طريقة اختبار بلف الEgr

[MEAMY1980]

السلام عليكم
انهارده بشيك علي بلف ال.egr علشان حاسس بكتمة في العربية وفكيت الخرطوم بتاع البلف( من ناحية البلف) ولاحظت ان مفيش اي غازات خارجة من الخرطوم او من البلف. العربية ابيزا 2002 انجكشن 1400 2 كامة والبلف من النوع العادي مش كهرباء.
السؤال هل كده في مشكلة عندي ولا ايه

[tasaka]

اتقد اللى انت بتتكلم عليه طبيعى لانه موش مفروض تشوف غازات عادم فى الخرطوم الرفيع ده

على حد فهمى .. بصفه عامه لاى egr

- ال egr بينظم رجوع عادم الشكمان الى مدخل الهواء ليعاد ادخالها مره اخرى داخل البساتم

- عادم الشكمان بيكون ساخن جدا .. يعنى موش حيكون متوصل عليه خرطوم علشان ينقل العادم الى مدخل ال egr لان الخرظوم لن يتحمل الحراره طبعا .. المفروض بتكون ماسوره واصله من الشكمان الى مدخل ال egr

- الخرطوم اللى انت شفته .. ده المفروض خرطوم رفيع .. و بيكون فيه فاكيوم هواء ( خلخله ) .. و واصل على بلف ال egr .. يعنى غازات العادم لا تمر به

الخرطوم متوصل من طرفه الاخر على مدخل الهوا عند البوابه .. عند رفع لفات المونور بيزيد الفاكيوم داخل الخرطوم الرفيع ده .. و بالتالى بيسحب الصمام اللى جوه ال egr .. و بالتالى ال egr بيفتح و يمرر الغازات اللى بتيجى من الشكمان الى مدخل الهواء

لاحظ ان عند رفع لفات المونور بيزيد الفاكيوم داخل الخرطوم الرفيع ده ..و لكن فى تفس الوقت الفاكيوم بيقل داخل المانفولد ( توضيح علشان ميحصلش لخبطه فى الفهم )



- فيه نوع كهربا .. و نوع عادى متوصل مباشره .. و نوع عادى متوصل على سولونيد لتنظيم كميه الفاكيوم و بالتالى تنظيم نسبه فتح ال egr

- فى النوع الاخير .. السولونيد لن يفتح نهائيا قبل ان تصل درجه حراره الموتور الى درجه التشغيل .. يعنى يفتح فقط بعد المروحه ما تشتغل

- اللى اعرفه كمان ان ال egr المفروض يفتح بعد سرعه 60 كم ( بس موش متأكد من النقطه دى ) او عند عدد لفات معينه .. و ما اعرفش لكل الانواع او لاحدها فقط ؟؟



- ممكن تختبر ال egr بانك تغمل فاكيوم و العربيه على السلانسيه عند مدخل ال egr >> المفروض العربيه تبطل او الموتور يبرجل جامد .. ده بسبب انك دخلت غازات عادم بكمميه كبيره على كميه الخليط الطبيعيه القليله على السلانسيه

- طريقه ادق .. و العربيه مبطله .. توصل طلمبه فاكيوم على مدخل ال egr .. و تسيبها دقيقه و تشوف .. المفروض الفاكيوم لا يقل و يظل ثابت