سيات انكا 2000 مشهورة ابيزا

[محمد ليبتون]

اشتريت عربية سيات انكا موديل 2000 من شهرين ولما جيت اغير ملكية اكتشفت ان الموتور الموجود بالعربية رقمه غير الموجود بالرخصة
المهم قررت اسقط موتور جديد وربنا يعوض عليا
الوتور اللي في العربية حاليا جولف 2 1600 cc

تنصحوني اسقط ايه وعاوز خيارات مثلا لو بالتكييف وكله اجيب ايه ولو عاده اجيب ايه ورنج التكلفة في الموتور والمصنعية قد ايه مع الأخذ بلاعتبار ان دي عربية شاريها للشغل يعني عاوزها تكون موفرة وقطع غيار سهل الوصول ليها
اسف للأطالة وفي انتظار ردودكم

[Mohamed Desoky]

اشتريت عربية سيات انكا موديل 2000 من شهرين ولما جيت اغير ملكية اكتشفت ان الموتور الموجود بالعربية رقمه غير الموجود بالرخصة
المهم قررت اسقط موتور جديد وربنا يعوض عليا
الوتور اللي في العربية حاليا جولف 2 1600 cc

تنصحوني اسقط ايه وعاوز خيارات مثلا لو بالتكييف وكله اجيب ايه ولو عاده اجيب ايه ورنج التكلفة في الموتور والمصنعية قد ايه مع الأخذ بلاعتبار ان دي عربية شاريها للشغل يعني عاوزها تكون موفرة وقطع غيار سهل الوصول ليها
اسف للأطالة وفي انتظار ردودكم

مش الانكا دى بصندوق مقفول زى النقل المقفول المهم انتى ازاى اشتريت بدون شهادة بيانات من المرور ازاى الموتور مش مثبت فى الرخصه على العموم السيات زى الجولف كله بيركب على بعضه وانصحك تسقط الموتور فى بورسعيد لان التكلفه اقل من القاهره وكمان وتاخد الافراج الجمركى والفاتوره من التاجر وتجرب الموتور وانتى جاى فى السريع 3سعات هتعرف هتركبه فى نفس اليوم والورق وباقى التفاصيل فى اليوم التانى فى بورسعيد نص سعر القاهره وربنا يوفقك ؟

[hossamalsadik]

هيمشى عليها اغلب مواتير الفولكس هى موتورها الاصلى جاز بس انتا ممكن تركب بنزين بأى سعه بدون مشاكل عندك 1.4 عامل 60 حصان ولو عاوز اقوى يبقى 1.6cc ال mpi انجكشن بالكامل 75 حصان ودول مناسبين لموديل العربيه فى سنة الصنع
فى مواتير اقدم فى موديل التصنيع وكويسه برضو زى موتور اسمه ebs وده كوده وهو cc 1800 وبيعمل 90 حصان صيانته سهله وقطع غياره موجوده وعملى استهلاكه فى البنزين مش عارف بالظبط لاكن فى العادى مش حريقه يعنى ده الى حاضر فى بالى دلوقتى
لو كنت من القاهره كنت دليتك على ميكانيكى كويس ( محمد الزعيم بصقر قريش المعادى - هتلاقى بياناته فى البوست المثبت الخاص بعناوين الورش فى اول القسم ) هوا راكب سيات وجولف واخوه عنده سيات انكا بموتورها الاصلى وتقريبا غيرلها الموتور بسسب ارتفاع سعر وندرة الكنترول بتعها ففهام فيها كويس
تحياتى

[hossamalsadik]

http://www.nilemotors.net/Nile/365862-a-2.html#post3875263432