عداد الابيزا ضرب

[grumby78]

من غير مقدمات انا كنت باعمل عمرة سمكرة ودوكو لعربيتي ولما خلصت ورحت بيها للكهربائي لقيت العداد مش شغال . عداد السرعة مش شغال ولا ال rpm ولا البنزين . الوحيد اللي شغال هوا عداد الحرارة . فكرت فيه حاجة فاصلة بس الكهربائي بعد الكشف قالي العداد باظ ولازم يتغير او يتصلح ودي حوارات . لفيت عند بتوع الاستعمال في صلاح الدين (الاسكندرية) لقيت كل العدادات معيوبة . اللي شغال كله ماعدا البنزين واللي ضارب تماما وبقالي 3 ايام عالحال دة .علما بان عدادي بتاع الابيزا 1994 glx . انا فعلا تعبت وياريت اللي يقدر يوجهني او يساعدني مايتأخرش ..........

[PASST2000]

لو تحب تاخد عدادات ابيزا 99 نضيفة جدا بالفيشه عداد سرعة 200 و rpm 60 و و بتعد الكيلوات ديجيتال انا اقدر اجيبهولك

[grumby78]

بس ده مش محتاج تعديل عشان انا الكيلوات عندي بكرات مش ديجيتال ؟؟

[grumby78]

وبعدين يابا شا انتا متأكد انه ينفع لو كده ايه الكلام ؟ وبكام؟ وبعدين انا في alex

[PASST2000]

بس ده مش محتاج تعديل عشان انا الكيلوات عندي بكرات مش ديجيتال ؟؟

انا هسألك في الموضوع ده يا باشا بس الحجم هو هو و الشكل كمان تقريبا هو هو وضعية الفيشه مختلفة بس هسألك لو ينفع هرد عليك علي الخاص و انا في القاهرة و احتمال اجي في العيد اسكندرية بس هسألك و ارد عليك اذا كان ينفع ولا لا و هقولك برضه اذا كنت جاي ولا لا

[grumby78]

شكرا على ذوقك ومستني الرد

[PASST2000]

معلش يا باشا مش هقدر اجي اسكندرية في العيد بس انا سألت قالولي ان البكر اللي بيعد الكيلوات جوا طقم العدادات نفسه مش برا و الطقم متقفل انت بتشيل الطقم و الفيشه و توصل الفيشه التانيه و تحطها في الطقم الجديد ليها مكان ورا و تحطه و تربط و تدور و كله يبقي زي الفل

[grumby78]

شكرا ياباشا وكل سنة وانتا طيب

[PASST2000]

و انت طيب:)

[mexmarine]

انا غيرت العداد قبل كده من عند فتحى عدس فى سيدى بشر و اشتغل و مفيش مشاكل لان عربيتى كانت سى إل إس و ركب عليها واحد تانى فى موديل اعلى لانه كان فيه Abs , فقط الاشارات هى اللى كانت مشكله لانها منفصله شمال لمبه و يمين لمبه و انتظار لمبه , عكي القديم كله فى واحده , لكن كله كان شغال الغريبه انى ماكانش عندى ار بى ام و المستعمل اللى جبته كان فيه و اشتغل بدون اى مشاكل لان الفيشه واحده فقط انت هات واحد شغال و متقلقش جربه امامه و ان شاء الله يشتغل كويس و انا عنت جايبه بمائتين جنيه