توليدو 2016

[abo_salah]

السلام عليكم
انا بافكر ان شاء الله اغير العربيه خلال شهر بالكتير ومحتار بين اتنين
( توليدو هاي لاين 2016 و نيسان سنترا 2016 )
بصراحه معجب بالتوليدو وتقفيلها خصوصا انها تقفيل مصنع سكودا في التشيك وتقريبا هي والرابيد واحد مفيش فرق بينهم غير الشكل الخارجي فقط .... وقطع الغيار هاتبقي واحد طبعا ..
السنترا تقفيل مصري .. طبعا جميله وصالون وشنطه اوسع من التوليدو واوبشن عالي جدا

والتوليدو نفس الموضوع نازله فئه واحده بس هاي لاين
والاتنين الفرق بينهم 3-4 الاف جنيه تقريبا
ايه رأيكم في التوليدو ؟ اوبشن ؟ قطع غيار ؟ وتوكييييييييييييل سيات اهم حاجه ؟؟
اعتماديه ؟
واسف عالاطاله

[عﻻء سالمان]

صالون ممكن اوسع سنة بسيطة لكن شنطة؟ مستحيل.. ادرس البورشورات كويس قبل ما تقرر ..شنطة التوليدو بتفتح هتش باك ومساحة داخلية حوالى 550 لتر و التوليدو حجزها مقفول لحد شهر 5 انا حاجز من شهرين واحدة من الوكيل استﻻم آخر 3 اول 4 لو عاوزها ادينى خبر

[scientist9508]

بشكل شخصى أرى أن التوليدو أفضل و أقوى و أجمل

[nike7777]

استاذ علاء سلمان انت ليه مش عايز تستلمها ؟ مشكلة سيولة ولا مش حابب العربية ؟ انا حاجز استلام شهر 7 فا لو انت المشكلة عندك ان مش عايز تستلم حاليا ممكن نبدل الوصولات

[عﻻء سالمان]

سيولة طبعا.. خلينى افكر فى موضوع تبديل الوصوﻻت ﻻن استﻻمى على اول شهر 4 تعرف لو السعر الرسمى يتثبت لحد شهر 7.. عموما انا هشوف ميتهم اية على اول 4 دة غير انى اتفقت معاهم لو غليت وقت اﻹستﻻم هلغى الحجز واسترد المقدم