبة المهم الكهربائي عملهالي وفعلا اتأكدت انها شغالة مع المروحة تمااااااام , المهم انا لاحظت ان المروحة بتشتغل على طول بعد ما ادور العربية واطلع بيها بعد 10 دقائق تقريبا وبتفضل شغالة على طول لحد ما انزل من العربية وأبطل وتبرد شوية وبعدين تقفل لوحدها ,
السؤال : ياترى هل ده طبيعي انها تشتغل كتير كده مع ملاحظة ان المؤشر بتاع الحرارة مبيعلاش ومبيوصلش للنص اصلا يعني الحرارة عادية مش عالية , ولو مش طبيعي هل المروحة كده ممكن تأثر على حاجة ؟
وشكرا لكم

[Mohamed_Ibiza]

بص ياباشا انا هفيدك على اد خبرتي البسيطة

انا عندي ان مؤشر الحرارةمش بيوصل اصلا للنص يعني دايما تلاقيه قبل لنص بحاجة بسيطة

والمروحة وظيفتها انها تساعد الموتور انه يحافظ على حرارته وميعديش درجة حرارة معينة

وتقريبا بقى موضوع المروجة تشتغل اكتى وتقف امتى ده بيكون عن طريق ظبط الترموستات بتاع المروحة ووممكن تخلي الكهرائي يظبطلك الترمستات يوطيه او يعليه حسب اللي عندك

يعني متهيالي في حالتك المروحة بتشتغل بدري شوية فهو هياخر الترموستات

يارب اكون افدتك صح وان شاء الله حد من الخبراء يفيدك اكتر مني

[kojy]

الف شكر يا محمد , بس انت ماجوبتش على سؤالي التاني !
ياترى في اي مشكلة من كونها تفضل شغالة كدة على طول ولا لأ؟

[grumby78]

مش صح ان المروحة تشتغل بالشكل ده . فيه اجهاد للمروحه وتأثير على اداء المحرك. لانه مش المفروض ان الموتور يكون بارد مع المشي.

[Mohamed_Ibiza]

مش صح ان المروحة تشتغل بالشكل ده . فيه اجهاد للمروحه وتأثير على اداء المحرك. لانه مش المفروض ان الموتور يكون بارد مع المشي.

تمام مظبوط كلامك ياباشا

[kojy]

الف شكر للرجالة