مشكله في ابيزا 2000

[zedan123]

السلام عليكم .......
كل سنه وحضراتكم طيبين ورمضان كريم علينا كلنا

انا معايا ابيزا 2000 كانت 1000 mpi وبعدين الموتور خف فا جبت شورت بلوك 1400 على ادوات التغذيه بتاعت ال 1000
المشكله بقى....
العربيه من شهر كانت بتدور عادي وهاديه ومظبوطه بس لو طلعت بيها مشوار طويل تتلت وتظبط لما تبرد....فا تم تغيير الاتي:
طقم كستبانات
بوجيهات وفلاتر وسيور
طرمبة بنزين
مسطرة رشاشات
حساس كامه
مراجعه على الضفيره وترميم اجزاء في الارضي

العربيه حاليا بتدور تمام لمدة 3 ثواني وتبطل على السلانسيه ولو حاولت امشي بيها ساعات تمشي كويس وساعات تبرجل ومتقبلش دوسة البنزين....

كودت البوابه كذا مره بدون فرق

دا ممكن يكون سببه ايه

[hossamalsadik]

لابد من الكشف بالجهاز vcds عشان نعرف كود الخطأ ايه ونعرف المشكله فين ونعرف كفاءة الحساسات ممكن جوان وش السلندر يعمل كده برضو يكون فيه تنفيس بسيط بيدخل نقط مايه على البستن

[zedan123]

شكرا جدا لردك استاذ حسام.....العربيه بتقرا كود p0300 و p0302 وحساس شكمان
بس كذا حد قالي ده بسبب اني مسقط 1400 على كنترول ال 1000
والبنسبه لجوان وش السلندر هل في طريقه اعرف بيها من غير ما افك؟

[sala7]

شكرا جدا لردك استاذ حسام.....العربيه بتقرا كود p0300 و p0302 وحساس شكمان
بس كذا حد قالي ده بسبب اني مسقط 1400 على كنترول ال 1000
والبنسبه لجوان وش السلندر هل في طريقه اعرف بيها من غير ما افك؟

لما ركبت المكنة 1400 دي على الكنترول 1000 عملت تحديث على الكنترول انك مركب ماكنة 1400 ؟؟؟؟؟؟؟

الكودين اللي ظاهرين عندك دول صح جدا و ممكن يكونوا السبب .. و معناهم الاتنين ان فيه عدم حرق صحيح بصورة عشوائية

انا متابع معاك في الجزئية الاولى جرب و قولي

[hossamalsadik]

الكودين معناهم ان عندك حرق فى البستن او غرفة الاحتراق غير صحيج واسمه misfire
والكودين عندك بيطلع امامهم رقم البستن الى فيه المشكله ( عملية الحرق الغير صحيحة )
وبكون مكتوب الاتى على كجهاز كشف الاعطال
Cylinder ...(1-2-3-4)... Misfire Detected
والرقام طبعا بتكون معناها ان فى عطل وحريق غير جيد فى السلندر رقم 1 ممكن يكتب 2 وكهذا
طيب الحل ايه ؟ هناك عدد حلول لهذا المشكله لانها جميعا مرتبطه بها مثل
- دورة الكهرباء : بوجيه البستن ( السلندر حسب رقم العطل ) ده غير سليم ويجب تغيره
سيلك البوجيه الخاص به غير سليم يجب تغيره
عطل فى المبينه وتحديده السلك الى خارج منها ومغزى غرفة الاحتراق ديه ( حسب رقم المكتوب بالجهاز
بمعنى اى غرفة احتراق ) وفى الحاله ديه يتم تغير الموبينه

جوان وش السلندر غير سليم كما سبق وشرحت ( وده ممكن يكون ان العربيه سخنت منك فى يوم جامد والجوان تلفَ فى بعض المناطق واصبح بيسرب مايه الى غرف الحريق )
انا ارجحلك الجوان طيب الحل السريع ايه انك تجيب مانع تسريب دورة المياه اسمه STOP LEAK وبيتباع ب 25ج فى التوفيقيه بالقاهرة وبالبنزينات تشترى عبوة واحده فقط وتحطها فى القربه عندك وهى هتعمل على سد اى تسريب للمياه ومعالجة مشكلة جوان وش السلندر ان شاء الله كما انه يوجد ايضا نوع اخر يوضع على دورة الزيت بيمنع تسريب الزيت من الاويل سيل وجدير بالذكر يجب وضع كمية الزيت المناسبه للمحرك ليس اكثر بحيث لا تتعدى max على مقياس الزيت حتى لتتلف بالضغط الزائد اويل سيلات المحرك

تحياتى